هو انا لحالي؟؟ @ho_ana_lhaly

عضوة نشيطة

لين متى ؟؟؟

بسم الله الرحمن الرحيم
مساء الخيرآآآت
كيفكم وشخباركم
يا احلا خوات بالدنيا كلهآآآآآآآآآآآآآآآآآآآآآآآآآآآآآآآآآآ
والله لو تعرفون قد ايه ونستوني وفرحتوني ماتصدقون وبعض الاحيان تحزني مواضعكم انتو تحسون انه شي عادي كتبتي موضوع او ردتي وتنسين الي كتبتيه
لكن بعدك يقراه الاف الي تستفيد وتدعيلك والي يريحها كلامك والي تلفتين انتباهها لشي مهم تكون نسيته
جزاكم الله خير الجزاء
موضوعي اليوم حبيت افضفضلكم شوي وبوصيكم بوصيه مايحس بقيمتها الا الي فاقدها
انا ياحبيباتي اكره عطله الاسبوع الي الناس كلها تستناها على احر من جمر والسبب اني اقضيها لحالي سوا جلست في البيت او طلعت واتمشيت اطلع لحالي والله ما احس لها اي طعم طبعا مو لحالي لحالي انا وامي وابويه الله يخليهم لي ولا يحرمني منهم ويعطيهم الصحه والعافيه ويطول بعمارهم لاني وحيدتهم البنت الوحيده وعندي اخوان بس
كلكم عارفين العيال مايخرجون مع اهلهم طبعا يروحون مع اصحابهم وديوانيات الله يحفظهم ويسعدهم
بتقولون احمدي ربك امك وابوك معاك صح بس تعرفون الكبار لارحنا ملاهي يروحون عشاني بس اكيد مايلعبون وانا كني أأدي واجب مو العب ههههههه وما يحبون الصجه كثير ونرجع بدري وانا والله الي ارجعهم اطفش لحالي
بتقولون وين قرايبي وصحباتي
عندي الحمدلله صحبات وزي العسل والله لايحرمني منهم وانا اجتماعيه الحمدلله واحب الجمعات والسوالف وسواليفي ما تنمل على قولتهم بس مشغولين مع اهلهم وقرايبهم
وقرايبنا وهذا الي محزني ماعندي الا خال واحد وفي مدينه ثانيه ولاهي بالدنيا وما اشوفهم الا في الاعياد
وماعندي خالات
واهل ابويه عندي عمات وعمان بس علاقتنا بهم شبه مقطوعه مو عداوه لا قدر الله بس مشاغل الدنيا هم لاهين مع عيالهم ومانشوفهم الا في السنه حسنه
وانتو شايفين كيف الناس صارت والله جيرانك ماتعرفينهم
وعلى طاري الجيران مافي علاقات مررررررررررره
يعني عايشين لحالنا وانا اجتماعيه ما احب اجلس لحالي والله حتى اكلي ما احب اكل لحالي تنسد نفسي
يوم احكي صديقاتي يقولون يابختك هدوء وراحه احنا اخواتي من عصر الاربعاء يطبون علينا ويرجونا
سبحان الله محد راضي بحياته
بس قالوها جنه من غير ناس ماتنداس وعن تجربه
من صغري وانا اتمنى ان عندي اخوات كبار ومتزوجات واخوان متزوجين نتجمع
دايمن اتمنى يكون عندي خالات وعمات نتجمع ونتمشى مع بعض
هو المكان الي احبه الجامعه القى صحباتي القى ناس واسولف واضحك واكل وانبسط والله ما دوي ارجع منها
ماشاء الله صحباتي يحكوني امس تجمعنا عند بنت خالتي والي تقول رحنا عند عمتي والي تجهز لزواج خالتها الله يسعدهم يارب والي تقول بنت عمي جابت حلا روعه
دايمن اشتهى حلا او اقرى حلا هنا في المنتدى بس اتكاسل اسويه اقول اسوي لمين الله يخلي الجالكسي والتوكس
دايمن اقول لأمي ان شاء الله اتزوج واحد عنده اخوات وعمات وخالات مع بعض ونفوسهم طيبه تقول عز الله بينس انه متزوج :42:
اغلب اوقاتي جالسه هنا بالمنتدى الي اكثر من رائع وعضواته زي العسل
اقرا قصصكم وسواليفكم وكثير منكم الي تشتكي من اختها والي متزاعله مع بنات عمها والي مقاطعين بنات خالها
والله والله انكم مفرحين الشيطان عليكم :30: وقدر ينتصر عليكم
اول شي قطعتوا رحمكم وغضبتوا ربكم وكلنا نعرف فضل صله الرحم طول في العمر وبسطه في الررزق
ثاني شي كلنا نعرف ان الي متخاصمين اكثر من 3 ايام لاترفع اعمالهم
ليه تعرضين نفسك لكل ذا وانتي في غنا عنه
والدنيا والله ماتسوى كلها ايام وتنتهي
ولاتقولون الاقارب عقارب انتو الي خليتوها كذا
لو كل وحده حبت لاختها وبنت خالتها وبنت عمتها الي تحبه لنفسها وحبتلها الخير كان بيكونون الاقارب عقارب
البشر هم بنفوسهم الشريره متعبين نفسهم
بالعكس الانسان بطبعه يحتاج للناس واتحدى اي وحده تقول اقدر اعيش لحالي كل واحد محتاج لمساعده لو معنويه ومافي زي قرايبك وعزوتك هما الي بيحسون بيك
استغرب كثير من الي مقاطعه اختها
اختك من دمك ولحمك كيف يجيكي نوم وتتهنين باللقمه وانتي منتي داريه عنها حيه ولا ميته مريضه ولا مرتاحه
ليت عندي اخت اشيلها من الارض شيل
ليش كل الحقد والحسد والكراهيه في قلوب الناس كل الي صايرلنا من امراض واوبئه وعدم نزول المطر كله من ذنوبنا
شوفوا الدنيا زمان يوم كانوا الناس بخير كان الواحد يقسم اللقمه بينه وبين جاره مو قريبه كان ربي يرزقهم ويعطيهم على قد نياتهم
كان اكلهم وفلوسهم فيها بركه
شوفوا حالنا ذحين :icon36::icon36:
احنا بيدنا نغير الوضع لاتقولون هم الي غلطوا قال صلى الله عليه وسلم (خيركم من يبدأ بالسلام )
كل وحده مزاعله صديقتها اختها قريبتها تسوي صينيه حلا وقهوه وتروح تزورها وتعتذر منها حتى لو هي الغلطانه حتى لو ما استقبلتكي تكونين سويتي الي عليكي وان شاء الله رضيتي ربك قبل كل شي ويكون ماعليك شي ان شاء الله
محد ضامن عمره ولو كانت بعيده ارسليلها رساله او كلميها .
خلاص :o كافي حقد وكراهيه وحسد نبا نعيش بسلام وحب وصفاء
تحياتي

