ليش مستعجلين ع الزواج؟

السلام
استغرب هنا موضوع منتشر البنات
يبغون يتزوجو واذا تعدت ٢٥ ماعرست انهبلت
واللي ماتزوجت تتسخط
حبيباتي بذمتكم شايفين مشاكل المنتدى؟
شايفين اللي حولكم كيف مشاكل ونكد مع
رجالهم وتحكم وسيطره بالطلعه والجيه
وكانها شغاله طبخ ونفخ وتربيه بزران
انا معكم انها فطره وكلن يبي الشي ذا
لكن اتكلم عن نفسي ماعندي نفس طويل
للمشاكل على خيانات
مكالمات
ماعندي نيه اضيع عمري واحرق نفسي وانا انتظر
نص رجل لان اي شخص خاين وياكثرهم
بالزمن ذا ماعتبره رجل
الخيانه متفشيه بالذات بالمتزجين بشكل
فضيع فضيع ولا ادري ايش السبب
اغلب اللي يشتكون هنا امهات بعضهم
وزوجها الى الان عايش حياة العازب اللي بس وراء
الحريم والبنات وساحب ع اللي بالبيت
طيب اللي بالبيت ايش وضعها؟
اتذكر مره كان فيه نقاش ع موضوع بالتويتر
جت وحده ردت ع واحد كلها كم سنه وتجيك
زوجه تحذف كل برامجك وتراقبك
قال نعم؟
مين هي عشان تفتش جوالي؟
حدها البيت والعيال اما
حياتي
برامجي ماتمد يدها عليها تنكسر
انا تدخلت قلت يعني عندك نيه بعد ماتتزوج
ماتترك مكالمات البيبي ولا تترك البرامج
ولا المزح والضحك مع البنات!
قال مستحيل اخليهم ماجاني من البنات شي
ليش اسحب عليهم للوناسه حنا وياهم
قلت طيب لو زوجتك تسولف مع رجل عادي
عصب وقال هي حرمه وانا رجل
انا احكمها هي ماتحكمني وجوالها تحت يدي
بيكون حدها صديقاتها واهلها!!
شفتو النيه والوقاحه
هذا اللي يكرهني بشي اسمه زواج واستغرب
من اللي تتمنى تتزوج
يعني خاصه اللي عايشه عند اهلها
واهلها طيبين تنام وتصحى وتطلع وتاكل وقت
ماتبي وش تبين بالله عليك بالغثاء
اختي تزوجت والحين نص شعرها شيب
وهي ماتعدت ٣٤ وتقول اه ياليت ترجع
ايام وسنين عزوبيتي اني مافكر بشي اسمه زواج
الا اذا عشت حياتي وكبرت
قلت ليش قالت لان الحين مافي رجال
حاولت افهم ليش قالت انتي تحسبين الزواج
مثل كل البنات زوج رومنسي ودلع
تقول احيانا ماله خلق يطل بوجهك كذا نفسيه
كل همه اكل شرب وتنظيف تربيه اطفال وبس
انتي كانك شي عادي بحياته لكن
نصيحه لامتزوجه تفتش جوال زوجها
لان اختي تقول انا كرهته يوم شفت
الرومنسيه وكلام الحب للي عنده
وانا !! وش موقعي
اللي بفهمه لاتستعجلون ع الزواج
لانه لا عيشه سنعه ولا راحه
انبسطي بعزوبيتك نامي واسهري واطلعي
وانبسطي قبل الهم لانك لاحقه ع الهم والله