ليش نحب من يسئ لنا؟

سوال من زماااان ببالي واحاول افهم وش هالطبيعة البشعة
وليش منتشرة ! ليش اشوف الناس تحترم الوقح والمسيء وتشوفه شي كبير ؟

وصلت لنتيجة لكن ما اعتبرها كافية عشان تشرح هالشي
ان الوقح قدر يتجاوز حدود الادب الي هالناس مو قادره تتجاوزها بحكم تربيتهم او طبيعتهم
فلما يشوفون هالقدرة يقوم العقل الباطن عندهم يفسره كذا : انهم قدرو يكسرون شي غيرهم ماقدر
يكسره وهذا دليل قوة ..
ولان العقل الواعي مبنشر عندهم فنلاقيهم يبجلون ويقدسون بهالشخص
شعووور كريه جاني وانا افكر بهالحالة

تفسير الدكتورة غير منطقي؟

اي منطقي

فعلا بعض الشخصيات تحب من يسىء اليها ، فهذا يولد لها الشعور بالامان و المتعة و هذه الشخصية اسمها المازوخية ، و قد تصل الاساءة الى الضرب و الاهانة المباشرة ، و هذا بسبب الشعور بالدونية و عدم احترام الذات ، لكن هذه ليست شخصية سوية ....
لكن هذه نوع واحد من انواع الشخصيات ، و كل مننا لديه نسبة من سمات كل الشخصيات ، و انا ارى ان النسبة السوية من السمات المازوخية تتجسد في الامومة ، فالام تتحمل التعب و الالم بحب ، لكن اكثر من ذلك قد تكون مشكلة ...
دارين حسن مستشارة نفسية و زوجية

تفسير منطقي للتعلق
كذلك قرأت ان اسباب التعلق بزوج او حبيب وما ينتج عنه من حاله نفسيه سيئه واهدار للكرامه والتضحيه لدرجة ان الزوجه تقبل بخيانة زوجها جسدياً او بإهانته واستنزافه لها جسدياً ومادياً ..
كل هذا نابع من جذور خوف عميق داخل النفس
خوف من الوحده
خوف من مواجهة الحياه
خوف من التجديد والتغيير
خوف من الاخفاق والفشل
خوف من المسؤليه
يعني تكون شخصية مهشمه هشه ثقتها بنفسها ضعيفه ومهزوزه
وتشعر انها تستحق القليل ماعندها احساس حقيقي انها انسانه كامله تستحق ان تحترم وتعامل بإنصاف
لانها مثل الاغلبيه العظمى عاشت ضمن وعي جمعي مجتمعي لا شعوري يبرمجها انها بحقوق أقل ولازم تصبر لازم تتنازل لانها باللا وعي غصب عنها تخزن عندها ان الحياه الزوجيه الصحيحه كذا وهي عايشه تتصارع مع الخوف من انها تطلع عن هذا الاطار اللي تبرمجت عليه ..
وفي الحقيقه يمكن تلقينها هي اللي شايله البيت ومهتمه بعيالها وفوقها مهتمه بأهل زوجها وموظفه وتكرف وجايبه الشغاله وتدفع للسواق ومطلعه قرض لزوجها ومع ذلك ماعندها وعي ولا استيعاب انها انسانه قويه وقادره تدبر امورها بدون رجال فتلقينها عايشه دوامه من التعلق والخوف