اول شي صلو على الحبيب
اللهم صلي وسلم على سيدنا محمد
سبحان الله العظيم.... سبحان الله وبحمده
واذكرو الله وانتم تقرون هاه :angry2:
هذا الله يسلمكم حبيت اسوي ليله رومانسيه مدري حفله ههههه ...... المهم قبل ليلتنا الموعوده رحت السوق واشتريت العده شموع وشمعدانات واكواب عصير وبالونات وشيٍ احمـــــــر وشيٍ اخضـــــــــر وحاجاتن تبرق وماخليت زوجي يشوف اللي اشتريت عشان تصير مفاجأه <= تكفين عاد!!! لاني ماقلتله بسوي حفله
المهم يوم جا يوم الخميس وأنا ابدأ بالتجهيزات منذ الصباح الباكر لاني مواصله ههههه اللي عنده مناسبه يسهر للصبح المهم قعدت اسوي الكيكه متخيله نفسي ام الذرابه لا بعد ماتاكل معي عيش هههههه
سويت قالبين (بيتي كروكرررر بالشوكولاته) وخليتهم ونمت الساعه 2 تقريبا ميييته تعب اقول بنفسي انا ويين ورطت نفسي هالورطه هههه متى اصحى
صحيت قبل المغرب بشوي وسويت ا لغدا وتغدينا بعد المغرب المهم كتبت لزوجي بطاقة دعوه وحطيتها عند الباب عشان اذا طلع يقراها
طلع ابو الشباب وبديت اجهز كل شي المشكله الحين بناتي قامن مفللاااات نوم عجزت اشتغل منهن صغار بس يصيحن ويخربن كل شي ارتب البيت ويحوسن
المهم جبت قماش وردي وحطيته على طاولة الاكل ولزقته بغرا مسدس عشان بناتي مايسحبنه وحطيت شمعدان عليها
ورحت لغرفة النوم شلت كللل شي على التسريحه وحطيت شيفون وردي بشكل ملخبط هههه ابوك يالتوصيف ولزقته بعد بالغرا وحطيت عليه تحف وردي مع احمر ونثرت ورد مجفف على القماش <=قايلتلكم ماني بسيطه
السرير ماغيرته لان قبل اسبوع مغيرين المفرش
حطيت على الارض مرتبه للمساج ههههه تسمع به ماتدري وشهو ينوكل والا ينشرب ذا
وعلقت على السرير لمبات تخضر وتحمر وتزرق كنه باب حلاق ههههه
امممممم وش حطيت بعد .... ايه علقت على الباب زي الخيط طويل فيه خيوط تلمع ههههه مدري كيف اوصفه اقولكم اشيائي عجيبه غريبه وعلقت فيها بالونات حمرا المشكله اني انا اخاف انفخها بس نفختها شوووي يوم علقتهن طلعن كنهن رئة مدخن هههههههه الله لايبلانا
خلصت من التجهيزات باقي الكــــــــــيكـــــــــــــه وياعيييييني على الكيكه!!!!!!!
زي ماقلتلكم سويتهن الظهر وخليتهن بالقوالب ماطلعتهن كنت بقص كل قالب الى طبقتين عشان تجي 4 طبقات وجهزت الصوص والحشوه والكريمه اللي للتزيين ... شفتو الذرابه على اصولها
واللـه واجيب القوالب واقلبهن وارفع الصينيه والا الكيكه لاصقه عيت تطلع هههههه يمين يسار اطقها احذفها بالجدار ههههه عيت تطلع واروح واجيب ملعقة الحلى واحفرها من تحت وتطلع بس مع بعض الاصابات والكسور والرضوض ماطلعت بالشكل اللي ابي قلت ياللـه الامل بالثانيه ونففففس الشي والله انقهرت وبعدين صار يتفتت وماأقدر أخليها طبقتين لانها بعد رقيقه قمت وحطيت الطبقتين على بعض بينهن الكريمه وصبيت عليها صوص الشوكولاته لإخفاء التشوهات ... وزينته بالكريمه بعد يؤ يؤ يؤ شي خيااال <= إي هين
جهزت الطاوله الكيكه او التورته ههههههه والله حرام ينقالها تورته
سميتها كيكةهيروشيما
وحطيت العصير والشموع ابوك يالرومنسيه:hahaha:
وجبت صندوق صغير حطيت فيه نوته صغيره فيها عبارات حب ومدح وووصف وووكل شي
_انت الذي مكانتك فوق فوق هههههه هذي قصيده سويتها فيه ههههههه
المشكله انا طووولت ماخلصت جات الساعه 2 وانا بلشانه بعمري والعريس كل شوي يدق ها خلصتو ؟؟؟؟ متى تخلصون؟؟؟؟
لا ني قايلتله لاتجي لين ادق عليك
لا بعد نسيت اقولكم اني من التعب _ويش الله حادك_ من التعب صابني هبوط _دايما يصيبني_ فنمت تقريبا ربع ساعه لين صحصحت ...
