فروحه الحنشلي
اللي يجي من الله حياه الله

والولد والبنت هم من خلق الله

وجزاك الله خيرا يامن كتبتي الموضوع
أم الهتون
أم الهتون
اللي يجي من الله حياه الله والولد والبنت هم من خلق الله وجزاك الله خيرا يامن كتبتي الموضوع
طيب واللي خاطرها في البنت بعد تتشرط؟؟؟؟؟ :)

يا أختي الله يهديج كلمة تتشرط فعلاً وايد كبيرة .. تراهم ضنانا وقطعة من قلوبنا .. يعني ان بغينا الولد او بغينا البنت .. كلهم في عيونا وفي قلوبنا والله.

انا اول ما حملت .. كنت انتظر على ناااار عشان اشوف اللي في بطني ولد والا بنت .... والله والله اني قبل ما اعرف كنت كل ما اتكلم عن البيبي اتكلم عنه بصيغة الأنثى مب بصيغة الذكر.

بس طلع في الكشف انه ولد.

وحسيت بالإحباط لأني بجد بجد كنت اتمنى يكون عندي بنت.

بس عقب استغفرت رب العالمين .. لأني والله ما كان قصدي أعترض على مشيئته.

وعقب قلت في نفسي يمكن البكري أحسن انه يكون ولد .. عشان يداري خواته واخوانه اللي اصغر منه (أصبر نفسي :) )

والحين والله ان دعائي كله (اللهم كما رزقتني بالذكر المعافى فارزقني الأثنى المعافاة واجعلها صالحة تقر بها عيني)

ترا تربية البنت فيها أجر أكثر مثل ما وصانا رسولنا الكريم صلى الله عليه وسلم.

بس والله ثم والله ان ولدي فدييييييييته وفديت روحه .. والله انه عندي بالدنيا .. والوقت اللي اقضيه وياه أحسن ألف مرة من أي شي ثاني في الدنيا .. (هو وابوه طبعا :wink2: .. الله لا يحرمني منه ولا من ابوه)

أما زوجي الحبيب .. فبصراحة هو دايما كان يقول لي (اللي من الله حياه الله) .... وانا ادري ومتأكدة 100% انه يمووووت على ولدنا ويحبه وااااايد .. بس يوم اشوفه كيف يلاعب بنت خاله الصغيرة اللي كبر ولدي وكيف يدلعها .. احس ان صدق صدق خاطره في بنت

حتى أهل زوجي كلهم كانو يتمنون بنت.


أما اللي ما يحبون خلفة البنات .. فأظن ان السالفة هذه مب مثل اول .. يعني العقول كبرت والناس تثقفت أكثر عن أول .. وما اظن في حد الحين ما يعرف ان الزوج هو اللي مسؤول عن جنس الجنين مب الزوجة .... يعني اللي مب عاجبها انها تييب ولد خليها تورينا شطارتها وتطلب الطلاق من زوجها وتدور لها على واحد ثاني تييب منه الولد اللي تباه :pbsmile:

والله يهدينا جميعاً
COSMOS
COSMOS
الله يجزيكي خير
كلامك صحيح المشكلة كلام البنات في المنتدى يأثر علينا يعني احنا نفكر ساعات نفس التفكير بس نحاول نكتم و نتشجع اننا نحب البنات لما نشوف الناس يحبونهم بس لما تشوفينهم يرغبون بالذكر يخلونا نتحبط لو كنا حامل بنت
انا كنت اتضايق بحملي الأول لما عرفت بنت لان نفسي بولد
بس بعد ما انحرمت من الحمل بعد ولادتي السابقة لاسباب صحية حسيت بقيمة الحمل بغض النظر عن اجنس
اقول و ادعي يارب ارزقني الحمل مو مهم الجنس
والحين بقدرة قادر حملت و يقولون انها بنت والحمدلله على كل حال
مو زعلانة ابد كل ما تجيني وساويس اتذكر كيف كنت اعاني لما اتأخر حملي و اقول لا مو مهم ولد واللا بنت
اهم شي الحمل
kimomimo
kimomimo
جزاك الله خير اختي على التذكرة فذكر إن الذكرى تنفع المؤمنين اكيد كلنا نعرف هالكلام بس تغلبنا غريزتنا في حب الجديد يعني انا ولله الحمد عندي ولدين وكنت اتمنى الثالث يكون بنت بس ابوهم يبغاه ولد وفي الاشعة قالتلي الدكتوره انه ولد حتى بدون ما اسالها واستغفرالله العظيم والله اني اتاثرت وهبطت عزيمتي حتى ماعاد اهتميت باغراض البيبي اسال الله ان يرزقني الولد الصالح ويجعلهم قرة عين لي ولوالدهم زي ما قلتم المهم الصحة والعافية والصلاح وشكر الله قبل كل شيء على كل حال
كحل و روج
كحل و روج
جزاك الله خير وبارك الله فيك اختي الغاليه