يا عمري انتي ،، اللي الناس ما تعرفه عن البنات اللي تاخروا بالزواج انهم طموحات يعني عنده متطلبات معينة بالزوج اللي يحققها لجميع البنات اللي يدوروا عليها ،، يعني احنا لو كان طموحنا بسيط كان اولادنا بالمدرسة ،،، انتي قيسي الكلام هذا ع نفسك وع البنات اللي تعرفيهم حواليكي وشوفي كلامي صح ولا انا غلطانة ،،، والله غالبية البنات اللي تاخر زواجهم مثلنا مش لعيب فيه يا ناااااس بس احنا طموحااااات ،، ندور ع رجال مثلنا بنفس المستوى الفكري عشان نضمن التواصل في المراحل الحرجة من الزواج الالتقاء في الخطوط العريضة للحياة بمعنى انه لازم يكون عندنا مبادئ مشتركة اهتمامات مشتركة اهداف مشتركة ،،، ترا بعد 40 سنة زواج ما فيه لا حب ولا رومانسية ولاجنس ولابطيخ ما فيه الا شخص تعرفي تتخاطبي مع فكره لانكم بعد العمر هذا ما فيه شئ راح تعملوه غير الكلام ،،

اختي الحبيبة ... كلامج فيه نوع من الصحة ...
بس مو اغلبية البنات تاخر زواجهم بسبب شروطهم ...

اعرف وحدة عمرها 21 سنة .. تقدم لها واحد عمره 19 سنة
ويدرس بدولة اجنبية ...
هل توافق عليه ؟؟؟
هي ما وافقت .....

واذا تقدم لوحدة عمرها 20 سنة ... واحد متزوج وعنده عيال ...
هل توافق عليه ؟؟
انا ما اوافق الصراحة

اعرف وحدة تقدم لها شخص .... مثل ما تتمنى .... فيه كل المواصفات
لما وافقت عليه .... هو غير رايه وقال ( مابي عيمية " عجمية " )
كنت اعتقد ان هالتعصب اختفى !!!
بس مازال موجود

آباء وايد ما يرضون يزوجون بناتهم علشان :
1- الاب قاعد ياخذ معاش بنته !!!
2- لازم من قبيله معينه ... ومعاشه فوق الـ **** و يسكنها في بيت بروحها و بالمنطقة الفلانية !!!

انصدمت من احد حلقات الشيخ نبيل العوضي على قناة الراي برنامج ساعه صراحة
يقول
ايميلات كثيرة توصل له ... بنات يبكون ... يرجونه يخطب في مسجد منطقتهم بيوم الجمعة عن الزواج
لان آباؤهم مو راضين يزوجونهم !!!

الصراحة ...
احب ادعي ربي ... يرزقني و يرزق كل بنت زوج صالح وذرية صالحة
مولازم دكتور او مهندس او محامي
مولازم واحد معاشه قوي
مولازم اسمر وعريض والا ابيض وطويل
مولازم سيارته كشخة ....

بس اعيد واكرر واقول ... كلامج فيه نوع من الصحة
وحدة تحت الثلاثين بشوية ... تقدم لها شخص
رفضته .... ! ( لسبب ما اقدر اقوله .. اخاف ان البنت تدخل المنتدى و تزعل اذا شافتني كتبت عنها )
بس والله السبب ما يستاهل ابد
نصحتها انها تصلي استخارة ... واذا ارتاحت له توافق

في بعض البنات يرفعون الضغط بطلباتهم
وفي بنات ... يرمون نفسهم عند اول من يدق الباب .... حتى لو كان ما يستاهل
بالنسبة لي .... اظل في بيت اهلي اكرم لي من اني ارجع لبيت اهلي مع طفل و تجربة فاشله

اتمنى تتقبلين كلامي بصدر رحب .... وتدعين لنا بالغيب ..... :):)

و اعتذر اذا كلامي ضايق اي احد
هي وجهة نظر ...
اتمنى محد يزعل مني :):)

تحياتي

ماادري وش اقول اختلطت الدمعة بالضحكه قولي امين وبعد امين
ياحي ياقيوم اسالك باسمك العظيم ان يرزقك الزوج الصالح الذي يكون لكي فيه العوض والسعاده انتي وكل من تتمناه ويجعله عاجل غير اجل وتبشريني فيك قريب ان شاء الله

اهلين وسهليييييين

*المنتـــهى*

اهلين يالمنتهى

علميني على هالطريقه ولك مني كل الشكر



مزااجيه

اهلين ياعيوني

الله يناولك اللي في بالك زيصلح لك حالك

شكرا على مرورك الطيب



FarForaH

احترم وجهه نظرك

كلامك واقعي جدا بس لو جيتي لا ساس الموضع تراه نصيب وبس

مشكوره لمرورك والله يعيطك العافيه


noonoo 22

مرسييييييييييييييييييييي يا نونتي على كلامك الذوق

الله يعيطك العافيه

مشكوره لمرورك الطيب


Najluna

احترم وجهه نظرك ولك الحق في كل كلمه قلتيها

و ردي الموضوع مايتعدى النصيب

مشكوره لمرورك والله يعطيك العافيه


شيهانة الفهد

الله يسعد قلبك ويجعلك في سعادة ورضا

مشكوره على مرورك

والله يعطيك العااااااافيه