بسم الله الرحمن الرحيم
وش طابخين اليوم ؟؟ اشم ريحة محاشي يم يمي
انا بصراحة ما اعرف اكتب مقدمات طويلة وبدخل في الموضوع علطول
لو تلاحظو ان كل البنات والحريم شغلهم الشاغل كيف يرضو الرجل
سواء من حيث الشكل( ذبحو نفسهم بالريجيم!)
او من حيث اللبس ( ممكن تستلف ملابس من اختها وصاحبتها علشان ينبسط سي السيد !!)
او من ناحية بطن الزوج على امل ان يتسفلت الطريق الى قلبه !
نفسي قبل ما اموت ولو بالغلط اشوف موضوع من رجل يتكلم فيه عن طرق ارضاء الزوجة او تدليل الزوجة او اي شي جبران خاطر على الاقل!!
من تجربتي مع زوجي عرفت اشياء كثيرة ومهمة
الزوج مو طفل صغير ولا بعبع كبير
الزوج يحب المعاملة اللطيفة العادية اللي تشعره باهميته بس ما تلغي شخصيتك.. الحمد لله انا تزوجت انسان معتدل في كل شي ..لما اطلب شي وما يوافق عليه يبدل كلمة (( لأ)) بنقاش بسيط وبابتسامه..
امس كانت مباراة الهلال والاتحاد وبصراحة انا مالي في الكورة فقلت طالما انت بتجلس تتفرج على المباراة انا بروح السوق مع السواق(( لانه ما يحب يلف المحلات زيي)) .. بأسلوب راقي ورائع قال لي المباراة ما تحلى الا وانتي جنبي .. طبعا انا فرحت وقلت ابشر بأحلى جلسة ورحت سويت فشار وجبت العصير وهات يا تفاعل مع المباراة (( كأننا بالملعب!)) وانبسطت مرررة يعني نسيت موضوع السوق نهائي.
اليوم الصباح قمت لصلاة الفجر وخلصت وردي الحمد لله وعادة انا ارجع انام اما زوجي يرجع من الصلاة ويحب يسوي رياضة شوي وبعد ماينتهي تكون صحيت الشغالة وتعمل له نسكافيه و يشتغل شوي (( رجل اعمال و يحب ينجز بعض اشغاله من البيت ))
فقلت بلاش نوم اليوم وبعد ما رجع من الصلاة سويت له فطور خفيف(( مو لازم لما تسوين فطور بدال الشغالة تتعبي نفسك يعني كوب نسكافيه وساندوتش صغير او كوكيز شي خفيف يعني يؤدي الغرض))
ولبست بيجامة مرتبه وتعطرت بعطر الياسمين الخفيف (( من بودي شوب رااائع في الصباح بدل الروائح القوية))
لما جا ولقيني صاحية انبسط وقال لي بيت شعر يجنن ( زوجي مو شاعر والشعر اللي يقوله ماله لا وزن ولا قافيه لكن احلى من قصائد اكبر الشعراء لانه لي لوحدي ويكفيني انه يحب يعبر لي عن مشاعره بكل الطرق))
وبعد ما جلسنا جلسة حلوة وشاعريه على الصبح وفتح نفسي بكلامه السكر ما حبيت اعطله عن شغله(( مو لاني صحيت بدري اخرب بيته ههههههه))
وجلست جنبه وهو يشتغل وفتحت النت الا لقيته ترك شغله على جهازه والتفت علي وحط ايده ورا كتفي وقال (( كل زوج يتمنى يكون عنده زوجة زيك وكل اب يتمنى يكون عنده بنت زيك وكل اخ يتمنى يكون عنده اخت زيك وكل ملك يتمنى يكون عنده مواطنة زيك)) انا مت من الضحك يعني غزل بشكل طريف.. يعني هالكلام ما كلفه شي لكن اسعدني بشكل ما اقدر اوصفه وصدقوني لاتعتبرو كلامي اني انسانة كاملة بالعكس انا انسانة عادية وزوجي الحمد لله تتمناه اي امرأة يعني في بعض الرجال ما يمدح زوجته الا اذا كانت غنية او قوية او يخاف من اهلها الا فيما ندر وانا اقول هالكلام من مشاهداتي لكثير من اللي حولي..
