الموضوع عن بعض البنات الله يهديهم "الأخوات" اللي تلعب على البنت حتى تضحك عليها وتتسلى هي وخواتها وتعيشهم بوهم إن أخوي بيخطبك
وهي ماتصدق تجلس تتوددلهم في كل مجلس وتدور رضاهم
تعيش سنين وهي تبني قصر من الوهم والخيال وفي كل يوم تبني فكرة جديده وحلم وردي وتعيش في دنيا الأحلام
في لحظات ترقب وإنتظار تنام وهي تحلم وتستيقظ على الحلم نفسه
وفجأه ومن غير سابق إنذار تصعق هذي المسكينه بجملة (فلان خطب وزواجه بالعطله )
تظلم الدنيا تتقلب المشاعر صدق كذب حقيقه حلم حب حقد ظلم تسليه وإستهتار بمشاعر الأخرين
أخته قالت لي (إنتي بتصيرين زوجة أخوي ) وأمه كلما شافتني قالت (هلا بنتي الخامسه متى تجين مع خواتك)
ليش عيشوني بوهم سنين ليش أخواته يتعمدون كل سهره إذا كنت موجوده يجيبون سيرته ويغمزون لي ويضحكون
ليش كل ماجاء خبر زواج وحده من البنات بدأ الغمز واللمز علي وعليه بالكلام المباشر والغير مباشر
أنا ماعرفه أبداً لييييييييش دخلوه براسي ليش عيشوني كذبه عشر سنين من عمري وكنت أرفض أي فكرة زواج أخرى لأني واثقه من أن فيه واحد مييييت علي من كلام خواته
ليش وليش وليش وكل ألم الدنيا وحسرتها بقلبي معقول سنين عايشه بكذبه يتسلون بمشاعري يضحكون بعقلي
ليش ليش اللحين أنا وحده مكسوره محطمة مالي أي معنى ماحس بوجودي أو موتي واحد
آآآآآآه ياقلبي مايحس بالنار إلا اللي إنكوى فيها
ماقدر أشكي لحد عيب وماقدر أسكت حره بقلبي ونار هذي ماهي يوم أو يومين هذي عشر سنوات بس أستاهل ليش صدقت
طيب وكيف ماصدق هم قالولي ليش يكذبون ؟؟ .....
هذا كلام صديقتي الغاليه "م" إتصلت علي تبكي وتشكي قلت لها بنزله موضوع في عالم حواء
ووافقت أنا أعرفها من 4سنوات كنت أعرف إنها شبه مخطوبه لكن تفاجئة بالخبر أكثر منها
وهذا الفعل منتشر بين البنات الله يهديهم أحياناً يكون القصد خير لكن تستعجل قبل ماتأخذ رأي أهلها ويكون الأهل لهم رأي ثاني
وتروح فيها المسكينه اللي صدقت <<هذا خطاء منها المفروض ماتصدق حتى تتأكد.
أو يكون القصد التسليه واللعب على البنت من وراها ويلقون لهم شي يضحكون عليه وحتى لو عرفت الحقيقه ماتقدر تتكلم عيب
وأسفه على الأطاله
واللي مايعجبها الموضوع ماترد
مبروك بقالك مشاركه وحده ويجيك افراج هههههههه
واللي مايعجبها الموضوع ماترد
ولا تعصبين ترا الي تعصب قبل توصل 50 مشاركه تنكمش مشاركاتها الى 10