ليش يصير كذا بين الاخوات

هلا با الغالين

بس صراحه بطق من الي انا فيه القاها من زوجي ولا خواتي


لو اقولكم ما تصدقون

انا عندي 6 خوات وشقيقات لكن ولا وحده منا علي قلب مع الثانيه
تخيلوا ما نعرف اي شي عن حياة بعض بس كل وحده تمدح في زوجها وحمولتها
وتحط الشي الزين بس



حتي عيالنا مع بعض ما نمون انا نضرب عيال بعض

علاقتنا سطحيه جدا جدا

حتي لو مرضوا عيالنا نادرا ما نكلم علي بعض

تخيلوا وحده من اخواتي خارج المنطقه ما بينا اي اتصال مع بعض لين تجي بعد سته شهور انا حاولت في البدايه بس كل ما اكلم احس انه تصرف الموضوع


لين استحيت علي وجهي وما دقيت:44:


ودئما ما نتفق علي شي واحد لازم في معارضه
طبعا انا رقم خمسه بينهم

ورقم سته ما تزوجت

تخيلوا يعني انا اقرب وحده لها ولا بعمرها جت وشكتلي حالها دئما رافعه خشمها

صراحه صراحه اكره اروح لاهلي ولا اتحمس اروح والله لو ان وجود امي يحتم اني اروح كان ما روح الا كل15يوما

بعدين لو اقول لكم ان الفرق بينا مو كثير يعني سنه واوسنتين او ثلاث اكثر شي

لكن بينا غيره شديد من بعض
واحس ان ولا وحده منا تفقد الثانيه لو تغيب سنه عايدي جدا

لدرجه من المواقف الي تمنيت ان خواتي معي

يوم اتزوج ولا وحده منهم ساعدتني في اغراضي رغم اني كنت صغيره واحتاج مشوره

احس فعلا انا مدري وشلون صرنا كذا

كل وحده لها تفكير الملتزمه مره والمنفتحه مره والله ما ادري وش اسوي با ذا الاخوات كثر على الفاضي

والله اذا بغيت اشكي همي لاحد منهم ما القي الي بنات الناس
وخواتي وش كثرهم على غير سنع:44:


تكفون ابغى نصيحتكم؟
انا عندي بنات وما ابغى علاقتهم من الصغر تكون جافيه مثلي

تكفون الي علاقتها قويه مع خواتها تكتب لي كيف صارت كذا

لان وبا صراحه ما جربت ابدا الاحنان والعطف بين الاخوات
ودئما اقول يا ليت اني وحده واقول ودي اخت

ولا مسوين زحمه كذا:11:


ملاحظه

( امي دئما ومن اصغر تحب تفضل وحده عن وحده وتجي تنقل الكلام بين وحده وحده)
هل تتوقعون هذا سبب