كوبونات الراقية تسجيل الدخول

(فيونكة حمرا)

ليش هذا الشي ماتشوفونه فساد باليوم الوطني؟ بس رقص البنات اللي ضايقكم طيب وهذا؟؟وشو؟؟

الملتقى العام •

بسم الله الرحمن الرحيم

عاد لازم اكون مع الخيل ياشقرا
نزلتو مواضيع حافز تهاوشت مثلكم
نزلتو مواضيع بشار
دخلت دعيت ونوحت وبكيت
نزلتو مواضيع الوطني داخلة رافعة شوشتي ببنسة عشان ماتتنتكش

الحين المجلس العام كله سب ولعن وقذف
في البنات الماجنات المحتفلات باليوم الوطني
ويوم حرقنا الكلام حيل
قلنا تراهم اجنبيات مأجورات
اي ترقيعة والسلام
الحين الفساد اللي يصير باليوم الوطني
بس ينحصر برقص البنات بعلم اخضر وكحل وجينز ضيق؟؟
يعني لو اخفينا لكم البنات
واقمنا عليهم الحد
بتطلعون كلكم بالمنتدى تقولون سارعي للمجد والعلياء!!
انا اشوف الفساد مو من البنت
اسالكم بالله كم بنت تطلع باليوم الوطني؟
10؟
100؟
1000؟
(على مستوى المملكة؟؟)
بمقابلها كم شاب طلع؟
اقسم بالله ان الشباب اكثر فسادا بالارض
الله يصلحهم بس في حلقي دعوة عليهم بس اقول مسكينات ميماتهم
مايستاهلون احرق قلوبهن على عيالهن
بس ارجع اقول لو ان امه ربته ماكان سوى سواته
اليوم نزلت المكتبة اصور ملزمة عندي اختبار
والمكتبة جنب بيتي
بس من سوء حظي ان بيتي بشارع حيوي وسوق شعبي ومولات
قسم بالله مادريت وش اقول على شبابنا؟؟
الحين مو يقولون مافي وظايف؟
مامعنا فلوس؟
طيب ياابن الحلال يومنك تمد يدك لابوك العجيز
تاخد منه ثمن باكيت دخانك وفطورك مع الشباب
وانت عاطل ماطل
تقوم تدهن سيارتك الونيت ابو غمارتين
اخضر وابيض
وتكتب عليها شهادة التوحيد
وبداخل السيارة
باعلى صوووت
يادار لاهنتي ولا هان راعيك
والله انه كان وقت صلاة العشاء والمحلات مسكرة
والسيارات ماشية والاغاني
والاعلام
وبعض البنات جالسات على درج المول والمحلات
تصور بجوالها
وتلقين الشباب مرزوزين قدامهم
ويتبادلون الضحكات والهمسات
والتعليقات!
الحين انا اكتب لكم والفجر قريب يؤذن
واسمع صوت البواري والاغاني
والصريخ
مين اللي مسوي هذا كله
بناتنا ايضا؟؟
مااحد جاب طاري الشباب!
كل شي حملتوه المرأة!
كل فساد البنت سببه
مادري ليش شبابنا يحتفلون بدفاااشة
تكسير بالمولات
والسيارات
وتكسير مكاين الصرف
صراااخ وفزع للناس اللي ماشيين بحالهم
يااخي عيب عليك
رجال طول بعرض
ومافي بجيبك ريال وماكملت تعليمك
وتشتكي من قلة الوظايف
وانت صارف مالايقل عن 500 ريال باليوم الوطني
مابين تي شيرتات خضرا
واعلام
ورسم عالوجه
وصبغ السيارة كلها
ودخان وعصاير لزوم السهرة السعيدة!
والله ماألوم البنت لاخرجت
مو قولهم ان احنا ناقصات عقل ودين!
طيب ماعلينا شرهة
اجل انت يارجل الرجال
وسيد الشباب
وش تسمي سواتك!
مااتخيل نفسي بتزوج شاب من هذولي اللي كانو دايرين بالشوارع
قسم بالله ان دوارة الشارع للبنت ولا للولد
حكمها عندي واحد
عيب وقلة تربية
لو عندي ولد مااخرجه الشارع يوقف على البقالة يناظر بنات الناس
ويآذي اللي رايح واللي جاي
مفروض كل اب يربي ولده قبل لا يربي البنت
احنا البنات طيبيات وفينا خوف من الله اكثر من شباب الجيل
هذا
اما الشباب الحين اذا واحد منهم انحرف نستخلف الله فيه
ولا له رجعة
خلاصة كلامي اللي ودها تسب او تعارض الاحتفال
تكون جريئة وتتكلم بشرع الله
مو حرام عالبنت وعادي عالولد
انا في مدينة رسول الله صل الله عليه وسلم
شلون يمرون من عند البقيع وهم بسواتهم هذه!
استغفر الله يستخفون من الناس ولا يستخفون من الله!
مااقول الا الله يهدي شبابنا
ويرزقني بطفل صالح
عشان اوريكم شلون بتكون التربية
اللي يرضاه الله ورسوله
ويكون شاب مسلم سني له دور في نشر الاسلام
152
21K

يلزم عليك تسجيل الدخول أولًا لكتابة تعليق.

تسجيل دخول

محبة الله والرسول
محبة الله والرسول •
سخافه وقلة حيا
لمعـة الجمال
لمعـة الجمال •
,والله انك صــــــــــــــــادقه
بصرااحه لو الشباب انخرسوو ماصاار للبنات كداا والعكس
احمل الذنب على الاثنين .. مااقول البلاء من الشااب فقط ..
لاااااااا
لو الاثنين متربين صــــــــــــــــح ماسوو كداااا


*المدينه عندنا الدنيا قاااااايمـة سلطاانه والدائري شي شي فضييييييع الحمدلله ان زوجي مانزل ميداني والا كان نام بالمركـزززز*
رسمه وهمسه
رسمه وهمسه •
الله بجزاك خير ..ويكثرمن ٲمثالك..
(فيونكة حمرا)
(فيونكة حمرا) •
ام زيد
مجرد مرورك على مواضيعي بدون ترك رد
هذا بحد ذاته شرف لي
احترمك جدا واثق في اراءك
سارة بنت فيصل
سارة بنت فيصل •
صح كلامك يلام الشاب مثل ما تلام الفتاة والله يهديهم

لكن سؤال .. أنت مو قلت تدرسين بـ مصر ؟