السلام عليكم ورحمة الله وبركاته
ياامهاتنا يااخواتنا الغاليات ليش تسوين كذا في رعيتك ليش كل ماطق شي في راس بنتك والا ولدك المراهق اللي تحت سيطرتك شي طرتي ولبيته بحجة الدنيا تطورت والا وش ينقص عيالي الله المستعان صرتي تناظرين بس لهاذي الفروقات ليش ماتنافستن على التحفيظ وحلقات العلم والمحاضرات بحجة الدين
عاجبكن لبس بناتكن الحين الله لايبلانا الوحده قبل تتزوج شفتي كل جسمها مابقى الا اللي(.....) الله يستر لاينشاف بعد
عاجبكن البلاك بيري اللي لو تامرين على وحده قالت اوف مافيه الا انا والا اصلا ماعطتك وجه والا هذا اذا انتبهت انك تنادين والا امرتيها بشي
عاجبكن تفرفر القنوات اللي فيها قلة الحياء عيني عينك والتفتح على قولتهم
لا يامهات مو هذا العشم فيكن وين الدين وين الحياء وين قوتك وشخصيتكن عليهم
لا لا لا لا ووالف لالا تسكتين واذا عصتك علمي ابوها اذا الابوا مو عارف ولاداري عن البيت علمي احد اخوالها والا اعمامها اللي لهم كلمه وشخصيه
خليها تبكي والا هو يبكي قبل لاتبكين عليهم
ياامهاتنا الغاليات لاتخلون ابنائكم يحجونكم يوم الدين امام الرب انكن انت اللي سمحتن لهم بكل شي
حاوووووووولي تتبعين اسلوب الصداقه ترى انتي القدوه بالبيت قبل الاب انتي اللي بوجههم بكل ثانيه ..
هذا زمن المجاهده في كل شي تحملي كل شي بما انك وافقتي انك تصيرين ام تحملي المسئوليه آآآآآآآه ومادراكن ماالمسئوليه لوفهمناها
اسال الله الصلاح لذرياتنا عليكن بالدعاء لهم ان الله يسخرهم لك
ماودي اطول عليكن لكن شي حاز في الخاطر من اللي نشوف وكتبته في صفحتي لعل الله يفتح قلب غافل منكن
لا اله الا انت سبحانك اني كنت من الظالمين ,,,,,,,,,,,,,,,,
يلزم عليك تسجيل الدخول أولًا لكتابة تعليق.
قطوة ضائعة
•
كلام والله العظيم دررر ... سلمت يداك
الصفحة الأخيرة