السلام عليكم ..
موضوعي اليوم أشوف انه في غاية الأهمية
طبعاً ماأقصده بنشر غسيل الزوج نشر مشاكل
الزوجين ومايحصل بينهما في بيتهما أمام الملأ
وكثير منا ملاحظته وكثير مستسهلينه مع أنه
مو سهل فبعض الحريم ماتجلس في مجلس
وللأسف أن هذا ديدنها في كل مجلس-
إلا وأستلمت زوجها قدام هالحريم سوى وفعل وترك
ونست أوتناست أنها أرتكبت أكبر حرام بغيبة
زوجها وكلنا نعرف حرمة الغيبة..
الشئ الثاني وش بتستفيد من شكواها وتذمرها من
زوجها فغالباً الحريم اللي يسمعونها ياماتكون
الصديقة اللي بيضيق صدرها عليها!!!
أو عدوة بتشمت فيها وتفرح بما هي فيه من مشاكل وهم!!!
أولاصديقة ولاعدوة ولايهمها أصلاً اللي تسمعه!!!
أو وحدة جاهلة بتزيدها مشاكل بحلولها الحمقاء!!!
فياليت كل وحدة تستشعر هالأشياء وتعرف وتفهم
أنها بهذا التصرف ماراح تحل مشاكلها إلا تخرج من
هالمجلس محملة بأثم غيبة زوجها وماأعظمه من أثم..
وماأكبره من ذنب..
واللي فيها هذه العادة تتخيل العكس أن زوجها يستلمها
في كل مجلس وقدام الرجال ويشّرح حياتهم قدامهم!!!
هل ترضى بذلك طبعاً ماترضى!!
طيب حبي لغيرك ماتحبينه نفسك..
والله يابنات الغيبة من أعظم الذنوب وغيبة الزوج
أعظم ليش متساهلين فيها..
بعض الحريم ترى أنه فضفضة وبث شكوى عشان
ترتاح ولابتنفجر على قولها ..
طيب ياحبيبتي وش بتستفدين من فضفضة آخرتها
ذنب وأثم ..
بتفضفضين بثي شكواك لخالقك ومولاك فهو الوحيد
القادر على حل كل مشاكلك وتفريج همومك
فمدي يديك لمولاك وأنطرحي بين يديه سبحانه
وسترين العجب..
ودعي الخلق وكما قيل الشكوى لغير الله مذلة.
مع تحية محبتكم:أخت الشهيد
اخت الشهيد 2007 @akht_alshhyd_2007
محررة فضية
يلزم عليك تسجيل الدخول أولًا لكتابة تعليق.
ليـال
•
الله يجزيك الجنه فعلاً كلام ورأي سديد في محله
واللـه من الغبـااء اللي تسوي زي كيـذا ، وش تبي تستفيـدد ذا نشررت سوالفهاا ،>تناحــه في تناحه
الله يهديهم الحريم اكثرهم كذا الا من رحم الله وفي النهايه هي الخسرانه في الدنيا الحريم مو مخلينها في حالها بيقولو مسكينه رجالها سوا وسوا والاخره الله المستعان
الصفحة الأخيرة