ليش نحسد بعض ادخلو وادعولي الله يرضا عليكم

السلام عليكم خواتي
أنا أختكم لحن الصفاء لقبي لايدل على حياتي
أنا احب الحياه الهادئه واحب الناس وافرح لأي انسان اسمع انه توفق في حياته
لكن الناس عكس وراي وراي يبغون يسمعون اي شيء يسيء لي
قصتي باختصار هي أنا متزوجه وعندي بنت الله يحفظها أعيش حياه ولله الحمد هادئه
وقدر الله اني احمل وانا ماكان في بالي الحمل
وشكرت ربي وحمدته قلت هذي نعمه من الله
لكن الناس حسدوني على هالحمل وكانهم ماعندهم. عيال
وانا والله ماتمنيت احمل لكن ربي كتب والحمد الله
دق اخوي علي يقول ليش تحملين وانا ساكته مارديت عليه.
هو كمل كلامه قال
من يوم حملتي وزوجتي طفشتني الا تحمل وانا مابغى عيال الحين
قلت له أنا والله ماودي لكن خيره من الله والحمد الله وبعدين ولدك لسا صغير ماكمل سنه
وقفلت من عنده وشوي دقت ام زوجي فرحانه الله يسعدها تبارك وتسولف وشوي تقولي انتي احسن من بنتي فلانه عيالها كبار ولاتبغىتحمل وطبعا بنتها قاعده جنبها
واليوم الثاني تدق علي بنتها تقولي والله اني رحمتك وقول لزوجي فلانه مسكينه حملت غصب عنها
قاطعتها وقلت لها لاتقولين غصب علي هذا شي بيد الله والحمد الله على كل حال
طبعا كانت تكلمني متنرفزه وزعلانه
قفلت من عندها وانا تعبانه نفسيا قلت بدق على صديقتي افضفض لها واتصلت عليها بس قلت لها حامل قامت تقولي بالله كيف شعوركمصدومه صح قلت لا والله عادي وش اسوي ربي كتب لي والحمد الله قالت اممم طيب زوجك كيف عادي يبغىعيال الحين أنا صراحه انصدمت قللت هذي اللي اعتبرها اكثر من اخت كيف تقولي كذا
أنا غبيه قلت لها والله فلان فرحان هو يحب العيال وهي ساكته انصدمت منها صراحه
وانا والله ياينات من يوم حملت وانا تعبانه لدرجه ماتتصورون لدرجه الدكتوره قالت لي اول مره تجيني حاله مثلك.
والله يابنات تقولي انتي في احد تحسينه حاسدك على حملك أنا قمت ابكي وفضفضت لها قالت المفروض ملقلتي لاحد
المهم يابنات أنا الحين خايفه من يوم حملت طاحت بنتي على بطني ٣ مرات ومره طحت عند ناس صرت ابكي اقول حرام عليكم ليش
تحسدوني علي شي ربي منعم عليكم مثلي يعني كل وحده عندها عيال ليش تحسد
أنا تعبانه نفسيا والأطباء مقررين لي عمليه وبديت اهوجس اكثر وحالتي حاله طولت عليكم لكن والله مالي بعد الله الا انت
ادعولي بنات ان الله يسهل عمليتي وأقوم بسلامه ويبعد عني كل وحده تتمنى لي الشر والله يوفقكم دنيا واخره ونسيت اقولكنبعد عن الأحلام اللي تجيني مره نمر يلاحقني ومره ناس يرموني بحصا والله نفسيتي زفت حتى رقمي غيرته له شهرين ولاقللت لاحد