موقف صار لي قبل فتره...وابى ان يمحى من ذاكرتي...
على خط الجنوب...الى جده...سافرنا بطريق غير مألوف ولا معروف وصفه احد الاصدقاء...الطريق موحش جدا...وعكر بشكل مخيف..مااتذكر الطريق بالضبط المهم...بعد ماتوكلنا على الله واخترنا نمشي فيه....وبعد اكثر من خمس ساعات متواصله مابين عقبات وضيق للطريق...وصلنا الى الخط السريع......
اتخيلوا معي...الطريق خالي من اي اضاءه...الله يسامح اللي دلنا عليه...
لا يوجد سيارات غيرنا ويمكن كم واحده مرت مسرعه..!!! وخالي تماما من اي محطه...
دخل الليل...وبدأ الظلام...ومافي صوت غير صوت رياح من طرف الشباك...
تتوقعوا ايش اللي صار...بهذا الجو المخيف والظلام الحالك...
بدأت اشارة البنزين في شاشة السياره تصفر!!!!
زوجي صرخ بدون وعي البنزين بيخلص:eek:
في البدايه مااستوعبت الموقف...كررها...بصوت مخنوق البنزين...الان بيخلص...:confused:
ايش تقصد..؟؟؟ مافهمت يعني شو..؟؟؟
طول الخمس ساعات مافي ولا محطة بنزين!! ومافي اي اشاره بالطريق...او حتى علامه...تدلنا احنا وين... وباقي اكثر من اربع ساعات لجده..
:06:
حسيت برجفه بجسمي...خاصة لما شفت العرق يتصبب من جبهة زوجي...والخوف بدا من نظراته التائهه...
لحظة صمت مخيفه..يالله وش بنسوي ؟؟؟ وش بيصير علينا؟؟؟ حتى الجوال مافي تغطيه...
يالله الان بيخلص البنزين ...
ماذا لو لم نجد احد هب لمساعدتنا؟؟؟
ماذا لو هاجمنا قطاع الطرق؟؟؟
ماذا لو ولو والف لو؟؟؟؟
بدأت استعيد وعيي وبصوت مسموع استغفر الله استغفر الله ... ءامن يجيب المظطر اذا دعاه...
حتى اولادي ذا الست سنوات بدأ يرددون معي يالله يالله...
وفجأه ضرب زوجي على راسه..وهو يقول خلاص...خلص خلص..الان بتتوقف السياره...:eek:
حسيت ان نهايتنا اقتربت... رفعت يدي اتوسل ...يااااااااارب ياالله...اتوسل اليك ان ترحم حالنا...
وفي الدقيقه الاخيره لاحت لنا انوار احدى المحطات...:scream:
شعور غريب..
دمعت عيني .. رجعت اتنفس ..
صرخت من الفرحه يارب انا احبك احبك يالله...
وفي الاخير وصلنا بحمدالله ...
نصيحه لا تمشوا سفر طويل بطريق غير معروفه.. وكمان لازم تاخذوا معاكم جالون بنزين احتياط غير العجلات...
ولا تنسوا دعاء السفر وان تستودعوا الله انفسكم...
واذا صار لكم مواقف مشابهه اسدحوها...
ابنة غريب @abn_ghryb
محررة
يلزم عليك تسجيل الدخول أولًا لكتابة تعليق.
عصفوره نجد
•
الله انقذكم
لازم من التاكد من تعبيه خزان الوقود قبل السفر وكل ما تمرون على محطه عبو حتى لو باقي بنزين احتياط صراحه
احنا موقفنا برضه مع خط من خطوط الجنوب بس احنا طلع لنا جمل فجاءه والطريق مظلم وما انتبهنا والحمدلله ان نجانا منه ونصيحه امشو بالنهار في الخطوط الطويله
احنا موقفنا برضه مع خط من خطوط الجنوب بس احنا طلع لنا جمل فجاءه والطريق مظلم وما انتبهنا والحمدلله ان نجانا منه ونصيحه امشو بالنهار في الخطوط الطويله
الصفحة الأخيرة