ليش هي بالذات

انا بقولك بعض البنات من داخل بنت حيه طاقتها عاليه تحب الحياه تحب السعاده صدق حرمه عشان كذا طاقتها وهالتها عاليه ترا البنات الي تشوفينهم جذابات ماتتصنع ابدا كذا حضورها لان داخلها كذا بعض البنات ورب العباد تحضر المكان يالله ميته تعرفين ميته اكوه رغم تشوفينها مافيها غلطه سبحان من خلقها ولا متصنعه فهالتها ميته هذاا اولا ثانيا اذا رحتي مكان ابرزي نفسك يااوختشي دخلتي المكان اوقفي عند الباب او نص دقيقه والقي سلامك خلي الجميع ينتبهه لك بصوت جهوري يعرفون ان فيه مره داخله مو تدخلين تسلمين في حنحنتك اذا المجلس مختصر مري علحضور وسلمي عليهم كلك مو كنك بسه تحت مطر امسكي يدها وتعالي كلك عليها اذا المجلس كبير وكثير يكفي تسلمين بابتسامه وتجلسين بمكانك اذا المجلس لقريب لك او صديق قومي باشري علحضور مره مرتين سولفي معا ذي وذي بلباقه ادخلي في العالم اذا فيه مجال لرقص ارقصي بروح رياضيه الرقص يخلي لك اطلاله ماتنسا لو في حال تعرفين ترقصين تعرفي على البنات لاتدخلين تندسين في الزاويه بحجه والله ماعرف احد ماامون على احد استحي خليك ذيبه

القبول له ناسه،، والحضور القوي الآسر ليس كل أحد يمتلكه،،، هناك اناس جذابون يلفتون الأنظار وينشرون البهجة أينما حلو،،، رغم بساطتهم وجمالهم البسيط ولكن روحهم حلوة وقلبهم قلب طفل،،، والنية البيضاء الصافية لايستطيع احد ان يتصنعها الا من يملكها حقا

الثقه بالنفس لها دور
البنت الي واثقه من نفسها تفرض وجودها

لأنها إنسانه أنيسه تونس السهر كلها وتخلي الناس تتفاعل مع بعض وتطرح مواضيع
عكس الساكته حتى لو أنها حلوه محد بيدري عنها

صادقة 👍
الناس يحبون الي تتكلم يصير لها حضور وتوسع الصدر