والله عااادي زوجي الي يسافر فيهم وهو الي يوديهم مكه في رمضان وهو الي يقضي للبيت وهو الكل في الكل عند اهله
وهو الولد قبل الاخير بس مالومهم الصغير عنده شغل الله يكون بعونه دايم سفر ومشاغل والكبير مره تقريباا عايش برا غالبا والي اكبر من زوجي بيته بعيد عن اهله وله مسؤليات
ويعتبر زوجي اقرب واحد لهم عشان كذا مالومهم هو الوحيد الي يمونون عليه
والله انه على قلبي مثل العسل لانه ماقصر معي بعد من ناحيه تلبيه الطلبات راضي الطرفين ماشاء الله عليه تبارك الله الله يجزاه خير

هذي الي عقلها صغير

ما فيها شي ولدهم و من حقهم عليه انه ينفذ طلباتهم

والله هو مافيها شي بالعكس بكذا الوحده تحس انه الرجال فيه خير باهله و بكره فيها و عيالها

فعلا الاهل لهم حق كبير في ولدهم
لكن احيانا يكون عندهم اكثر من ولد لكن الام والبنات مايقولون إلا لأخو واحد بس
مثلا أنا اخوان زوجي 5 وهو السادس ( وترتيبه الثالث بين اخوانه)
لكن امه واهله مايعرفون بالمشاوير الصغيرة والكبيرة الا هو بس؟؟؟؟؟؟؟
هو اللي لازم يسافربهم لمكة للعمرة كل اجازة .. وبوالده للحج كل سنة .. وللرياض لزيارة الاقارب.. ولمراجعة المستشفيات ..
هذا غير مشاويرالزيارات العائليه والسوق والمطعم والخياط وجلب الاغراض والذهاب للمدارس صباحا وظهرا .... يعني كل شيء
لدرجة مالي نصيب ابدا ابدا منه .. مايفضي يوديني لمستوصف او للسوق او يجي يأخذني من اهلي .. ومااذكر سافرت انا واياه لحالنا ..لأن اهله مايستغنون عنه ابدا ..
يعني ايش فيها لو وزعت الام طلباتها وسفراتها على عيالها كلهم ولايكون تركيزها على واحد؟؟؟

اللي مافيه خير باهله مافيه خير لاحد

الله يعطيكم العافية بنات

فرحتني ردودكم وان اكثر البنات ماعندهم مشكلة

مادامه ماقصر على زوجته

ومازاد الشيء عن حده