ليش متكتمين على الباركية ؟؟ نبغى بس معلومات

فعلا كلامك صحيح

نبي معلومااااااااات ماابي اركبه واتورط

طبعا الي ركبت ياليت تقول ايش نوعيته سمعت انو افضل شي سعودي اسباني او الماني مومتذكره

أتمنى أفيدك لكن ما عندي خبرة لا ركبته ولا أظني أركبه..
صحيح حلو لكن مزعج بالمشي عليه وألوانه غامقة.. ما احب الغوامق تجيب الكآبة..
ومما اسمع يبي له عناية باستمرار..
والله يهني الي مركبينه..

هلا اختي انا مركبة باركية في غرف الاطفال لدي في المنزل الولد غرفته غامقة صراحة بهذلتني بسرعة تبان فيها غبرةا لرياض البنت فاتحة وكانت افضل شوي طبعا التنظيف في لها بساكو شامبو خاااص بالخشب اللي ركبته الماني قطع كبار من عند الغملاس الشكل والفخامة روعة كانك في بيت امريكي صراحة بس حطي فواتح الازعاج عادي ماهو مزعج صراحة ولايبرد مثل البلاط في مشكلة في يوم جبت شغالة بالشهر نسيت اعلما طريقة تنظيفة واتلقفت ونظفته غسلته بالموية واتنفخ خرب من الاطراف حسبي الله عليها فانتبهي من هذي الناحية انصح بالفواتح استخدام الطريقة الصحيحة في التنظيف انا ماندمت اعجبني صراحة اتمنى افدتك

كنت باركبه الى آخر لحظة.. كثير مدحوه لكني دخلت مواقع اجنبية ومعروف الاجانب هم اهله وابخص به..فهونت عنه واشتريت سيراميك بشكل باركيه ...المهم من المواقع وطلعت لك بالتالي:
مايناسب الاجواء الرطبه ولا الغبار
اي سحب عليه يتمخش وممكن يتكسر
طريقة تنظيفه لازم تكون بحرص وادوات معينة او مع الوقت بيبهت ويتتفخ
المويه لا تنكب عليه ولا العصاير والا بيتتفخ
يبين صوت المشي ومزعج

ومن محاسنه
شكله جميل
يناسب البيوت المودرن
دافي في البرد
ما تخافين عالاطفال لو طاحوا عليه او يتكسر عليه شي

حطي بورسلان على شكل باركيه أفضل لك والله ..
إنتي روحي محلات السيراميك وأطلبي اللي على شكل باركيه بتشوفي أشكال وألوان
وبالنسبه لي أحب الفاتح يعني اللي يجي شكله خشبي فاااتح ..

من ناحية الشكل تقولي بااااركيه مافي فرق أبداً
بس هو أفضل من الباركيه لإنه عملي جداً ومايتأثر بالحراره والرطوبه والمويه زي الباركيه الحقيقي ..