ليش يا عالم؟!

صلوا على النبي يا جماعه ...
صليتي على النبي آهدي واستغفري
استغفر الله الذي لا اله الا هو الحي القيوم وأتوب اليه❤
ليش حبيباتي كل هذه الهموم اللي زعلانه من أمها واللي من أختها واللي من أم زوجها واللي من أخوات زوجها...طيب وبعدين!!!
اخرتها حفره وقبر وحساب وجنة ونار
متخيلين الوضع والا في عقلك هذا شيء بعيد ومابيصير!!!!
أنتي اللي تقرأين بينك وبين أمك خلاف طيحي على رجلها استسمحيها أمك تتمنى تشوفك كامله وأحسن منها في كل شيء ... أنا عندي بنت بعمر ال16 وافهم شعورها لما اتخاطب معها..... أمك تحبك تحبك ونصيحتي للأمهات تقربي من بنتك ادعي لها بوجهها مو تدعين لها وهي ماتسمعك سمعيها انك تدعين لها بنتك بتنبسط وبتطير سعاده
❤الله لا يحرم كل بنت من حنان امها ويرحم موتانا❤
بالنسبه للي بينها وبين اختها عداوه او خلاف او غيره أقول الله لا يجعل الدنيا اكبر همنا الأم تحمل وتربي واذا كبروا بناتها قاموا يغلطون على بعض بالكلام قدامها ...أنا أم ل3 بنات الكبيره16 واللي اصغر منها14 وبعدين وحده عمرها 9 الله يحفظهم...لما يتناقرون بالكلام أتوجع من جوه ..ليش بعض البنات مايحشمون امهم ..هي توجع انتم أخوات ترفعوا حبيباتي عن الكلام الفاضي اختك اذا زعلتك اجلسي معها علميها اللي في قلبك وانهيه في وقتها والأ بنتظرين الموت يفرقكم ثم تقعدين بحسره وتتذكرين اللي كان مزعلكم من بعض غيره وغباء!!!
وانتي اللي زعلانه من أم زوجها لأنك ما تتحملين كلامها لأنك تغارين اذا ولدها ضحك في وجهها اذا ولدها جاب لأخواته هدايا والا حبهم والا مشاهم او طلعوا معك في ايش يضايقك هذا الشيء ليش يا حريم ليييييييييششش
((( قلبك هذا طلعيه وغسليه ورجعيه )))
..وسبحان الله لما زوجك يعمل نفس الموقف مع اخواتك الصغار او اخوانك بتطيرين فرح لأنه حشمك ويحبك
بس عند اهل الزوج لااااا استوب ماتقدرين تتحملين وتغارين ..مستكثره أن أم زوجك تنبسط!!!!...حرمه كبيره ربت وكبرت وجاء اليوم اللي تبغى بس من ولدها وجهه ضاحك وسعيد وتبغى الفه ومحبه بينه وبين اخواته تجي الزوجه تتنكد وتمد البوز !!
أحد جاء ناحيتك ....ياسبحان الله
انا ما انكر ان فيه عمات الله يهديهم بس انتي هنا خلك ذكيه اكسبيها والله يا الكبار فالسن سهل تأخذين قلبها وعقلها قربي اولادك من عماتهم وجدتهم وربيهم يسلمون ع ايد جدتهم ويهدون لها هدايا....بمعنى كلامي اذا شفتي ام الزوج قلبها مهو ناحيتك قربيها منك....
بتجي وحده الان تقول انا لنفسي خلاص حبيبتي قفلي على نفسك في قاروره وعيشي لنفسك ولا اشوفك تتشكين من زوجك واهله يعني لا انتي اللي قدرتي تبعدين عن المشاكل ولا قدرتي تحلينها بتقعدين في هذه الدوامه الى متى اخرجي منها اخرجييييي والقلب بيد الله سبحانه اللي معاديك اليوم بكره بيحبك...
سبحان الله ما اشوف السب والهمز واللمز الا من بعد الجمعات فالواتس والسناب وكل حرمه تتابعها بتقول ياربي هذه من تقصد ليش تجيبين لنفسك الكلام معك مشكله مع وحده واجهيها يا حريم اتواجهوا بالعقل اتحاورو حوار اللي نهايته صلح ياناس الدنيا فانيه بتقعدين تقولين قالت وفعلت وحبت فلانه فلانه اكثر مني ومن اولادي.. الى متى؟؟؟...
بتقطعين زوجك من اهله يعني والا انتي بتنقطعين والنهايه يابشر!!!
مختصر كلامي مشاكلكم حلوها بالحب والحوار اللي نهايته صلح مو الحوار اللي بدون فايده تصالحي مع نفسك وتمني للغير اللي تتمنينه لنفسك وصدقيني الخير بيجيك في زوجك واذا مو في زوجك في اولادك ...ما انقطع على انسان باب الأ فتح الله له برحمته ابواب اكثر...
سامحوني طولت بس من اللي شفت
استودعكم الله ❤