إحنا زفة العروس 12 ونص أو 1 وتخلص 2 ويتعشون

الساعه 3 تقريبا ينتهي الزواج



سبحان الله وبحمده
سبحان الله العظيم
أستغفر الله العظيم وأتوب إليه

فعلا الزواج لما ينتهي بدري-احلى للمعاريس والمعازيم
ولكن الشئ الغريب جدا عندنا في السعودية فقط !
ان العروسة تدخل للزفة فقط!!!!!!!
يعني لاتحضر فرحها وتتهنى فيه ولاتشوف اي شئ يحسسها ان هذه ليلتها
فقط تدخل تنزف ويتفرجوا العالم وهب -خروووووج
ممكن ماتكمل النصف ساعه


بينما بدول العالم كلها تحضر تفاصيل الفرح من اوله لاخره--بالتفصيل الممل وترقص مع الكل وتشوفهم وتشوف ملابسهم ومباركتهم وفعاليات الزواج ---شئ غريب

عقبال مابناتنا الجيل الجديد --يبداوء بالفكرة الحلوة هذه

في احد ينزف قبل الفجر للحين. ..... احس خلاص بطلوها

احنا العروس تنزف الساعه 12 ونص

في وحده من جماعتنا مستحييييل تحضر الزواج بدري حتى لو الزواج يخصها تتأخر
يعني تحضر قبل الزفه بنص ساعه مثلا وتجي كااااااااااااااااشخه مكياج وتسريحه
وترقص
ومره جلست معنا بنفس الطاوله وسوالف معنا
وبما ان محدثتكم الكريمة اللي هي انا ملقوووووفه لآخر درجه قررت اسألها ليش تتأخر

قلت لها بسألك عن شي بس تكفين لا تزعلين مني بس ابي اعرف انتي ليش دائماً متأخرة
بالزواجات
قامت تضحك وقالت مدري بس أحس ان الحضور الساعه عشره بدررررري مرررره
قلت لها طيب آخر سؤال نفسي اعرف وقت العصر والمغرب تكونين مشغوله مثلنا تجهزين
حالك ولا قاعده ولا أيش بالضبط
وضحكت ذيك الضحكة لين نزلت دمووووووووووعها من الضحك وقالت لا انا أروح المشغل
الساعه سبعه او ثمانيه

شدعوووووووووووووه احد يسوي مكياج وتسريحه الساعه ثمانيه !!!

المهم حضرنا زواج قرايبنا وتفاجأت فيها جات من وراي وقالت لي مفااااااجأه
خخخخخخخخخخخخخخخخ
طالعتها واطلعت ساعتي لقيتها ثمانيه ونص خخخخخخخخخخخخخخخخخخ
قالت انا من الظهر باالمشغل خلااااااااص كلامك صح

إحنا زفتنا بعد صلاة العشاء مبااااشره
يعني الكل يخلص صلاته والعروس تخلص صلاتها وتتجهز للزفه ويكملو حفلتهم للساعه 12 أو 1 أو 2 آخر حد والغالب العروس ياخذها عريسها قبل 2 والناس يروحو لبيوتهم ينامو ويرتاحون ويقدرون يصحون لصلاة الفجر
والعروسه والعريس يمديهم يقعدو مع بعض ويتعشو وينبسطو كل هذا قبل الفجر عشان يمديهم يصلو الفجر وعلى طول يحطوها نومه ليين الظهر ..
كذا أحلى شي والله ..