نفسي الرجال يتعلمو من الافلام اللي مضيعين وقتهم فيها وبدل ما تتبطط عيونهم على لميس ونور يشوفو يحيى ومهند شلون يتعاملو معاهم وقبل هذا كله يتذكروا قول الرسول صلى الله عليه وسلم لما قال (( رفقا بالقوارير)) وهذا شعار زوجي في تعامله معاي..
اتمنى ان كل زوجة او بنت مقبله على الزواج ما تحط ببالها ان (( زوجك جنتك ونارك)) زي ما صرعونا امهاتنا .. تعامله بالمعروف وتعيش حياتها معاه ببساطة
مو كل صباح تحط مكياج فرح
او تجلس معاه بالليل كانها جايه من عزا يعني احنا امة الوسط ..
و ناويه اكتب موضوع ثاني عن يوم كامل مع زوج متحضر وزوج غير متحضر وهو من كل ما رأيت وسمعت واتمنى ما اكون طولت عليكم بس حبيت اقولكم عن شي بصدري لاني اتضايق من الاهتمام المبالغ فيه بالرجل وكانه مو من طين زينا.. وااكد للمرة الالف الاعتدال في معاملة الزوج هو افضل شي لحياة هانئة
وشكرا لكم على سعة صدوركم
رشيقة45 @rshyk45
عضوة فعالة
يلزم عليك تسجيل الدخول أولًا لكتابة تعليق.
رشيقة45
•
مثل ماالزوجات يعيشون بشخصيات وأفكار مختلفة..فأيضاً الرجال كذلك مو كلهم يشبهون بعض.. الطريقة اللي تستخدمينها مع زوجك مو شرط تكون ناجحة لو استخدمتها زوجة أخرى مع زوجها!! فيه أزواج يحب المبالغة في النظافة والترتيب في البيت وحتى في مظهر زوجته يبغاها طول الوقت كاشخة..وبالذات لما يكون عندها خادمة يبغى منها تتعب على نفسها وتكون بمنظر جذاب.. وفيه رجال بالعكس مايحب الماكياج ولاالتزين الزايد يحب يشوف زوجته بشكلها الطبيعي... وفيه رجال يحبون يشوفون زوجاتهم بنفس المنظر اللي تعود يشوف أمه وأخواته عليه سابقاً... بس نصيحة مني لكل الزوجات لاتاخذين نصايح غيرك وتطبقينها بحذافيرها..كوني انسانة واعية وادرسي زوجك زين..وتعرفي عن مايحبه ويكرهه عن قرب...وبالتالي تعرفين مبتغاه... وأهم شي القناعة...لاتاخذين حياة غيرك نموذج وتقارنينها بحياتك...لازم تستمتعين بحياتك على طريقتك الخاصة.. ومن خلال مالاحظته في مجالس النساء..المرأة اللي دايماً تمدح زوجها بمناسبة وغير مناسبة وتحب تتباهى فيه أمام الناس من غير مبرر هي انسانة غير صادقة ومن أتعس النساء!!!لأنها تحاول أن تغطي النقص اللي تحس فيه بكثرة الكلام... المرأة السعيدة هي التي تجدونها غالباً محتفظة بصمتها في أمورها الزوجية الخاصة!!وهذا من رجحان عقلها.. وجزاك الله كل خير عزيزتيمثل ماالزوجات يعيشون بشخصيات وأفكار مختلفة..فأيضاً الرجال كذلك مو كلهم يشبهون بعض.. الطريقة اللي...
الروائية الرائعة رماح في موضوعي!
اسمحي لي اكون في الصف الاول من متابعي كتاباتك الجميلة ..
عزيزتي .. تعقيبا على ردك الـ(دسم).. لي بعض الوقفات ..
بداية ..انا ما مدحت زوجي بالطريقة اللي ذكرتيها وهي (( بسبب او دون سبب))
بالعكس اختي انا فقط اذكر مواقف حياتيه مفروض تكون ( عادية).
ايضا حبيت اصحي البنات من وسواس اسمه( الرجل!! )
انا يا عزيزتي مر على زواجي حوالي سنة تقريبا
وقبل الزواج (( ملكة)) حوالي سنة
من خلال هالفترة ناقشت زوجي عن اللي احبه واللي ما احبه
يعني رسخت عنده فكرة..
(( زوجتك انسانه لها حقوق.. ثق تماما انك كلما حرصت على ايفائها لها بتكون اسعد انسان
اول شي سعادتك من سعادتي لان
اكتئابي = ضيقتك =تجاهل من الطرفين = هروب من الواقع بشكل او بآخر))
هذي وجهة نظري اللي اتفقت معاه عليها من البدايه..
بعض البنات اللي اعرفهم واللي عرفتهم هنا بيننا تكون في هم ما يعلمه الا الله
ليه
بكرة اول ذكرى لزواجي
ابغى لبس
مكان مناسب
هديه قيمة
بالعربي ابغى (( فلوووووس ))
احيانا تكون محظوظة ومعاها فلوس
احيانا تبيع قطعه غاليه عليها
تستلف من امها
وبين هذا وذاك ترهق اعصابها وتتلف مشاعرها وهي عارفة نتيجه هذا كله
اما (( رد فعل بارد)) < اعرف ان هالشي نادر لان ما احلاه يقابل الدمار اللي صابك
علشان (تخرجي ) له هالليلة ببرود..
او (( فرح واندهاش بغباء يعني يقلب عيونه فيك وفي الاشياء اللي عملتيها
وكأنه يقول يا الله متى سويتي هذا كله انا وين كنت )) وهالشي حتفهميه انه انبساط ( شديد)!
او ( وهذا الاكثر ندرة) وتشهد قصصكم اللي تفردو لها صفحات هنا
( شكر وتقدير ووعد انه يردها لك ويفاجئك بشي احلى))
يا اخواتي كلما حاولتي اسعاد زوجك (( بطحن نفسك ثقي تماما انه حينبسط مؤقتا وهذا ما يعادل للي بذلتيه..
المسج هنا ((وفري على نفسك القلق التعب الاكتئاب اللي ممكن يصيبك لو كانت ردة فعله مو على مستوى جهدك اللي بذلتيه..
وممكن تكرهيه لو صدمتك ردة فعله..
قيسي على هذا كل شي تسويه في نفسك او تتعبي نفسك فيه وانتي عارفه انه زي البنج (( يلطف )) لكن يحتاج دوا بعده علشان ينفع ..
و اخيرا احب ااكد على ان كل وحدة فينا لازم تتخلص من عيوبها النفسية او الجسدية بطريقة صحية وسليمة علشان نفسها اولا وثانيا وثالثا .... واخيرا من اجل الناس وزوجها واحد منهم.
وانا اولكم وتوقيعي يشهد :)
اسمحي لي اكون في الصف الاول من متابعي كتاباتك الجميلة ..
عزيزتي .. تعقيبا على ردك الـ(دسم).. لي بعض الوقفات ..
بداية ..انا ما مدحت زوجي بالطريقة اللي ذكرتيها وهي (( بسبب او دون سبب))
بالعكس اختي انا فقط اذكر مواقف حياتيه مفروض تكون ( عادية).
ايضا حبيت اصحي البنات من وسواس اسمه( الرجل!! )
انا يا عزيزتي مر على زواجي حوالي سنة تقريبا
وقبل الزواج (( ملكة)) حوالي سنة
من خلال هالفترة ناقشت زوجي عن اللي احبه واللي ما احبه
يعني رسخت عنده فكرة..
(( زوجتك انسانه لها حقوق.. ثق تماما انك كلما حرصت على ايفائها لها بتكون اسعد انسان
اول شي سعادتك من سعادتي لان
اكتئابي = ضيقتك =تجاهل من الطرفين = هروب من الواقع بشكل او بآخر))
هذي وجهة نظري اللي اتفقت معاه عليها من البدايه..
