** ليله رومانسيه حالمة*** أفكار ( وبالصور ) *** لا يفوتكم !!...منقول

انا لست مهوسه هالشغلات وما تستهويني مره ....بس الموضوع بالمره اعجبني قلت انقله لكم يكمن يجوز لبعضكم ....

وما ابي منكم الا الدعاء بالرزق بالذريه الصالحه المعافاة....ودمتم ............
-------------------------------------------------------------------------------------------

أحمر × أحمر

في موضوعي هذا بستعرض أمامكم بعض الأفكار إللي
ممكن تقتبسونها يا حلوات...


بصراحة يوم شفت أختي صاجتني أبي أفكار جديدة أبي أسوي شيء جديد دوري لي بالنت ,
قلت خل أكسب في أشكالها من المبتلشات بيوم زواجهن ولا يدرون وش يسوون ..


الحين هي كملت سنتين من تزوجت .. في يوم زواجها الأول حجزت في الفيصلية سويت
ورحنا نجهز السويت للاحتفال لبست فيه فستان زواجها وجابت معها كذا لبس تغير فيه ..


ويوم قرب يوم زواجها الثاني بدينا نفكر وين ننطلهم فيه فندق وماتبي ..
فكرنا فكرنا ووصل بنا التفكير لـ شالية تخيل بس !

يوم قالت لي وش رايك بشاليه ؟
كعيت ضحك وهي وشو ؟؟
قلت والله لو أنكم مطرودين من بيتكم
تنحاشين ويا زوجك لشاليه عشان تطب عليكم الهيأة ويالله عاد احتفلو خلف القضبان


المهم بعد التفكير واليأس قررت تحطه ببيتها ..
والله البيت أررريح وأرتب كلش قدامك وعارفته وتقدرين تبدعين أكثر في الأفكار
وتحوسين زي ماتبين موب بالفندق تخافين تحرقين
الموكيت بشمعة ولا تخربين الجدار بلصاقات ..

..
المهم , كثرت هذرة مالها داعي نجي للمهم

أول شيء بتكلم لكم عن تجهيز نفسها هي /
سوت هاي لايت لشعرها وشالت شعر جسمها
وسوت حواجبها وسوت بودي كير وحطت لون المناكير وردي رايق.

ولبست فستان شيفون فوشي قصير له ربطة على الرقبة والصدر
درابية وعلى أطراف الدرابيه ترتر ذهبي .. حلو وناعم الفستان
شاريته من " مس سيلفردج "..
وسوت شعرها بالسترينر ( لييس يعني )
ومكياجها ناااعم حطت وردي ولمعة ذهبية
وبلاشر وروج وردي هذاك حق ماك
ولبست صندل ذهبي كعب عالي


نبدأ الحين في ترتيبات ..



الأشياء إللي شرتها /
1_ ريش أحمر .
2_ بالونات حمراء .
3_ قش لماع أحمر .
4_ قلوب حمراء كبار وصغار وقلوب بأعواد للكيك ( لاتفوتكم تلقونها بالدانوب في قسم الزينة ).
5_ طلبت كيكة من الدبلوماسي على شكل رقم 2 .
6_ شموع فضية " مثل حقت الفواحات ".
7_ورد جوري أحمر 20 وردة , وورد أبيض قرنفل 10 وردات.
8_ كاسين لونهم أحمر.
9_ لانجري خاص من نكتار.
10_ هدية لزوجها.


..

ببدأ لكم من أول المدخل لفوق " مع العلم إن بيتها دورين يعني بنستغل الدرج "
---
على باب المدخل زي ماتشوفون بالصورة أخذنا قلبين كبار وقلوب صغيرة وخيط أبيض ..
حطيت القلبين الكبار على نهاية الخيطين وبعدين بديت ألزق القلوب الصغيرة مابين القلبين .. ,
والقلب إللي على اليسار كتبنا عليه كلمة ( افتح ) بغينا نحط ادفع بس خفنا يحسب الباب لبقالة ولا صيدلية وينحاش الرجال ,
ولصقناهم على الباب يعني لين جاء يدخل يشيل القلب إللي عليه كلمة ( افتح) ويخش برجله اليمين.





--
هذي كلمة افتح عن قُرب ..



وهنا أول مايفتح باب المدخل يبدأ صف الشموع من المدخل للدرج ..
هذي بداية الشموع..



وهذي على الدرج .. ولفينا على ( الدربزين)
لفينا عليه شبفون أحمر على شكل فيونكة من الجهتين



وهذا تكمله الدرج بعد لأن درجها لفتين ..



أول مايخلص طلوع على الدرج يلقى قدامه كلمة ( أحبك )
كتبناها بالشموع الفضية والقلوب الحمراء الصغيرة ..

هنا قبل نولع الشموع ..


وهنا بعد ماولعناها ..



وهنا برضو على الدرج حطينا شموع صفيناها وتحتها لزقنا قلوب كبيرة شوي ..



يتبع ...............