ليش هالنظرة من زوجي وأهل زوجي لي مع إنه توني عروس !!!!!

السلام عليكم


بنات خلني في البداية أعطيكم نبذه عن نفسي أنا توني عروس مالي إلا 3 شهور

المهم أنا زوجة ولدهم الثاني وكلنا قرايب يعني أهل زوجي وزوجة أخوة يعني بالعربي جماعة وحدة


المهم تخيلوا من تزوجت وأنا علاقتي معهم حلوة تكدرها فقط نظرتهم لزوجة ولدهم الأولى إنها المرأة الكاملة وأن مافيه مثلها هذي مو المشكلة عشان ماتقولون أغار المشكلة إذا مدحوني عيالهم أمهم تنط وتقول لو أنها فلانة كان غير يعني تقصد زوجة الكبير

ياناس مدحوني أنا وش دخل ذيك ليش لو مدحوها ماتمدحيني

وياليته على كذا عندهم إنها ماتنقل حكي ويثقون فيها ثقة عمياء ومن تزوجت وهم ممتحنيني إني أنا أعلم بكل شيءمع إنهم عرفين وش عائلتي وش البيئة اللي أنا جيت منها ماعندنا حكي حريم وتنقيل كلام


ومع ذلك ينظرون إني أعلم بكل شيء مع إني والله العظيم ما أسولف معهم بأحد ما أسولف إلا بمواقفي وأنا طفله أنا وخواتي يعني سوالف مافيها حش لأن طبيعتي ما أحش ولله الحمد ولأني ما أحب يقولون قالت وإلا سوت

والمشكلة زوجة ولدهم تخيلوا كل بين فتره وفتره تسولف عن وحده سوالف المفروض ماتنقال ومع ذلك تحكي فيها

وبعد خالتي عايشة جمب أهل سلفتي وتقول كل سوالف أهل زوجك عندهم كل شيء يصير بالبيت كله ينقال لأهلها

ومع ذلك هي ماتنقل الكلال وأنا ياللي ماصار لي معهم أشهر يقولون تعلم

والطامة الكبرى زوجي يقولي عنها إنها في نظره مثال المرأة الكاملة اللي تستحي ومؤدبه

والنكته أنهم يقولون لي ليش تستحين من إخوانا شفتي مرة أخونا الكبير مع إنها حياوية بس ماسوت مثلك كأنهم يقولون هي تستحي أكثر منك ومع ذلك عادي تقعد عند إخوانا

والله شوي وبصيح من القهر مدري ليش نظرتهم لي كذا

لدرجة تجتمع مهعم ولا يعلموني وأنا ما أروح لهم إلا وأنا داقة عليها لأني أقول عيب ماتدري وأثاريها تجتمع معهم

ترى على فكرة هي طيبه بس فيها حركات مجاور لأنها كل ما مدحوني بشيء تنهبل تقول كانوا يمدحوني فيه قبلك

الحمدلله بس


بالله يابنات وش أسوي وشلون أخليهم يدرون إنها تنقل الحكي

لدرجة إن زوجي يقول فلانه وأهلها حنا نضمنهم مايعلمون شيء

وياهو يمدحها مدح والله يابنات أكتب وأنا خانقتني العبره

ليش هالنظره ؟؟؟!!!!!!!!!!!!!!!!!!!!!:44:

وش تنصحوني فيه يا أهل الخبره والمتزوجات