الله يجزاك خير يا كلام العيون.. كلامك من ذهب..
والله يجزى من رد خير..

فعلاً أنا صرت أشوف مشاكل بسيطة يفخمونها الله يهديهم ويكبرونها ويسون كأن الدنيا بتنتهي..
وحدة طفشانة.. ووحدة زوجها ما يطلع معها السوق.. ووحدة زوجها ما شراها اللي تبي.. !!
صراحة أشياء لا يمكن أن الإنسان يكدر حياته الزوجية بسببها.. خاصة أن السعادة الزوجية في هالزمن عملة نادرة..

الحمد لله المفروض الوحدة تحمد ربها إذا كان زوجها على خلق ومحافظ على دينه وعايشة براحة على الأقل.. والله أن الواحدة لو تشوف اللي أسوأ منها والمشاكل اللي تشيب الشعر ما كانت اشتكت وكان راحت تقبّل أقدام زوجها اللي مكرمها..

لكن فعلاً.. نساء يكفّرن العشير.. والله يهدي الجميع

يزاج الله خير أختي كلام العيون..

ومن رايي ان الغلط يوم وحده تتشكى من زوجها بهدف الفضفضه والشكوى.. وعشان تكسر خاطر الناس ويشفقون عليها.. مب بهدف إيجاد حل أو أخذ نصيحه لتعديل الوضع....

واسأل الله ألا يجعلنا ممن يكفرن العشير..

صدقتي والله .. من قبل لا انخطب وعندي إحدى زميلاتي المتزوجات.. دايماً تشتكي من زوجها وتصيح وتتعب نفسياً.. وانا يمكن أتعب أكثر منها.. وبعد ما انخطبت وملجت.. صرت كل ما اشتكتلي من صفه أو طبع أو تصرف من زوجها.. أبدى أدور زوجي فيه هالصفات ولا لا.. وأكلمه بدون نفس.. وأبدى أدقق في كل تصرفاته.. ويوم تكون فرحانه ومستانسه من زوجها تمدحه وتقول انه مب مقصر عليها مع انها أمس كانت تسبه وتفكر بالطلاق.. الله يهدينا جميعاً

وبعدين اكتشفت ان سبب تصرفي وشكي فيه هو الشكاوي اللي اسمعها من صديقتي.. فعطيتها أسماء كتب وأشرطه واستشاريين أسرة متميزين.. عشان تستفيد وتحاول حل مشاكلاتها بنفسها..

وتحسنت حالتها وحالتي الحمد لله.. وتعلمت اني أول ما تبدى تشتكيلي أغير الموضوع وأذكر لها محاسن زوجها..

ونصيحتي لج أختي كلام العيون تحاولين تبتعدين عن المجالس االلي يكون محور الحديث فيها الشكوى من الزوج.. ولو تسمعين الوالده الله يحفظها لكم أشرطه تتحدث عن حقوق الزوج وكفران العشير.. وإذا زعلت واشتكت من الوالد.. قوليلها انتي جيه تعقديني خلاص انا ما بتزوج تعقدت من الرجال.. وصدقيني بتخاف وبتنتبه انها قاعده تدمرج بهالشكاوي..

وبالتوفيق..

هلاااااا وغلا والله بحبيباتي وخواتي الغاليات ....



صمت الجنوب


فعلا صدقتي وانا معاك ان الوحده تبي تفضفض شوي عن نفسها ... ومافيها شي بس في حدود المعقول ... وبدون ما تسبب في ضيق للشخص اللي يسمع لها ... وبالنسبه للي ما تقدر تقول لأخواتها او أمها ... وتحب تستشير هذا الشي اكيد مطلوب .... بس انا اللي عنيته كثر الشكاوي على شي يسوى واللي ما يسوى ....وعلى الطالعه والنازله زوجي وزوجي ....:44:



أم ننو

هلا بك عزيزتي وانتي الصح يا الغاليه وتسلمين على مرورك :26:



lawsi

هلا بك والله وتسلمين على ردك المقنع فعلا ً ... وانا معاك بس انا مش نظرتي سوداويه بالعكس ... والله أعلم اني اعيش سعيده جدا ً ومستقره نفسيا ً مع خطيبي ... بس انا هذا اللي داااااااايما ينقااال لي من بنات الشكاوي الله يهديهم :44:


وهذا اللي الكل يقولوه ... الدنيا هم والدنيا و... والدنيا ....الخ !


وبالنسبه للإيجابيات من قراءة مشاكل الغير فعلا انا معاك في كل نقطه ذكرتيها لأني كنت من اكثر المتابعين لها ... وما انكر اني استفدت منها كثيييييير ... بس من كثرت متابعتي ومن استفااااادتي حسيت انها بدأت تأثر على نفسيتي شوي شوي :44:


وصرت متخوفه اكثر وحذره من كل شي و... و ... !


وانا اللي قصدته ان الواحد يخفف ولا يكثر ترى والله تأثر فعلا تأثر على نفسيتك حتى لو كنتي مرتاحه ... والمثل اللي يقول :من راقب الناس مات هما ً :06:

وتسلمين على ردك الطيب ودعاءك الاطيب .... والله يسعدك



* بنت آدم *


وهذا اللي انا قصدته اننا نطلع انفسنا من الجو الكئيب ومشاااااااكل الغير يكفي ان الواحد ينصح ويسوي اللي عليه بس ما يزيد همه هم :44:

وتسلمييييييين على ردك يا الغاليه وفعلا بشكل أصعب :o



رسيل


هلا بك عيوووووني وتسلمين عزيزتي ... وهذا اللي اتمنى انه يوصل لقلوووب القارئات وخاصتا اللي تعاني من مشاكل وضغط نفسي ... انها تهون على نفسها ولا تقعد تزيد همها بمشاكل غيرها وتسوي مقارنات وتفتح باب ابليس يلعب بعواطفها :(



الرحيل


تسلمييييين على ردك ووصفك وتجربتك الشخصيه للعلم في كثير مروا بنفس الطريقه ....

ومثل ما قلتي انا صرت احاول ابتعد عن هالمجالس كثيييير وصديقاتي المتزوجات ما صرت اختلط فيهم كثير لاحظت ان الاسلوب يتغير ولا يصير زي اول .... في منهم لله يهديهم ينخرطون في سوالف الزوج ومشاكله والعيال ولا تصير في الجلسه غير شكاوي لمجلس الامه :06:


اما صديقاتي العزوبيات سوالفنا غيررررر فيها ضحك ومواضيع عامه وخاصه ... بس في تنويع وتعطي للجلسه لها طعم احلىىىىى ....

صحيح ان الظروف تختلف عنهم بس والله اعرف قريباتي متزوجات ومعهم عيال وهم عندهم مشااااااكل بس مش متشائمات زي الكثير ... يحاولون قدر الامكان يريحوا على انفسهم ... ومثل ما يقولون دااااايما ما تحت الله هم ...


حتى تلاقين وحده تهرب من سوالف الحريم ومن نكدهم وتجي لعندنا تتونس وتسولف وترتاح !!!


يعني ليش كل هالشكااااااااااااوي .... خلونا حلوووين وطيبين وبنحبكم :30:

:)

والله إنك عسل أنت ومواضيعك الحلوة

صرت أدخل أي موضوع لك

فيك تفاؤل وصفات حلوة

الله يوفقك :)

هلااااااا والله عيوني سندس


العسل يشوف الناس كلهم عسل مثــــــله ... وهذي لك