ليلتي الرومنسييييييه....ويافرحه ماتمت.

السلام عليكم ورحمة الله وبركاته

خواتي ابيكم تساعدوني وتفسرولي اللي صار وش يعني

اول شي انا رومنسيه وبالغصب خليته يصير رومنسي في بعض الاحيان الموهم سويت ليله رومنسيه بمناسبة ذكرى زواجنا من بداية اليوم ارسلت عيالي لاهلي وطبعا بتخطيط مع اختي وجابت لي كل المطلوب من السوق لليله رومنسيه وسويت كل شي يحبه من الاكل وسويت حلا ونثرت الارض ورد وولعت الشموع وسويت بالونات ودخلت فيهم ورق مكتوب فيها كل شي ابيه من زوجي الموهم جاء زوجي وجلسنا وتعشينا تحت الشموع والجو الرومنسي قلت بس الرجال مابيفرقني لين الصبح المهم بعد الاكل والحلا اللي اخيرا مدح كل شي فيني وفي البيت بس غرفة النوم قلت اخليها بعد العشاء ماولعت الشموع اللي فيها رحت ووولعت المبات الضويئه اللي على شكل قلب المشكله مو هنا المشكله شفت زوجي يبلس ثوبه قلت وين قال بروح هو راح قلت يالله بيجي وبنكمل ليلتنا بعدها اتصل علي قال مااقدر انام وعيالي مو عندي قلت طيب هات ولدي الصغيربس وراح وجابه

وبعد مادخل عطاني الولد وعلى الطول للنت قلت الحين ليله رومنسيه وتروح للنت المهم جلس ساعتين على النت وبعدها قالي بهديك اغنيه انا من طبعي مااسمع الاغاني من شغلها قلت ايه اهديتها لك مره وكل نيتي مابي اسمع اغاني
زعل الرجال:mad: وطفاها وبعدها شفته يترجم رساله بالانقليزي قلت وش هالرساله قال اخوي مرسلها لي وترجمتها انا ماصدقته قلت بشوفها ويوم شفتها قلت يمكن هي قلب الرجال 280 درجه وقام يسب ويشتم :44:

سكت قلت في نفسي انا الغلطانه مو انه محذرني من اني اكذبه بس لازم يتحاشها عشان ليالتنا الموهم راح ينام ولا كأن صار شي المهم جلست ابكي بالصاله:icon33: انقهرررررررررررررررررررررت كل اللي سويته يروح كذا حتى الهديه اللي جايبتها له مااعطيتها له لاني مخططه اعطيه اياه بغرفة النوم الموهم طولت عليكم بس وربي انقهرت وعازمه اني بغير اسلوبي معه لانه مانفع معه الرومنسيات والدلع والجراءه قلت بصير جااااااااااااااافه معه الموهم ارسلت له رساله بالصباح رسالة عتاب و جاء وتاسف لي مه انه ماعمره قال انا اسف قلت خلاص مو زعلانه بس طبعي بيتغير

خواتي تكفووون اذا رايكم اصير معه جافه او ارجع زي اول خصوصا انه جرحني بهاليله ووش تفسرون حركته هاذي:(

امانه اللي ماعندها جواب تدعيلي انه يسخره لي ويراني اجمل النساء بعينه ولا يتزوج علي

وكل وحده ترد دعوه بظهر الغيب:26: