ليلتي الرومانسية السعيدة ..

السلام عليكم ورحمة الله وبركاته ..
كيفكم حبايبي ؟؟ ان شاء الله بخير ونعمة
حبيت اقدملكم فكرة حلوة للتغيير في حياتكم الزوجية
وكسر الروتين الممل ..

هيا ماهي فكرة جديدة .. بس تذكير وتحفيز لكم ..

بالله قولوا ماشاء الله تبارك الله ..

تقريبا قبل اربعة شهور
حبيت اغير انا وزوجي وأفاجئوا بحركة حلووووة
وكان قبلها بكم يوم ذكرى زواجنا ..
فاستغليت الفرصة وقلت يلا حاجة بحجة :)
طبعا التخطيط مني وتدبيري انا واخويا الله يسعدو يارب

اول شي اشتريت هدية لزوجي
تاني شي انا كنت مخزنة عندي في الجهاز شهادة زوجية من زمان
ولما جيت ادور عليها مالقيتها مدري فين طارت

قلت يلا مو مشكلة انا ماشاء الله يجي مني كلام حلو ومرتب
وقعدت افكر وادبر لما ساويت شهادة زوجية روووعة والله اطلق من اللي
مخزنتها عندي بألف مرة وكلامها رومانسي حليو :)

وبعدها غلفتها تغليف حراري وطلع شكلها رهيب كأنها من وزارة :42:

وبعدين اتفقت مع اخويا يحجز ليا الفندق وبالموت لما لقي حجز
حجزلي سويت في فندق راقي خمس نجوم وكان الحجز يوم الخميس

وجهزت الشموع والفواحة والبالونات ( طبعا بعدين اقللكم شو ساويت فيها )
وجهزت ملابسي واغراضي ومكياجي وعطري واستشواري وغياراتي
وكل العدة في شنطة مو كبيرة مرة .. عادية والاهم انها ماكانت شنطتي
كانت حق اختي ( برضو شوية تعرفوا ليش )

ولما جا يوم الربوع رحت عند ماما واخدت معايا الشنطة
قللي زوجي ايش دي الشنطة
قلتلو حق اختي .. عادي الرجال ماخطر في بالو شي

لما رحت عند ماما في الليل اتصلت عليه وقلتلوا بنام عندها ..
ماقللي شي الحمدلله
ونومت عندها انا وعيالي وكنت اخدتلهم غيارات ..

ولما جا يوم الخميس من الظهر جاني اخويا ورحنا اشترينا تورتة حلوة
واشتريت من السوبر ماركت العصيرات والموية وحركاااات بسيطة ونسكافيه
وانا كنت شايلة معايا غلاية صغيرة واكواب نسكافيه

وعدينا على محل ورود واشترينا روز احمر تلاتة وردات
وروحنا سيدا على الفندق

طبعا في الفندق انا واخويا رتبنا الشموع في الغرفة
والصالة والحمام الله يكرمكم وعبيت البانيو موية ومليتو رغوة
وحطيت فيه الشموع اللي تطفو في الموية
واخدنا البالونات وحطينا وسطها اوراق ونفخناها والاوراق فيها اوامر لاااازم تتنفذ :)

مثلن قول فيا بيت شعر ..<<< واثقة من نفسها الاخت
او امر فكاهي زي الشقلبة وجات على راسي :42:

يعني ممكن تتنوع الاوامر ..
انا تقريبا حطيت خمسة بالونات
وفي مقلب حلو اخويا سواه فيا بدون ماادري لنا زاد بالونة
وانا وقتها ماكنت منتبهة في الحوسة
وحط فيها ورقة من عندو كتب فيها كلام حلو لنا

ورمينا البالونات في غرفة النوم

طبعا الاحتفال كان في الصالة وكنت مجهزة التورتة والعصيرات
والجلسة في الصالة على الطاولة
بعد مانثرنا عليها بتلات من الروز الاحمر على الكنب وعلى الطاولة
اللي فيها التورتة والعصيرات والشموع وجبت مزهرية صغيرة حمرا
وحطيت فيها الوردات التلاتة الروز اللي اشتريتها وحطيتها جنب التورتة
ووقفت عليها الشهادة الزوجية اللي كان خلفيتها برضو ورد روز احمر
وجنبها الهدية كان الشكل صراحة رووووعة مع الشموع

وبعد ماخلصت الترتيبات كلها جا دور اني اقول لزوجي

فكتبت لو رسالة في الجوال وارسلتها
( حبيبي .. انا مرة مشتاقتلك .. وعشاني مشتاقة .. ابغاها ليلة غير ..
استناك في فندق ....... جناح ....... الدور ............. الساعة ........ )

8
8
دا نص الرسالة :)

بعدها هوا اتصل مفجووع يحسبها مقلب مني
بس مو انا اللي رديت عليه ..
اخويا رد عليه .. وفهموا انو مو مقلب .. وانو مايكلمني الا لما يجي الفندق
وقبل مايوصل يديني رنه بالجوال )
عشان مداني اولع الشموع في كل مكان

<<<<<<< حسيت نفسي سندريلاااا :27:

وبعدين راح اخوياااا
وانا اتجهزت ولبست واتشيكت طبعا لبست فستان سهرة نعومي
وصندل عالي كأني في زواج :42:

وبعدها جااااا وهوا مصدوووم ويقللي والله مرررة فاجأتيني
ماكنت متوقع ابدن ابدن احسب كل شي مقلب ;)

وقضينا ليلة حلوووووة وغير عن كل الليالي ولعبنا اللعبة الزوجية
والبالونات فقعناها ونفذنا الاوامر واتعشيناااا والحمدلله .

ايش رايكم لو انتو كمان تبسطوا ازواجكم وتسووها
والله روووووووووعة وتغيير

والله يسعد كل الحريم مع ازواجهم يارب
ويسخر للبنات اللي لسا ماجا نصيبهم

ماشاااااااااء الله .. تبارك الرحمن ..