بعض البنات اللي اعرفهم واللي عرفتهم هنا بيننا تكون في هم ما يعلمه الا الله
ليه
بكرة اول ذكرى لزواجي
ابغى لبس
مكان مناسب
هديه قيمة
بالعربي ابغى (( فلوووووس ))
احيانا تكون محظوظة ومعاها فلوس
احيانا تبيع قطعه غاليه عليها
تستلف من امها
وبين هذا وذاك ترهق اعصابها وتتلف مشاعرها وهي عارفة نتيجه هذا كله
اما (( رد فعل بارد)) < اعرف ان هالشي نادر لان ما احلاه يقابل الدمار اللي صابك
علشان (تخرجي ) له هالليلة ببرود..
او (( فرح واندهاش بغباء يعني يقلب عيونه فيك وفي الاشياء اللي عملتيها
وكأنه يقول يا الله متى سويتي هذا كله انا وين كنت )) وهالشي حتفهميه انه انبساط ( شديد)!
او ( وهذا الاكثر ندرة) وتشهد قصصكم اللي تفردو لها صفحات هنا
( شكر وتقدير ووعد انه يردها لك ويفاجئك بشي احلى))
يا اخواتي كلما حاولتي اسعاد زوجك (( بطحن نفسك ثقي تماما انه حينبسط مؤقتا وهذا ما يعادل للي بذلتيه..
المسج هنا ((وفري على نفسك القلق التعب الاكتئاب اللي ممكن يصيبك لو كانت ردة فعله مو على مستوى جهدك اللي بذلتيه..
وممكن تكرهيه لو صدمتك ردة فعله..
قيسي على هذا كل شي تسويه في نفسك او تتعبي نفسك فيه وانتي عارفه انه زي البنج (( يلطف )) لكن يحتاج دوا بعده علشان ينفع ..
و اخيرا احب ااكد على ان كل وحدة فينا لازم تتخلص من عيوبها النفسية او الجسدية بطريقة صحية وسليمة علشان نفسها اولا وثانيا وثالثا .... واخيرا من اجل الناس وزوجها واحد منهم.
وانا اولكم وتوقيعي يشهد :)
الصفحة الأخيرة
الطريقة اللي تستخدمينها مع زوجك مو شرط تكون ناجحة لو استخدمتها زوجة أخرى مع زوجها!!
فيه أزواج يحب المبالغة في النظافة والترتيب في البيت وحتى في مظهر زوجته يبغاها طول الوقت كاشخة..وبالذات لما يكون عندها خادمة يبغى منها تتعب على نفسها وتكون بمنظر جذاب..
وفيه رجال بالعكس مايحب الماكياج ولاالتزين الزايد يحب يشوف زوجته بشكلها الطبيعي...
وفيه رجال يحبون يشوفون زوجاتهم بنفس المنظر اللي تعود يشوف أمه وأخواته عليه سابقاً...
بس نصيحة مني لكل الزوجات لاتاخذين نصايح غيرك وتطبقينها بحذافيرها..كوني انسانة واعية وادرسي زوجك زين..وتعرفي عن مايحبه ويكرهه عن قرب...وبالتالي تعرفين مبتغاه...
وأهم شي القناعة...لاتاخذين حياة غيرك نموذج وتقارنينها بحياتك...لازم تستمتعين بحياتك على طريقتك الخاصة..
ومن خلال مالاحظته في مجالس النساء..المرأة اللي دايماً تمدح زوجها بمناسبة وغير مناسبة وتحب تتباهى فيه أمام الناس من غير مبرر هي انسانة غير صادقة ومن أتعس النساء!!!لأنها تحاول أن تغطي النقص اللي تحس فيه بكثرة الكلام...
المرأة السعيدة هي التي تجدونها غالباً محتفظة بصمتها في أمورها الزوجية الخاصة!!وهذا من رجحان عقلها..
وجزاك الله كل خير عزيزتي