ليلــــــــة خميس(تنظيمي واعدادي لكشتة منزلية غير مخطط لها)

مناديل- قصدير - سفرتين وحدة للاكل ووحدة للتقطيع اكياس زباله الله يكرمكم ما احتجت عند زباله فوق





كلونيا نكاشات اسنان صابون

ما اقولكم ما ابغى انزل







سكر وشاي




حبق من فوق طازة:p



صحن للاكل مغرفة للمرق ملعقة للتقليب صحن ريومتي زبدية للسلطة ملاعق للاكل اختصرت للاخير عارفة ان وراي كرف




وكذا خلصت تجهيزات المطبخ

اعطيت الاوامر للحارس وطلع فرش جلالة التماشي خخخخخ وحط طراحات لزم التسدح بعد الاكل وتكايات ومخدات
وطلع التلفزيون من بيت الشعر عشان التمخمخ وخرج دراجة وحصان ريومة






وهاذي صورة خطافية لبيت الشعر الين ما اروق وانزل الصور في قسم الديكور



يتـــــــــــــــــــــــــبع

سويت القهوة وطبعا فغرت مع بنتي وابوها الين فارت وطشطشت بس معليش طلعت حلوة تقهوينا واكلنا تمر يميم







وجا وقت الطبخ

ما قصر ابو ريما سوى لنا ذيك الكبسة باللحم اللي فغمت فيها الين قرب يطلع من اذني يارب لك الحمد على افضالك

ولاحظت ان الرجال ما يحبون الخرابيط يعني لا صلصلة ولا ملح صيني ولا ماجي زي اكل زمان طعم اللحم وبس بس والله ربي يسلم يده طلعت طعمه

وعلى انغام صفارة القدر ودراجة ريما جلسنا نسولف :hahaha:







اللي يشتهي لا يستحي بسم الله



يتـــــــــــــــــــــــــــــبع

بعد العشا والفغم اللهم لك الحمد جا وقت الحبس بالشاي واحلى كاسة شاي بالحبق



وفصفص تضاربنا عليه مخلص:hahaha:



الا على الطاري وش معنى فصفص للشباب ههههههههههههههههههه عجزت افهمها يعني للشباب يبغاله قوة ضروس ما ينفع للشيبان ولا لهم فيها مأرب اخرى:pinklove: قوية احس

شبيت الفحم للشيخ ابو ريما





ما انسى فرشت قصدير تحت الدافور تحسبا للكوارث البيئية:35:

و الحين جا وقت التسدح والتلفزيون ما اقولكم عن الجو خيال يالله من فضلك هوا يرد الروح الله يقلع المكيفات كسرتنا وكسلتنا




وهاذي الاجواء




نافورتي ما ناقصها الا سمك ويكمل الجو لو عندي بالفريزر كان ما قصرت خخخخ










يتـــــــــــــــــــــــــــــــــبع

الطيارات والناموس اكثر شي ازعجني






بذمتكم ما يشبهني ولا اهم شي الاخلاق:hahaha:








ما يستفاد من الكشتة :biggthump


السعـــــــــــــــــــــــادة احنا نصنعها بغض النظر عن الظروف والاماكانيات

قليل من التنظيم راح يفرق معاك ويغير مسار الرحله

احتساب الاجر في التعب واحتساب اجر ادخال السرور لقلب اقرب الناس معاك راح ينسيك كل التعب


وبالاخير غسلوا اغراضكم اول باول عشان الحوسة


اللهم اني استودعك نفسي وزوجي وبنتي وما في رحمي وبيتي ومالي وصحتي وعافيتي واهلي وجميع من احببت فيك يا من لا تضيع ودائعة
اللهم اني اسألك حملا خفيفا وطلقا هينا سهلا وولدا ذكرا صالح معافى مشافى تام الخلق والخلقه من غير زيادة ولا نقصان

اللهم اغفر لي وارحمني واعفو عني وعافني وتجاوز عني وعاملني بلطفك ولا تعاملني بعملي
اللهم اصلح لي العمل والنية والذرية واجعلني مقيم الصلاة ومن ذريتي

اللهم آآآآآآآآمين

سبحانك اللهم وبحمد اشهد ان لا اله الا انت استغفرك واتوب اليك

ماشاء الله تبارك الله .. سطوحكم يفتح النفس ..


وتجهيزاتك ولا أروع .. والأحلى من هذا كله الكبسة يمي شهيتيني والله ...


الله يسعدكم ويهنيكم ..


اعذريني تلقفت ورديت قبل ماتكملين موضوعك بس والله من الحماس وأخاف أقفل الكمبيوتر ماشفت التكملة قلت لازم أرد ..