ليش ها النظره لنا/ يمنع فتح موضوع لمناقشة موضوع اخر .. تابعي في نفس الموضوع

المشاركة الأصلية كتبت بواسطة ملاك بزحمه بشر
السلام عليكم ورحمه الله وبركاته

بنات صديق والدي تقريبا عمره 45 تقدم لخطبتي الرجال مبسسسسوط قال لابوي اللي تطلبه راح اسويه راح اشتريلها بيت ملك في الحي اللي تختاره وكم ماتبي مهر بعطيها الرجال ملتزم ومحترم وعيلتهم مشهوره

ابوي رافض تماما بس انا اصريت وقال اللي تشوفيه بقولكم ليه بواق لاني ماعشت زي كل البنات اللي بعمري

يعيني بختصار افكر باولادي مابيهم يعانوا مثلي حياتي شغل في شغل ماعندنا شغاله وامي كبيره بالسن وانا اقوم بشغل البيت وخرجاتنا نادره

انا محتاره الرجال بيعيشني عيشه كريمه وعمري 22

بنات يهمني رايكم
اخوات لفت انتباهي موضوع الاخت انا ما اقول اني مويده ولا معارضه هي حره في اختيارها لكن لفت انتباهي العضوات الكل ينصحها بعدم الموافقه ويقولون لا تدفنين شبابك تزوجي شاب يحسسك في انتوثتك الشايب ما يعرف العاطفه لانه يعتقد ان هذه شياء مالها داعي والي تقول وش حادك على الضره لكن لو حنا يا بنات الثلاثين كتبنا موضوع نشتكي ان الناس ينصحوننا بشايب صدق ابو ستين او خمسي او خمس وخمسين كان الكل تحمس وقال وافقي هذا مناسب لك الحقي انت بعمر كبير هذي فرصه ثمينه وجتلك يعني يحسسوننا اننا صدق صدق بضاعه منتهيه وعلى الرفوف وكثر خيره ها الشايب الي تنازل وتقدم لنا ورضي فينا يعني يبوننا نتنازل عن العاطفه اهم شي رجال والسلام والعاطفه من حق بنت العشرين مو من حقنا ليش والله اني انقهر من ها الشي ليش انا بنت ليش ارخص نفسي لهذي الدرجه لا ولو افتح فمي بكلمه كان القى هجوم يمكن البعض يقول عانس تحمد ربها لا وكله كوم والي يدلون الشايب عليها كنهم محسنين فيها