ليش هم كذا يفكرون؟

السلام عليكم
السؤال الي دايم اسأله نفسي ليش الناس تحاسبك حتى على الابتلاء الي مالك يد فيه ابدا؟
ليش خلاص البنت لما تمرض تكون معيوبه وخلاص مالها نصيب في الخطوبات وحتى لو انخطبت يعتبرونه عيب ويذكرونه للخطيب حتى لو كان المرض بسيط!
انا يعتبر مرضي مرض انا نفسي ماشوف اني مؤهله للزواج ابدا
لاكن الناس الي حولي م يراعون مشاعري وجدا جرحوني من هالناحيه
وصرت منبوذه
تصدقون حتى الأقارب يخطبون من قريباتي الا انا محطوط علي اكس مو شفاحه للزواج ابدا ولا أبغاهم يخطبوني لان ولو حصل خطوبه برفض ولا ابغا هالشي يصير وضعي م يسمح اصلا، لاكن انا بالنهايه لي مشاعر اقل شي لا تعاملوني اني منبوذه وخلاص ماعد لي نصيب بالزواج والله العظيم حقيقي اتكلم والموضوع مو تحسس ابدا لاكن واقع أليم بالنسبه لي للاسف
اني صدق صرت منبوذه من هالناحيه وصار لما يخطبون قريباتي وانا ع الهامش اشووف الناس كيف تعاملني
الي تستحقر وتتشمت والي نظرات شفقه ورحمه والي تحسسني من نظراتها ان خلاص مالي حق بالزواج
غغببببن ليش كذا يحاسبوني ع ابتلاء من الله من متى الابتلاء صار عيب للشخص!
ليه كذا؟ جاوبوني بصراحه انا اعاني من هالموضوع ٣ سنوات
وبتقولون ماعندي ثقه اي والله اهتزت ثقتي بسبب ظروفي القويه الي مريت فيها +أذى الناس ع ذا الموضوع
تكفون واسوني تكفون...
وصلت حتى ان اختي تنظر لي أن مالي حق اتكلم في الموضوع هذا اقولكم موقف يوضح كلامي هذا...
حصل موقف ان جدتي ام ابوي تكلمنا ان قريبتنا خطبت لولدها ووافقت البنت بس الأم ماودها فيها لأن البنت الله يستر عليها ويشفيها يارب تعاني من أمراض بس مو قويه في امل علاجها.. والواضح
تقدر تتحمل مسؤوليه الزواج والدليل كملت دراسه وتخرجت
بس الأم م عجبها الموضوع لان البنت مريضه وتشتكي لجدتي وتقل سألنا امها الخ.. طبعا لهم الحق يسألون عنها بس الي حز بخاطري
لما قالت الام ماودي لولدي بها لانها مريضه وقعدت تعدد له بنات متعافيات"هم احرار بس أوضح لهم السالفه "
مجتمعي للأسف ينظر للمرض انه عيب، انا مع الأم ماني ضدها من حقها تاخذ لولدها وحده متعافيه وول لاكن ليش تشتكي عند الناس انها ماودها فيها لانها مريضه ليش كذا تحسسنا ان فيها عيب وربي حزنت ع البنت لاني انا بعد اعاني نفسها حسبي الله من متى الابتلاء صار عيب اآه
المهم اكمل.. انا رديت
ان من حقه يختار وحدهه متعافيه صح المرض مو عيب لاكن عشان بكره تقوم بواجباته وحقوقه ع اكمل وجه خاصه اذا المرض قوي ولايخليها تتحمل مسؤوليه الزواج
واكمل باقي ردي "واصلا اتوقع البنت لما وافقت ان مرضها خفيف وتشوف نفسها تقدر تتحمل مسؤوليه الزواج ولا ما انت وافقت..خصوصا احنا البنات م نوافق الا لما نكون متأكدين اننا قد مسؤوليه الزواج
وللامانه رديت كذا عشان أوضح لهم اني اصلا ماني ميته ع الزواج ولا اشوف اني قده هالفتره ولا أتمناه
وفعلا ما اتمناه لاكن تعرفون زيي زي اي بنت تحب تشوف نفسها انها مرغوبه ومطلوبه من المجتمع!
المهم رد اختي كان صاعقه حسسني اني مالي حق اقول شي
قالت لي ليتك مارديتي كذا المفترض اذا كلموا بهالموضوع تسكتين وتطنشين عشان يعرفون ان مالك بهالموضوع اصلا
قلتلها وين الغلط بردي وردي بالعكس منطقي!!!!!!!
ايش الي مزعلك
تقل لا انتي تهميني م ابغا يطلعون عليك كلام بعدين انك قلتي وقلتي
قلت انا قلت الي عندي وابدا م غلطت وبلاش تعيبين ع ردي!
جرحتني بنات ليه حتى يحسسوني ان مالي حق حتى اتكلم في هالموضوع؟ طيب انا قلت رايي وين المشكله..
المطلوب منكم قولولي رايكم تصرفي صح او غلط؟
وانصحوني؟