ممكن في بعض البنات مو متربيات تحاول تتحرش بالرجال.. و في من بنات الرجال من خبثه ممكن انه يخدعها بطريقه خبيثه و الشيطان شاطر ..هذيل البنات الساذجات اللي على نياتها ويقول لها انه مو متزوج و يوعدها بالزواج

وصدقيني مو كل بنت تكلم رجال ماهي متربيه .. ولا كل رجال يكلم بنت ما هو متربي .. ساعات تصير زلات أو ظروف يضعف ايمانهم و يلجأون للمعاكسات

في منهم الله يهديهم و يبطلون اذا انتبهوا لنفسهم ..و في منهم اللي ينجرف في هذا التيار .. و في منهم يحاولون يصلحون هذي العلاقه بالزواج

والمسأله تتعلق بخوف كل واحد فيهم من الله

فا اذا الرجال ما يخاف الله راح يسوي البلاوي و نفس الشي البنت .. وانا ارجع و اقول مع ان البنت تتحمل من المسؤوليه لكن المتهم الأول و الأخير لهذه العلاقات و خراب البيوت هو الرجل..لأنه عامود لبيته و مسؤول عنه ان سقط ..سقط البيت كله وعلى ساكنيه

اختي المثقفه : الغلط 99% ع البنت والرجال ياحياتي لاحول ولا قوه له يعني ؟
بنت ورقمته وكلمها ..مو هو محصن ومتزوج ؟
يعني الغلط على مين ..انا ماابرر للبنت الي تسويه ..بس الرجال يقدر يرفض وماياخذ الرقم ..يقدر يغض بصره في السوق عن البنات ..يقدر مايضيف بنات في المسن ..ييقدر ويقدر ...الـــخ
كيف تقولين الغلط ع البنت بس ؟؟
يعني هو مسحور وماله حول ولاقوه !
الى متى وانتو تبررون غلط الرجل وتدورون له عذر !!

اقول كثير
يسوونها بس ماأدري وش يستفيدون
لما يخربون على الزوجه وزوجها

حبيبتي انا ماقول انه موغلطان اختي اناقلت الرجال نفسه دنيئه نفس كلب يعني لو تجيه عجوز مهرهره ماعنده مانع الامن رحم الله لاكن البنت ليه تفتحله مجال سواء هو رقمها اوهي تحرشت اختي البنت نسبتها في الغلط اكثر من الرجل يااختي يكفي ان الرسول عليهالصلاة والسلام قال هن اكثر اهل النار اختي انا ماقول الرجال ماله يد لاكن هوتفسه دنيئه يكفيك قصص الخيانات الزوجيه حتي الشغالات ماسلمن منهم وهذا مثال لوالشغاله ماسكتت ولاعطته وجه هل راح يقدر يسويلها شي ؟؟جاوبي الااذا اغتصبها بالقوه

يعني الي فهمته الرجال جاهز للخراب ..بس ماخرب لين جت البنت !!
ما أوافقك بهالكلام ..يعني مافي رجال عينه زاايغه ومن يلمح سواد طارت عيونه ؟؟
يعني مافي متزوج وجالس عالشات 24/7 يدور البنات ويسولف معهم وهومتزوج ..ومو قادر يفتح موضوع مع زوجته ؟
بالاستراحات مايحطون على قنوات الرقص ويتراسلون بلوتوث ..وين البنات بالسالفه ..هو الي يدور البنات ياختي ؟
شوي اكون صريحه معك ..مرات تكونين بالسوق جوالك بشنطتك وبحال سبيلك وشوي ولا واحد طايره عيونه ويأشر بالجوال يعني افتحي بلوتوثك بيرسل رقمه ؟؟..هنا وين غلط البنت ؟
كانت بحال سبيلها وهو الي جا يستعرض عضلاته "مع العلم متزوج وزوجته هاايمه على وجهها في السوق منفجعه تقل عمرها ماطبت سوق "
وبعضه الي يتعرف على بنات وهو متزوج مايقول انه متزوج !!
الخطا 50% -50%
لا هو عالبنت بس ولا ع الرجال بس ..