ليش نخاف نقول لها طلبي الطلاق!!

والله يا بنات في شي محيرني فينا نحن الحريم

ما ادري يعني مثلا نعرف وحده زوجها معذبنها ويخونها و يضربها و مبهدلها وقاطعها عن اهلها

ونقولها استحميله وصبري لا تطلبين الطلاق

مع اني ربي سبحانه يقول في كتابه العزيز فامساك بمعروف او تسريح باحسان

بتقولون ليش جايبه السالفه

انا عندي وحده صديقتي زوجها مورنها نجوم الليل بعز الظهر

ضرب و شتم و خيانه و مقاطعه اهلها لا وحارمنها منهم خير شر و لا راحت لهم ساعه تطلع من عمرها شهر

يعني لو انا مثلا بدالها ( بسم الله علي و على السامعين كلهم ) ما كنت بقعد معاه دقيقه

بس دايم اقولها اصبري عشان بنتج و اصبري

احس اني احاول اقنعها بشي انا نفسي مش مقتنعه فيه

ولا انتو شو رايكم ؟