يلزم عليك تسجيل الدخول أولًا لكتابة تعليق.

تسجيل دخول

nuhaa • 15 سنة

هلابك حبيبتي
والله يخليك امك وابوك وكل اهلك وصديقاتك اللي يعزونك
اجل انا وش اقول مغتربه وماعندي الا زوجي وبنوتي الزعنونه لااب ولا ام ولا اخوه
وبنهايه الاسبوع مااحب امنع زوجي من الطلع خليه ينبسط مع اصحاااااابه
الله يعين هذه حااااال الدنيا محد مرتاح

هو انا لحالي؟؟ • 15 سنة

nuhaa :

هلابك حبيبتي والله يخليك امك وابوك وكل اهلك وصديقاتك اللي يعزونك اجل انا وش اقول مغتربه وماعندي الا زوجي وبنوتي الزعنونه لااب ولا ام ولا اخوه وبنهايه الاسبوع مااحب امنع زوجي من الطلع خليه ينبسط مع اصحاااااابه الله يعين هذه حااااال الدنيا محد مرتاح

هلابك حبيبتي والله يخليك امك وابوك وكل اهلك وصديقاتك اللي يعزونك اجل انا وش اقول مغتربه...

امين
الله يسعدك ويخليلك بنوتتك وزوجك وكل غالي
والله يرجعك لاهلك واحبابك

الليدي2007 • 15 سنة

ياحليلج وماشاء الله عليج دخلتينا بمواضيع كثيرهـ
<<< بالنسبه للخوات تراهم يغثون بعض الاحيان مو كل اخت اخت
الله يرزقج بالزواج الصالح الي عنده عمات وخالات وحموله كبييييره وتستانسين معاهم والله يسعدج ويوفقج دنيا وآخره...

هو انا لحالي؟؟ • 15 سنة

الليدي2007 :

ياحليلج وماشاء الله عليج دخلتينا بمواضيع كثيرهـ <<< بالنسبه للخوات تراهم يغثون بعض الاحيان مو كل اخت اخت الله يرزقج بالزواج الصالح الي عنده عمات وخالات وحموله كبييييره وتستانسين معاهم والله يسعدج ويوفقج دنيا وآخره...

ياحليلج وماشاء الله عليج دخلتينا بمواضيع كثيرهـ <<< بالنسبه للخوات تراهم يغثون بعض...

ويسعدك ياقلبي

كشكوشه هانم • 15 سنة

ماشاءالله علييييييك ( والله اقرى كلامك وانا مبتسمه)

مو ابتسامة سخريه لا والله العظيم ..

ابتسامة اعجاب فيك وفي تفكيرك الراقي والعاقل والراكز الله يحفظك ويكمل لك بعقلك..

حبيبتي..

دوام الحال من المحال الا مايجي يوم وتتزوجي وتعيشي حياه ثانيه ومختلفه عن حياتك اللحين ..

وطالما عندك اوقات فراغ فهذا شئ حلو لازم تستغليه.. انتي الآن قريب بتتزوجي روحي ادخلي المطبخ معليش لاتقولي اسوي لمين.. لاتقولي كذا.. ادخلي المطبخ وتعلمي والله بتندمي اذا ماتعلمتي من بدري << واسأليني انا :(

نصيحه من اخت سوي طبخات ابدعي في المطبخ..

اذا عندك ميول ثانيه سويها.. والله فرصتك..

اقولك على حاجه مضحكه انا كنت زيك عندي وقت فراغ كبير ولااستفيد منه ووقتي كله طفش..احيانا اقطع شعري من الملل!

اللحين بعد مااتزوجت وجبت عيال صرت ادور وقت فراغ بس عشان اطالع وجهي في المرايا ولا على الأقل استشور شعري واقول آآه بس ياحلو العزوبيه خخخخخخخخخخ

فا انتي استغلي وقتك نصيحه الله يوفقك في دراستك ويرزقك بزوج الصالح يارب :)