يابنات والله صح الاحظ اننا صرنا نأجل حياتنا الين مانتزوج لمن اقول لابوي باروح مكان او بنسافر او حتى نروح لمطعم يقول البنت ماتطلع من البيت لمن تتزوجي روحي المكان اللي تبغيه يعني مانطلع ولا نتهنا بالحياة الا لمن نتزوج حتى الحج يقول لمن تتزوجي وشو يضمنا حيجينا النصيب ولو جانا اضمن ان زوجي حيحققلي الشئ اللي ابيه المفروض نعيش الحياة بالطول والعرض مو ننتظر الين مايجي فارس الاحلام وفيها يجي وفيها مايجي ونعيش في كآبة باقي الحياة ولاكأن ربي خلقنا الا عشان نتزوج
انا ماانكر ان كل بنت فينا تتمنى الزواج بس لانحط في بالنا انه كل شئ

هلا بالغالية اختي حبيبة أبوها اشكرج حبيبتي على مرورج الكريم ومشاركتج وكلامج صحيح 100 في 100 والله يسلمج حبيبتي

مرحبة اختي الدكتورة@لولو@ اشكرج حبيبتي على مرورج الكريم ومشاركتج ومثل ما قلتي الناس بدأوا يبالغون في كلامهم وكأن كل شيء يقف على الزواج هو صحيح سنة الحياة ولكن كل شيء بيد رب العالمين وقسمة ونصيب ولازم نتجه الى اهدافنا في الحياة لين ما يجي اليوم الموعود ّ!:32:

صراحه انا عندي الزواج احلى بوايد من ايام العزوبيه صحيح اني مريت بمشاكل الانفصال والحمدلله رديت مع زوجي بس بصراحه انا زوجي صج فيه عيوب بس وايد فيه مميزات يعني كان عديم مسؤوليه وشوي كان بخيل وما يبي يودي وعنيد ويحقر اذا تزاعلنا يطنشني بس طيب وايد وما يمد ايده ومخليني على راحتي وانا ما انكر اهلي يوم تدخلوا يبون حقي واهله دافعوا كبرت المشاكل بس الحمدلله الحين ماكوا مشاكل بس الي استفدت منه بالزواج طبعا اهم شي واحل نعنه من ربي العيال وزوج طيب واهله طيبين انا وخالتي وحماتي الصغيره نطلع مع بعض مطاعم واسواق وطلعات ووناسه واكيد طلعات مع زوجي غير السياره بس انا الي شريتها اما عند اهلي انا ما انكر فضلهم بس اهلي يكبرون الشي ويسوون مشكله على اتفه الاسباب وهوشات مع خواتي ومحد يفهمني هذا غير انه ماكو طلعات وايد الا مواسم السوق وقت الاعياد وكل جم شهر والمطاعم والطلعات للترويح عن النفس يمكن ثلاث او اربع مرات بالسنه والله ايام المعهد قبل لا اتزوج بسنه ونصف كنت اطلع مع صديقاتي بالسر حق المطاعم والمجمعات واختي الي اصغر مني اذا راحت حق بنت خالي تطلع معاها احيانالانه بيت خالي عايشين مثل باجي الناس يطلعون وايد والله اني كنت وايد اتهاوش مع امي على سبه الطلعات وتقولي وين نروح احنا مياننين؟ غير السياره بنات العايله الي من سني كلهم صار عندهم سيارات الا انا والله تعبت نفسيتي انا مانكر كانوا يلبسونا احلى لبس بس الواحد يبي يروح عن نفسه حتى الدكاتره ينصحون بهالشي والله احس اني خذيت راحتي بالزواج والحمدلله زوجي واثق فيني لانه عارف شنو انا وشنو اخلاقي الي الكل يشهد فيها الحمد لله لا والله انا عندي ماكو احلى من الزواج

هلا ورد الامارات
حبيبتي مثل ما قلتي البنات يبالغن شوي يعني بالله الحين 21و 22 صارو عوانس
بس تعرفين هذا ما يا من فراغ البنات يشوفن غيرهن يعرسن و بسن أصغر و عندهن بعد عيال
و البنت من تخلص الجامعه على سنن ال22 و 23 شو تتوقعون بيكون تفكيرهن غير الوظيفه و الزوج
و يشوفن الايام تمشي و ودهن يظمنن مستقبلهم...هذا غير الناس الي ما ترحم الوحده من الرمسه اذا طلعت
او سويت اي شي و حتى لو ما سوت....و ما يخفى هالزمن من الفتن و و و غيره الواحد وده بس يستر على نفسه
كل هذا خلو البنات يبالغن بالموضوع و عذرهن معاهن ...