حياكم الله جميعنا يسعى لمنزل نظيف ورائحته بخور في وقت اقل وجهد أقل وبال مرتاح
اليكم هذا الجدول لتنظيف البيت اليومي والاسبوعي والموسمي
أولا بالنسبة للغسيل
جدول غسيل الملابس
الخميس الملابس البيضاء
الجمعه اجازه
السبت الملابس الفاتحة
الاحد الملابس الغامقة
الاثنين شراشف وعبايات
الثلاثاء الملابس البيضاء
الاربعاء الملابس الفاتحة
بالنسبه للكوي وطي الملابس يوم بيومه
ثانيا
جدول تنظيف البيت الاسبوعي
الاحد غرفتي ( مسح الغبار ونظرة على دولاب الملابس تغير المفرش ومسح التحف وترتيب الادراج ) يعني اتعمق في كل تفاصيلها
الاثنين غرفة اولادي
تقريبا نفس اللي سويته بغرفتي
الثلاثاء الصالة والحمام تنظيف عميق
الاربعاء المجلس والمقلط
الخميس مسح سيراميك البيت
ثالثا بالنسبة للمطبخ
الاحد قسم القدور وتحت المغسله
الاثنين قسم الصحون والازراج
الثلاثاء قسم المواد الغذائية والبهارات
الاربعاء مسح الدواليب من بره وفوق
الخميس الفرن والثلاجة
الجمعه راحة
رابعا الجدول الموسمي مثل تغير ملابس الصيف والشتاء او اي شي يحتاج تنظيف مره بالشهر مثل شفاط المطبخ وشفاط الحمام مسح الجدران
التنظيف اليومي
ترتيب الاسره
شطف الحمام
الطبخ وغسل المواعين
كنس البيت بالكهربائية
البخور ورمي الزبالة الله يكرمكم
مسح الفرن وكنس المطبخ وتجفيف المواعين وارجاع كل شي مكانه
وتذكري دائما اذكار البديل عن خادم قبل النوم سبحان الله 33 الحمدلله 33 والله اكبر 34
الحين اشرحلكم يوم
الاحد مثلا وعليه نطبق باقي الايام
بعد صلاة الفجر اسوي فطور زوجي يطلع لدوامه اغسل مواعين الفطور وحط دجاجي او لحم او سمك للغدا يذوب من الثلج وارجع انام الى الساعه 9 ويبدا يومي الله المستعان
ارتب سريري واحط الكلابس الغامقه بالغساله واشطف الحمام سريع واقعد على النت وبعدها ارتب غرفتي تنظيف عميق يكون الملابس الغامقه تغيلو احطهم بالمجفف واطويهم على الساعه 12 اصلي الظهر واسوي الغدا والسلطات وحلى للعصر يجي زوجي على الساعه 3 قبل جيته بننص ساعه اسبح وابخر البيت نتغدا واصلي العصر واغسل المواعين ويكون دور دولاب القدور والمغسله من تحت طبعا من فوق بشكل يومي انظفها بكلوركس على الساعه 4 اسوي قهوة وشاي نتقهوى واغسل المواعين حق القهوة واشيك عالصالة ممكن اطلع او اذا مدارس اذاكر للعيال واصلي المغرب واجهز عشاهم يتعشون واسبح الصغيرة والكبار يسبحون لحالهم وونصلي العشاء وينامون بعد ماينامو اكنس البيت بالكهرب وارمي الزبايل طبعا دايما احمس نفسي واقول اذا خلصتي الشغله الفلانيه بنص ساعه بيكون عندك وقت للجوال اكثر فاتسابق مع الوقت عشان اكون اسرع وعلى الساعه 11 انام او ممكن اوصل الى 12