ليش ما تزوج ليش ما يتزوج

مساء الخير
انا عندي اخوان واحد أصغر مني بسنتين والثاني بثلاث هم ما يبغون يتزوجون رافضين الفكره عايشين حياتهم بطول والعرض ما يحبون تحمل المسئوليه ابدا انا متزوجه الحمد لله لكن من قبل ما اتزوج والناس شاغلين أنفسهم في اخواني ليش ما تزوجو ليش ما تزوجو وين ما نروح لازم تحقيق في ها الموضوع سواء انا ولا امي مره امي رايحه لناس الا استعملتها وحده ما قررو عيالكم يتزوجون امي تقول كل شي نصيب قالت ايوه بس لازم فعل الأسباب انت ليش ما تقنعهم قالت امي تعبت منهم قالت اصري عليهم وووووو يعني الحرمه تتكلم مع امي كنها محقق وكمان الي تقول لي حطوهم عند الأمر الواقع والي تقول لأمي إ زعلي عليهم وطرديهم من البيت والي تقول لي فيه عروسه مره حلوه قولي لخوك واذا رفض قولي خلاص ترى حددنا ونسقنا مع الناس والناس موافقين ووووو وهي تتكلم ومتحمسه كن زواج اخواني هم على قلبها المشكله ان اخواني يقولون محنا متزوجين حنا ما عشنا عاله عليك ولا اكلنا من كيسك تخيلو مره اخوي جالس واتصلت قريبه امي وهات تحقيق كا العاده يوم سكرت الا اخوي انفجر قال ايش دخلها وقال لامي وانت ليش تحقق معك كان انت دخلت بعينها زي ما دخلت بعينك كان قلت لها وانت ايش دخلك ووووو يعني عصب الي باط كبدي ان اخواني ماشاء الله تبارك الله عائشين بطول والعرض وسفريات ووناسه وحنا جالسين نسمع تحقيق الناس ليش ما تزوجو زوجوهم والشي الثاني انا اخر همي زواج اخواني لو يجلسون طول أعمارهم بدون زواج ما هموني ايش يبغون الناس اسوي فيهم اسحبهم غصب لزواج وبعدين انا قبل ما اتزوج كنت شائله هم نفسي لاني صار عمري فوق ٣٥ ما تزوجت والناس يفكرون اني ما انام الليل من هم عدم زواج اخواني والان انا شائله مسئوليه بيتي واطفالي مو ناقص علي الا بس اجاوب على اسئله الناس وابس احاول في اخواني الا غصب تزوجو قسم بالله لاعت كبدي