كوبونات الراقية تسجيل الدخول

cute moon

cute moon @cute_moon_1

محررة ذهبية

ليش نبغى الفلوس تجي لحدنا وما نبغآ نترزق بنفسنا ؟؟؟

الملتقى العام •

السلام عليكم



استغرب كلام العضوات هنا ، ليش التعلق في حافز وأسحب بنفسي من مكان لتاني وانتظر رحمته كأنه الأمل الأول والاخيرا !!!


المشكلة انكم قلتو السبب ، الاجانب عايشين برخاء ، طيب ليش ؟؟
هم مشتركين بحافز ؟؟ لو تعرفو كيف انو خدمات السعودية مشدده عليهم وبنات الجامعات زيي حيعرفو كيف معاناة الاجنبيات لما يسجلو بجامعاتنا ..

وغير الكلام عن المتسعودات ع قولتكم ، انا حأتغاظى عنها لأنو ربنا في السماء وحيحاسبنا على كل كلمة قلناها ، وحأكون محتاجه كم حسنه يوم القيامه ..

المهم حأكمل كلامي

تعرفو ايش مشكلتنا ؟؟
اننا متواكلين يابنات ..

لاتقولو طيب احنا متخرجين ..
طيب اوكي متخرجه ومالقيتي فرصة وظيفية ..
شغلي مخك ودوري حل ..



انا حأقولكم تجارب ناس أعرفهم و(حرييييم ) وشوفو كيف طلعو رزقهم بكرامتهم وبيدهم من بعد الله تعالى ..



وحده سعودية اعرفها مادخلت جامعة أبدا ...
لكن أخذت دورات انجليزي حتى اتقنها + دورة حاسب آلي ..
والحين بتشتغل مندوبة لشركه وبراتب اربعة ألالاف !!
يمكن ماهو راتب عالي بس ماهو أحسن من لا شئ !!


...

وحده تانية من جنسية عربية اعرفها بنفسي ..
كانت تشتغل كوفيرا بمشغل وراتبها ألفين ريال بسس ..
والله والله راحت تركت المشغل وحطت فولسها مع اثنين من زميلاتها وفتحو مشغل واشتغلو فيها لمده سنه وبنفسهم الثلاثة شايلين المشغل ..
تعرفو ايش صار بعد سنه ؟؟

جابو 3 خادمات للمشغل يعني ينظفو بس!!
وجابو كم كوفيرا يعني صارو مديرات ..
ومع كل وحده سواق خاص وبسياره سعرها تقريبا 100 ألف !!

وقالت لنا انو بليلة عيد الفطر تكسب بس فيه 20 ألف ريال !!


شوفو كيف شغلو مخهم ..

فالنتعلم منهم ...


...

وفي وحده سعودية ذوقها حلو في الاثاث وديكوراته ..
وصارت تصمم لبيوت الأمراء وعلى كل غرفه تأخذ 10 ألالاف !!

يعني من هوايتها خلتها مكسب لها ..


....

وفي وحده سعودية كمان أعرفها ..
أخطت في الاماارات دبلوم سنتين في العلاج بالطاقه ..
وصارت تعالج الحريم الجلسة بـ 400 ريال تقريبا


...

وفي قصة ماانساها ..
وحده امرأه سعودية سمعت قصتها ، ماعندها اخوان ولا شئ وأمية ماتعرف تقرأ ولا تكتب ..
مات أبوها وماترك لها إلا بيت شعبي ..
وهي بحنكتها وبذكائها جلست تأجر فيها وبنت كم دور وبعدها صارت مليونيره ماشاء الله ..


فشوفو كيف الشخص لما يستعمل هذا العقل ، هي نعم اميه ، لكن بحنكتها وذكائها صار عبقريه ..



اتمنى اكون افدتكم بهذه القصص لسعوديات زي وزيكم ...
مااتولدو وبفمهم ملعقة ذهب ..
ولا طالبو بفلوس ..


بل شغلو مخهم ولكل مجتهد نصيب ....


....
وانا اقولكم سالفة أختي الي بالثنوي ..
دي اختي قبل 5 سنين تقريبا كنت اشوف دايم معها عشرات وتشتري من البقاله شوكولاتات براحتها ..
وانا كنت أستغرب لأانو مصروفنا بس 3 ريال وبسسس
المهم تعرفو ايش كانت تسوي ؟؟؟..
طلعت اشترت صوف لعدة الأالوان ..
وكانت بخميس وجمعه تجلس في فراغها تعمل فوق 50 حبه من اكسسوارات اليد الشبابية !!
وتعطيها لزميلتها عندهم مشغل فتبيعو للمراهقات هناك بسعر 3 ريال للحبة ..
فكانت في الاسبوع تكسب 150 ريال وبالشهر تكسب 600 ريال
و600 ريال بالنسبة لوحده بالمتوسط مال كبير ...




خلاصة كلامي ، إذا في قدرة للتسجيل في حافز ونجح الأمر ، فخير وبركه ، مانجح ، فماهي نهاية الدنيا وفي مصادر تانية للرزق غير مية حافز


والسـلام عليكم ورحمة الله وبركاته
33
3K

يلزم عليك تسجيل الدخول أولًا لكتابة تعليق.

تسجيل دخول

cute moon
cute moon •
آب للفائدة:)
لمسات شوب
لمسات شوب •
رفع
جوووري()
جوووري() •
سبحان الله
أنا مين؟؟؟
أنا مين؟؟؟ •
يعمري المشروع يبغاله راس واغلب الي يبغو حافز يبغو يدبرو من وراه مشروع وال تسافر تاخذ دوره يبغاله فلوس والي تبغى دورات فبلدها لازم فلوس يعني الي ماعن\دها شي تنتحر مثلاً
cute moon
cute moon •
أنا مين؟؟؟ أنا مين؟؟؟ :
يعمري المشروع يبغاله راس واغلب الي يبغو حافز يبغو يدبرو من وراه مشروع وال تسافر تاخذ دوره يبغاله فلوس والي تبغى دورات فبلدها لازم فلوس يعني الي ماعن\دها شي تنتحر مثلاً
يعمري المشروع يبغاله راس واغلب الي يبغو حافز يبغو يدبرو من وراه مشروع وال تسافر تاخذ دوره يبغاله...
حبيبتي في مصادر تانية غير الشغل في الشركات ..
قصصي دي للاستفاده لمن الشخص يريد ويهدف لشئ ..
فكري جوة نفسك وحتلاقي كيف انو جوتك افكار وثقي بيها ..


فالمرأة الامية ، ماعندها هلله ، بل استثمرت ببيتها الشعبي ..

والتانية كوفيرآ ... لكن جمعت فلوس وفتحت مشغل متواضع جدا جدا وأداراته بنفسها حتى نالت خيراتها ...

صدقووني الي يبغآ الشئ ، حيلاقي نفسه من أي شئ بسيط يبني ثروة والله