ليش يخوفونا من الزووواج !!!

المبرمجة :

مراحب خيتو مين قال الزواج يخوف؟؟ بالعكس حلو بس اهم شي التفاهم لما تتفاهمون تكون الحياة الزوجيه اكثر من رائعه واهم شيء في الزواج انه المرأه تطلق شي اسمه عناد حتى ولو كانت اهي الصح بس الزوج لما يشوفها تسمع كلامه وماتعانده وتتنازل يتنازل اهو ويرضى عن اشياء مو مقتنع فيها ابدا !! ومو صحيح اذا ما اتفقتوا اول سنه خلاص ماراح تتفقون انا سنتي الأولى ما تفاهمت مع زوجي ابدا وكنت دائما ازعل لأني حساسه واهو حساس بس الحمدلله تفاهمنا بعدين وصرنا تبارك الله ما نخلي للشيطان ولا للزعل فرصه يدخل ما بيننا صار شعارنا لا للزعل واهلا بالسكينه والفرح والإبتسامه والله ما تسوى الدنيا نتهاوش ونتزاعل على اشياء تافهه المهم خيتو ادعي ربك بهالشهر الكريم وهالأيام المباركه انه الله يرزقك الزوج الصالح ويهنيك ويسعدك بحياتك واكثري من الإستغفار خلي المسبحه دايما بإيدك عشان تتذكرين اما بالنسبه لأيام الحمل وتعامله معاك اقولك شيء انه الرجل اذا عاملتيه معامله زينه ودلعتيه ما يشوف منك الا كل شيء زين حتى شكلك وانتي تعبانه ع الحمل وتبهدلك ايام الحمل يشوفك بعينه اجمل وحده بالكون اهم شي تدعين ربك وتكوني مع الله وقت الرخاء يكن معك وقت الشده ولا تنسين حسن الإختيار مو اول واحد يدق باب بيتكم توافقين عليه اهم شيء يكون مصلي ويخاف ربه لقول الرسول عليه الصلاة والسلام من جائكم من ترضون دينه وأمانته فزوجوه ما تنظرين للفلوس والجاه وهالأشياء التافهه لأنه الفلوس تروح وتجي والفقير يصير غني والغني يصير فقير والله كريم وان شاء الله الله يرزقك بالزوج الصالح والذريه الصالحه وكل بنات المسلمين يارب وتعيشون بسعاده ونعمه يارب ادعي لي الله يرزقني بالذريه الصالحه ما راح اقول بنت او ولد لأنه كل شيء من عند ربنا حلو

مراحب خيتو مين قال الزواج يخوف؟؟ بالعكس حلو بس اهم شي التفاهم لما تتفاهمون تكون الحياة الزوجيه...