ليش ما أقدر ابكي ! :(

السلام عليكم ورحمة الله وبركاته ..




بنات بشرح لكم حالتي وقولوا لي وش تفسيرها
انا من النوع اللي كنت ابكي على طول حتى لو بس احد رفع صوته علي ابكي
هالحين اقسم بالله اني امر بصدمات قووويه تعور قلبي ولا اقدر ابكي
قلبي يوجعني بس دموعي مو راضيه تنزل 
ودي ابكي بس ما اقدر
ودي ابكي عشان ارتاح بس احس دموعي جفت
وش تفسير حالتي ؟؟؟
واحياناً لا اذا بكيت دموعي تنزل طول اليوووووم 




يعني موقف قووووووي ما ابكي منه دموعي ما ترضى تنزل
وموقف خفيف ابكي منه طول اليوم يعني اجلس طول اليوم ودموعي اربع اربع لدرجة كل من شافني ينصدم من هالبكاء




بس انا احتاج انزل دموعي بالمواقف الصعبه عشان ارتاح :(




وفي النهايه دعواتكم لي بالزوج الصالح لأني تعبت من اللي حولي اذا شافوا بنت اصغر مني يجلسون يقولون فلانه انخطبت 
او اهلي يقولون لي شوفي اللي بعمرك متزوجات وعندهن عيال وانتي زي الشغاله عندنا :(
جزاتي اني اخدمهم واقسم بالله يفرقون بيني وبين خواتي ، خواتي مدلعات ولا يسوون شي وانا لا بالعكس محرومه من كل شي ولازم اريحهم وهالشي اجباري علي ولا اقدر اقول شي لأني لو تعمقت بهالشي بينقلبون علي
انا مابي اطول بالكلام لأني مسامحتهم لوجه الله
بس والله العظيم تعبت اقل شي اتزوج واسلم من كلام الناس وارتاح نفسياً واطلع واغيّر جو مو محبوسه في البيت لي سنين لا دراسه ولا وظيفه ولا زواج
لحد تقول خلصي دراستك ولا توظفي لأن اهلي معاااارضين الدراسه
على فكره انا انحرمت من الدراسه بسبب اهلي وخواتي اهلي سامحين لهن يدرسن 
ادري اني تعرضت لظلم قوي من وانا صغيره بس الله يسامحهم
لا تنسوني من دعواتكم الله يسعدكم ويخلي لكم عيالكم ادعوا لي اتزوج شاب خلوق اكبر مني وعازب 
شكراً لكم لأنكم متنفسي الوحيد اللي اقدر اشكي له ويساعدني ..