ليلة رومانسية شتويييية بد.......

ليلة رومانسية بطريقتي الخاصة: ناويه اسويها على بداية دخول الشتاء
بما ان زوجي من عشاق الحياة البدوية قررت اني اعمل ليلة رومانسية فوق سطح بيتنا (معليه يمكن يضحك الموقع لكن انتظروا التكملة)
راح انصب بيت شبه بيت الشعر البدوي يعني زولية سدو بزاوية السطح تمثل السقف وافرش على الأرض سجادة سدو وعندي منقل ابي احط به حطب واشعلة واتركه يجمر((حماي راعي بر وهالأشياء متوفرة بسهولة))
الأكل:
اتبل دجاجة اخذت طريقتها من المنتدى حلوة مرة وابدأ اشوي عشان يوم يجي زوجي تكون على وشك تنضج واسوي اذا تعرفون طبخة اسمها منسف -بدوية بعد- وسهللللللة مرة+سلطة طبعا مافيه عصير شاي وحليب معز او خلفات المهم اللي متوفر يومها +تمرررر
وازين بيتنا الشعر بالديكورات التالية:
1-راح احط نضيدة جهة الجدار وهي عبارة عن طاولة خشب قديمة وارص عليها لحف صوف.
2-عندي مخدات سدو اهدتها لي حماتي من بياع سوري رهييييبة ماشية مع الديكور هذي تصير نتكي عليها}مركا او بمعنى اخر تكاية{.
3-عندي شنطة بعد زي السو مزينة باصداف وخرز وحركات جنان اخذتها طقم للجلابية من محل اكسسوريز من الراشد بعد ب149ريال هذي بتصير معلقه بمكان ما كحركة.
4-وعند اهل زوجي قدور محترقة ومفواح ماء كبيييير بعد محترق من تحت من الحطب وبع بحطة على زاوية كأنها مطبخ مع بعض الكماليات المتوفرة التي سوف تعلق.
5- وزوجي جايب لي شريط اسمه }حورنيات{اذا ماني غلطانه به سامري بدون موسيقى شييييي صراحة اسمعوه- بس الباقي من الشريط تخبيييييص شباب- لا وازيدكم من الشعر بيت بداية القصيدة اثنين يتكلمون عبر جهاز عن طير يبون يصيدونه والحوار صراحة كأنه صحيح في البر .
6-وماخذه من تركيا جلد حمل طبيعي زي الصوف بس ناااااعم ثلاث قطع راح اوزعها بمكان مناسب.
اللبس
وعندي جلابية بدوية روووووووعة ماخذتها من محل الفارسة بالراشد الدور الثاني وما تصدقون السعر *********150ريال*********الوانها نفس الوان السدو راح البسها وابي اسوي لي وشم بالكحل الأخضر وادعج الكحل الأسود ويمكن اربط عصابه على راسي اذا ناسبتني مع المكياج واذا لا ابي اجرب اضفر شعر جديلتين بس الضفر مو مشدود لا على خفيف
والبس عقد من محل جينيفر عبارة عن اصداف مرصوصة جنب بعض والحلق بعد من محل اكسسوريز طويل ونازل منه صدفة.

وسلامتكم
ادعو لي تتيسر المور وبنتي تتعاون معي ماتنكد علي :44:
واتمنى اللي عندها شيئ زيادة تنورني بليييييييييييييييييز:06:

وعذرا على كثر القرق:o مع العلم اذا تمت العمليه على خير راح اكتب لكم رد فعل المزيييييييييون ان شاء الله