عاد لما خلصت دقيت عليه قلت له تعال
بس باقي الشموع ماشغلتها قلت لين يقرب يجي خفت على بناتي منها
يوم جيت بشغلها والولاعه تعيي تشتغل طع طع طع انقهرت واروح للمطبخ ادور كبريت لقيته مخلص رحت ادور و افتش افتش اخر شي لقيت ولاعه يوم جيت بشغل الشموع وابطفي النور الا هو داخل .... ههههه انا ارتبكت وانقهرت قمت شغلتها وهو واقف هههههه احلى استقبال
كان بيده كيس قلت اكيد هذي الهديه لاني لمحتله قبل بالهديه
(كنت ابي ورده) :42:... بس واللـه الكيس كبير شوي قلت اوووووو شكلها هديتن كبيره يمكن طقم ذهب ... نزل (الهديه على الكنب ) انا مااخذت الكيس استناه هو يفتحها ويعطينياها المهم.... جلسنا جلستنا الرومنسيه على ضوء الشموع ... وبناتي مسكره عليهن باب الصاله على التلفزيون وحنا بالغرفه بعد شوي قامت بنتي الكبيره تطالع من تحت الباب وتصيح مااااما ماااما ههههههه قطعت الرومنسيه قمت فتحتلها وجات ولحقتها الثانيه انا قعدت أأكل الكبيره وزوجي يأكل الصغيره وهي ماتعرف تاكل اثاريه عبا فمها بقوه فجأه اعععععععععع استفرغت على ابوها ههههههههه والله اني قعدت اضحك على شكلنا وحالتنا
ويقوم زوجي يغير لبسه كله وانا هاتك ياتمسيح وتنظيف ودعك هههههه وريحة الديتول صارت بدل العطر
وكملنا سهرتنا ولله الحمد وشربنا عصيراتنا
ايوه نسيت اقولكم الهديه
طلع اللي بالكيس خبز توست هههههههههههههههههه
انا ووجهي ادور هدايا
بعدين زوجي نام انا جلست لين بعد الفجر مانمت وكنت جالسه ع النت وبناتي يلعبن وراي فجأه سمعت صوت طع طع طع انا انفجعت قلت اكيد ماس كهربائي من لمبات الحلاق اللي كانن على السرير هههههههه زوجي قال افصليهن انا نسيت
واروح اررركض لغرفة النوم وانا كأني اشوف دخان اصيح واصفق بيديني واقوله حريق حريق حريق هو قام من عز نومه مايدري وش اقول مفجوع يقول هاه هاه هاه انتي وش تقولين والله ماصحى بنفسه الا بعد شوي وانا اروح واسحب الفيش حق اللمبات وافحححط بالبي توهو معي مغمض عين ومفتح الثانيه هههههه
ندور وين الالتماس مافيه شي اثاريه بناتي يلعبون بالبالونات وانفقعن ههههههههههه ههههههههههه دلاخه :09:
ويجلس زوجي رااايح فيها من الفجعه
وانا بعد ارجف خايفه وطايح وجهي بعد هههههه:hahaha:
وهـــــــــــــــــذي صباحيتنا هههههههه
بس باقي شهر العسل
صوره من الحفله
http://www10.0zz0.com/thumbs/2009/07/08/19/299049629.jpg
لكن الحمد لله اعجبته الحفله:arb:
(اتمنى اني وفقت في رسم الابتسامه على شفاهكن)
وآسفه ع الاطاله
واحب اقول اللي ماتعرف تسوي كيكه لاتتفلسف وتقعد تسويها تشتريها من اقرب محل حلويات لاتبلش بعمرها
ها عاد ايش رايكم مو قـــــــــمــــــــــــة الرومنسيه
قلب سلطان @klb_sltan
محررة برونزية
يلزم عليك تسجيل الدخول أولًا لكتابة تعليق.
( بنت الجود )
•
ههههههههههههههههه ضحكتيني الله يسعدك
يسلمووووووأم الذرابة ×××قصدي ام البالوناااات
الصور بس وحده لا وصغيرة
بس بجد انك مكاااااااافحة
انا من ولدت البكر ودعت الحفلات .....
الصور بس وحده لا وصغيرة
بس بجد انك مكاااااااافحة
انا من ولدت البكر ودعت الحفلات .....
الصفحة الأخيرة