لا تكونين مجنونة وتقصينه لاني مجربة

غبية انا لا تراني قصيته بعد ما كان طويل وايد قصيه كاري اوني ابا اغير الوك والحين ندمانة ندم حياتي واختي بعد قصته وكان وايد حلو بس هي احسن عني شو شو يعني كان لين فخذها وقصرته اونة عشان التقصف وحرام ما كان فيه شيء لين تحت ظهرها وبعدين شكلها تعودت ما تهتم فيه لان فقد جماله الي كان وقالت بعد بقص شوي وقصته واخر شي اكتشفنا انها سارت الصالون من ورا ظهرنا وقصته كاريه والحين هي ندمانة وانا الي كان شعري اطول عنها بعد بترتا من كم من سنة كنت انصحا دوم لكن منو يسمع الكل ما يسمع النصيحة لين ما يجرب بروحه ويندم لكن ياريت شعري يرجع واحلف اني ما اقصه الا اطرافه وصدقيني الشعر لا قصتيه مدرج بتطرين تقصينه عقب فترة استريت فبيقل طول شعرج في النهاية

ولو شعرج حلو حق شو تسمعين كلام الناس تراهم غيرانين من طوله والله الي يحبج مثل ريلج من صدق يحب اللك الي انت عليه مب نيو ومصخرة وصراحة الموضه هالايام الشعر الطويل وبما انج معرسة فتاكدي ان الريايل يحبون الشعر الطويل

انا مثلا يدتي ما كان يدي ايه رقاد لين ما كان يمسك خصلة من شعرها

ولا تسمحين لشيطان يدمر احلى شي خلقه الله لج شرات ما انا سمحت له
مع تحياتي

وتكفين لا تقصين اذا مب علشان خااطري على الاقل علشان خاطر كل عضوة في حواء

مشاء الله تبارك الله ..
انا من رايي اذا حبيتي تغيرين بعد فتره وتجددين من شكلك لاتخلينه بقطعه وحده قصيه تدريج او شلال بس بطوله من ورا :)

تحياتي ..

انا من رأيي اذا الشعر مو خفيف وكثافته معقوله والاهم العمر يكون 35 واقل , حلو الشعر الطويل ,بس بعد العمر هذا قص الشعر يكون ضروووووري لاته يصغر الوحده عشرات السنين وراء, ويكون اسهل للتغيير كل فتره يعني سنوياً.. ووووووبس!!:26:

الشعر ميـــزه

مو كل انسان ربي عطاه شعر .. ومو كل انسان عنده نفس انه يطول شعره ويهتم فيه

بالعكس في مجال انك تجملين نفسك مع الشعر الطويل

مثل الصبغات الثلجيه او البرغندي

ومعروف هالرجال مايفز قلبهم الا للشعر

الغرب اختاروا الشعر القصير لانه عملي اكثر شي .. لان المرأه عندهم عامله قبل ماتكون امرأه
صح ولا لا ؟

بس حنا الخليجيات ربي كرمنا اننا مثل الاميرات في بيوتنا
عمرك شفتي اميره اسطوريه من قصص وكتب الف ليله وليله
قاصه شعرها BOY ؟؟؟

وحتى اذا نبي نتخيل امرأه جميله اول شي نتخيله هو الشعر الطويل

انا مانكر الشعر القصير له فوايده وان يصغر بالعمر
بس مدام البنت عمرها من 16 الى 35 بعز صحتها وقوتها
ليه ماتتمتع بجمالها اللي الشعر جزء اساسي راح يكون منه

وبعد ماتكون على اعتاب الاربعين تقص شعرها .. لانه بهالوقت راح تحتاج انها تصغر كم سنه
بس اذا كانت تقص شعرها من 20 الى 40 او 50 بالعكس بيكون عمرها مفضوح
هو هو

عكس لما تربي شعرها وبعدين لما تحس بخطر العمر تقصه راح ترتفع معنوياتها لفوووووق



على العموم انا لاحظت المشاغل وبالذات اللبنانيات ... ليه بتحبوا الشعر الطويل .. لاشوه بتحبو الحناء
مين ئال ان الزيت فيي فايدي ؟

وكلهم شعرهم بوي وان كان احد منهم شعره طويل فهو دقراديه خخخخخخخ


وفيه بعض الكوفيرات فيهم نحاااااااااااااااسه
اذا قلتي لهم قصوا لحد ظهري ماتدرين الا طالعين الين تحت كتوفك
واذا قلت لييييييييييه
قالو شعرك كان تعبان
خخخخخخخخخخخخخخخخخخخخخ

الصراحه البنات ماقصروا
وانا اختي مع اللي تقولج حافظي على شعرج ولا تقصينه اتصدقين انا شعري قبل لا اتزوج كان طويل وبعد الزواج قصيته علشان اغير من شكلي بس ندمت وايد لاني تعودت على القص من يطول اشوي احس اني متضايقه منه وعلى طول اروح الصالون علشان اقصه لين كتوفي بس بعدين مليت والله من الشعر القصير وقررت اني اطوله وصرت اهتم فيه واحنيه والحين الحمدالله شعري وصل لين ظهري وعاجبني واااااااايد وان شاءالله بستمر اعتني فيه لين يصير تحت ظهري لان فعلا جمال البنت بشعرها الطويل اتحسين كلها انوثه وجاذبيه عكس اللي شعرها قصير وغلطانه اللي تقول الشعر الطويل ماتقدرين تتحكمين فيه وتسويله تسريحات حلوه مثل القصير بالعكس في وايد تسريحات تناسب الشعر الطويل واكسسوارات خاصه فيه :27:
ونصيحه اختي لا تصبغينه لان الصبغ يبهذل الشعر اذا تبين اتغيرين لونه استخدمي مواد طبيعيه مثل الحناء:26: