ليش نهول الامور ؟!!

السلام عليكم ورحمة الله وبركاته
يسعد مساءكم حبيباتي 🌹
ابدخل بالموضوع على طول مستغربه كثير يابنات ليش دائما ردود افعالنا مبااالغ فيها
يعني لما نفرح نبالغ بالفرح ولما نحزن بعد نبالغ بالحزن لما تصد عنك وحده نزعل كثير ولما نسمع نغزات وطشطشة كلام نتألم كثير لما تقرري تهجري احد ماتهجري يوم ولا يومين لا يمكن سنه او سنتين ويمكن العمر كله
لما الزوج يقول كلمه ماهي زينه نقعد اليوم كله نفكر ونحلل فيها
ولما نخطي بشئ من غير قصد نقعد ايااام نتحسف عليه ولما نتمنى شي ولا يجينا نقعد حياتنا كلها نتحسر عليه .....
ليش نهول الامور ليش مانأخذ الامور ببساطه وليش نحمل انفسنا مالاطاقة لنا به
وليش مانكون عادلين بردود افعالنا
سؤالي لكم يابنات هل هي طبيعة البشر التهويل والمبالغه ولا هي فرووق عند بعض الناس ؟!
وهل فيه علاج ودواء شافي للتهويل وتضخيم الامور ؟
وشكراا لكم مقدما هالموضوع كتبته من قلبي ووالله لو تقولون لي وش الشي اللي تحسفت عليه عمري اللي عشته اقولكم تهويل الامور وكأن كل مشكله تمر هي الضربه القاضيه لكن بعد ماتمر الايام اكتشف انها بسيطه وماتستاهل