ليلة وفاة زوجي حبيبي ( و انا مخضبه با الحنـــاء )

السلام عليكم و رحمة الله و بركاته


ثلاث ساعات في الفراش و ماجاني نوم , تعرفو ا ايش تذكرت , تذكرت ليلة وفاة زوجي الله يرحمه , و ابتلت

وسادتي من الدموع , و قلت بكره احكيها لكم , لا الحين احكيها .. اصلا النوم جفاني .. اسمعو قصتي ...


احب الحنه و زوجي كمان يحبها اقصد يحب يشوفها علي , يومين و هي جاهزه امي قالت لي لازم تتخمر

الحنه عشان يصير لونها داكن ... قلت الليله ان شاء الله احني ...


كان اليوم جمعه , وانا كنت عند اهلي , رجعنا للبيت بدري و قعد يلعب مع البنات و قالي انا رايح لصديقي

قلت طيب بس لاتتأخر قال لا ماأتخر و قالي لا تنامي لين ارجع و همس في اذني كلام حلو ما سمعته من قبل

قتله بس لو تأخرت راح انام .....

انتظرته لساعه واحد , تأخر مانشغلت لانه متعود يتأخر , قلت خلاص أحني و لما يرجع يلقاني نمت

و بكره ارضيه ............. حنيت ايديني و رجليني يعني الاربعه و الله و الله و الله اول مره في حياتي

احني لوحدي كنت لما ابي احني اروح لأختي , و نمت انا و البنات ......

و الله طول الليل كوابيس و انا اغرق في البحر و احلام مزعجه بس و انا نايمه ماصحيت

قمت مفزوعه تقريبا الساعه ثمانيه شفت مالقيته جنبي لا اله الا الله قمت للحمام (اكرمكم الله )

غسلت الحنه ...يالرب ؟؟؟ ليش مارجع .. ( ماكان عندي جوال )


رن جرس الباب .. الحمد لله رب العالمين

طلع اخوي مو هو ..اتفضل __________ دخل وجه كان اسود و شكله متغير

شو في _________ لا لا تقولي ابوي ..ارجوك

قالي لا

امي _____ لا ابي الي مريض


لا تقول امي ___ارجوك قولي من الي مات ..حط راسه باالأرض و لما قامه شفت الدموع في عيونه

( شوفو كيف الانسان يضيع المفروض عرفت من الاول من الي مات )

قال ____حسن عمل حادث باالسياره و حالته خطيره و هو في المستشفي

قلت ____ طيب وديني اشوفه

قال ____ لا امي قالتلك تعالي احنا كلنا في بيت خالك ( ابو زوجي )

طيب !!! لبست عباتي و طلعت مع البنات قال ____جيبي ملابس و اشياء للبنات

ليش ( مافكرت ابدا ان زوجي حبيبي مات )

اخدت الشنطه و حطيت فيها ( صدقوني ما اعرف ايش حطيت و ايش لا ) المهم في ايدي شنطه ..

الطريق كانت طويله ( بما انها قصيره جدا )

قال ليش ناخد معنا البنات خلينا نوديهم ( لفلانه ) لان البيت زحمه ... زحمه !!!!!!

كلمة زحمه رجعتلي عقلي و عرفت ان زوجي مات الله يرحمه



ادعو لزوجي باالرحمه الله يرحم موتاكم يارب

و اسفه علي الاطاله و الاسلوب السيئ .................. و الله مالي غيركم بعد ربي العالمين

و لا تنسو تدعولي باالشفاء