ليه احنا مو زيهم؟؟؟ ليــــــــــــــــــــــــــــ ـــــه

كيفكم ياحوائيات

اولا انا ماكتبت هذا الموضوع الا عشان نحسن اوضاعنا مع رجالنا ونشوف وين المشكلة ونحلها
يعني ماادور المشاكل ولا اسبب فتن

المهم..هذا يااخواتي في ليلة رومنسية من ليالي الشتاء زوجي فجأة
كب العشاء وليته ماكبه
طبعا تعرفون انا ماسكة اعصابي والابتسامة شاقة وجهي :42:عشان يطلع كل اللي عنده
والا الله العالم باللي فيني

قال لي اصحابي اللي يسافرون (دولة عربية معينة) والفلبين يقولون المره هناك تعاملك على انك انت
عـــــــــــــــــــــــــــالـــــــــــــمـــــــــــــــــــــهـــــــــــــــــــــــا

انت وبس محور حياتها
من ادخل البيت وهي طاقة الزين تستقبلني بحرارة تشيل ملابسي تأكلني تشربني تنومني
اصحى القاها كاشخة ومجهزة لي احلى جلسة وسعة صدر
تمسج رجولي وتحممني وتدلعني تعيشني بنعيم
اذا ضحكت طارت من الفرحة واذا زعلت شوي وتنتحر
ولما نطلع السوق(خاصة الفلبينية) اجلس اترجاها تشتري تقول ماااااابي ماتفهم مااحتاج:blink:
اغصبها تاخذ اي شي ماترضى
نروح مطاعم ماتاكل>>حسيته يدق علي:27:
اذا رفعت صوتي والا زعلت مالقى الا دموعها بدون صوت وصراخ>> كنها أنا:30:
اهلها تنساااهم ماتكلمهم الا نادر انت ابوها وعمها وامها انت كل اهلها
يقول لما خلاص اجهز نفسي برجع لديرتي تموووووووت بكى وتنهار
تتمسك بثيابي وتتعلق برقبتي
تبيني اجلس لو يوم زيادة

طبعا انا بكل هدوء ومازالت الابتسامة مرسومة بس انيابي طلعت غصب عني قلت له:
شي طبيعي لانه اولا اذا طول جلس عندها شهر شهرين فماصار فيه وقت يغثها وتطلع بلاويه عليها
وثانيا هي اكيد بتسوى كذا عشان تضمن يتزوجها او عالاقل يرجع لها بما انه هذا مصدر دخلها الله لايبلانا
قال : هذي زوووووجته ومتزوجها وجالس عندها كم سنه هناك واكثر من واحد قالوا هالكلام

طبعا انا غيرت السالفة لاني حسيت زوجي دخل جو وماوده يسكت!!!!
بنات اول مره احس ان زوجي غيران ونفسه يعيش هالتجربة:06:


شرايكم بنات؟؟!!!
الصراحة احنا مو كذا ابدااا لاتقولون كل وحده تتكلم عن نفسها لاااا
احنا كلنا مو كذا,,بالله لو جتك عزيمة وقال اجلسي ابيك تجلسين؟؟
لو صارخ عليك ومعك حق تسكتين؟
مادري ليه مانعرف ندلل؟! يمكن نسوي هالحركات يوم يومين اسبوع بعدين ننشغل ونطنشهم
ماعندنا كلام حلو ...اجواء حلوة ...مانلبس ونكشخ زي مانلبس اذا جينا نطلع
مادري احس اننا مقصرين مرره
مع العلم انهم حلاااالنا
ليش بنات الحرام أجرأ منا وهم عارفين انه حرام
و احنا كمسلمين مأجورات على تعبنا لارضاء ازواجنا
ورضاهم طريق للجنة

مادري ليه مانسوي مثلهم
ليه مانعيش ونعيش ازواجنا هالحياة الحلوة؟؟!!

انا يابنات ماقول انسي نفسك لا بالعكس لما تعطينه راح تستمتعين
وهو بالمقابل راح يعطيك ويبسطك
ومايمنع تكوني امرأة عاملة او اجتماعية ولك علاقاتك وصداقاتك
لكن الوقت اللي تكونين معه كوني كـــــــــــــلك له اعطيه حقهوزيادة


دعوة لكل وحده وانا اولكم..نستعيد انوثتنا ونستعيد رجولة رجالنا ونستمتع بحلالنا..

ودعوة للنقاش الصريح الجاد الخالي من اي تجريح
المايك لكم