ليه استاهل منك تجازيني كذا
لاول مره احترت ولا اعرف وين احط مشكلتي تعودت اشتكي له اصغر همومي بس مادري ليه سوى كذا معاي اخواتي مراح اطول معاكم ابي تنصحوني وش اسوي جد مليت تعبت من امس لا اكل ولا نوم ولا راحه تزوجته ماكنت احبه ولكن حبه جاء بالعشره حبيته لو اقولكم اكثر من نفسي ماتصدقون المشكله بدت امس من ربعه الله لايوفقهم الله يشتتهم يارب ووريني فيهم عجايب قدرتك يارب امانه كل من تشوف موضوعي تدعي على ربع زوجي لابارك الله فيهم السالفه ومافيها امس طالع الاخ مع ربعه وبحكم انه مو عندي عادي روح اطلع الادمي مريض وهم ساحبينه وياهم قلت اوكيه مو مشكله فجاء انقفل جواله لمده ثلاث ساعات بلا سبب جد نشف دمي واشتغلت الغيره والخوف عليه الموهم بعدين اشتغل الجوال وينك يابن الحلال طفى جوالي قلت مافي شاحن يعني قلي رحت اخر الدنيا اجيب شاحن قلت اقول ابرك لك خلص من ربعك لارجعت البيت نتفاهم ازين وماشالله ماخلا ولا بقى علي انتي ماتقدري انتي ماتفهمي وتخيلوا وش قالي انتي وصخه ونيتك وصخه فيني وانتي زباله معقوله والمصيبه ربعه يضحكون تخيلوا طيب ليش بلا سبب وربي بغيت اموت بكى وقهر ليه يالغالي ليه قلي اسكتي بلا افلام انا تعبت انا مليت انا مو فاضي لك ولا لاشكالك اصلا انا ماعدت ابيك انقلعي من حياتي والله هذا اللي قاله قلت انت هدي بالك وغير الرسائل الغريبه وقفل جواله ورجع شغله قلي انتي ماعمرك ترفعيني انا اهنتيني انتي وانتي وانتي افلام ومسلسلات وكلام كثير ماينقال جد وفوقها وانا اعتذر واترجاه وش قلي تخيلوا قلي وش رايك اجيبك عند ربعي انا هنا ماتحملت تعرفون وش الانهيار العصبي صرت مثل المجنونه وقلت اكيد مو صاحي قلي بس كذا ترد كرامتي باللهي هذا صاحي يقول كذا لزوجته ماقدر اقول لاحد اللي صار لان الموضوع بيكبر احبه وكرهته ولا اعرف نهايه العشره قلي انا بتعرف عليى غيرك انتي طويله لسان شوفوا انا اعترف لساني طويل بس وقت الحق ما اخاف وهذي مشكلتي قلي انتي فاشله وانتي وانتي وانا وراي مستقبل وانتي ماتلزميني ابد وكلام احس اني اموت لو قلته قلت انا بطلع اروح المستشفى انهرت واول مره اشوف دموعي دم والله اكتب وانا اتلمس حروفي نظري ضعف منه قلت تعال انت وديني قلي انخمدي موتي مو جاي احسن لانك تراب وماتهميني وانتي بزره ويامن شره من حلاله عله وتلفظ علي بابشع الالفاظ وانتي قفلي بوجهي وانا انهيك بدقيقه ذكرته برسايل عن العشره واللي بننا قلي ماتهم مابيها لاول مره اقولكم اترجاه ولاول مره اطلب منه بحب الرجول مايتركني ليه ابي افهم ليش واخرها قالي تشوفين والله اشلون اهينك قدام الله وخلقه قلت وش سويت قلي بتشوفين ولين الصباح امس جاي يقولي اسمعي اصلن من كلام ربعي يقولون انا مدلعك وانتي هاينتتني قلت ليه يقولون كذا قال يقولون رابطتني مثل الخروف الله واكبر خرووف لاني اخذت من واحد وركض جيت ابي اطمنك ماعرفت اقعد معاهم رغم اني عمري ماقلت له اجلس عندي غصب او كلمني غصب بس من جد مرات اتنرفز منه لانهم مهم كفو رجال وهو عارف بس يقول هذولا ربعي من حنا صغار وسكت مابي اتدخل عنك هو اللي بالحاله اجل اجل لو محنا متزوجين وش صار اجل قلت اوكيه انا عصبت وصارخت بس زاد وغطى حالهم اوكيه عليك غلطانه تعال نتفاهم كم يوم قلي تبطين عظم تخسين اجيك وشوي رسل رساله هذا نصها((هنتي نفسك واهنتيني حبيت اوصل لك الفكره اذا اغلى شي بخليك تفقدينه في لحظه عنجهيه وشلون لا اهنتيني قدام ربعي وما حشمتيني ورضيتيها علي ماتبيني ارضاها عليك افهمي معنى كلامي زين وبتندمين)) وقلي قلي انا بكره جاي خلاص نامي واشربي علاج وارتاحي انتهى الموضوع وانا احبك ومستحيل اتركك ... ولا ابدلك بس انتي تعبتيني جننتيني جننتك بايش يازوجي ياحبيبي انت من طلباتي من خروجي من ايش بالضبط تعبت جد بيجيني انهيار منه قبل كم يوم اختي لانه مايطيق اختي ولا هي تطيقه هي ماتطيق تصرفاته ولا هو يطيق تصرفاتها قالت لي والله لاتطلقين من زوجك وتشوفين اصلا انتي ماتحبيه وهو بيرميك وتشوفين تبون الصدق زوجي مو غيور شوي فيه اذا على المستوى هو متكافين ماحد احسن من احد وانا ابي اكمل الكليه وتركتها لانه قلي ماابي احد يدفع الاقصاد الا انا اهلك مالهم شغل ولا تطلعي ولا تروحي زواجات ممنوع الحمد لله انا جميله تخيلوا ممنوع تطلعي تروحي تجي تلبسي بدون ما انا اكون موجود وناشب لي عالتلفون اربع وعشرين ساعه وياولي لو نمت وخليته ولا اذا دق وما رديت وقبليوم من هالسالفه الاخ حاقد لاني نمت وهو تعبان بالمستشفى جاته كتمه والله يابنات نمت لاني بومت من الم الدوره اخذت مسكن من قوه الالم وانتوا عارفين لاجات وشو تسوي في الوحده وهو شافني بعينه انه تبهذلني بس مو مقتنع يقولي مو عذر وغير كلام ومواقف صارت منه تقولوا وشلون تعرفين انه يحبك لين يكون معاي مايسوي ابد هالحركات العكس تماما حنون وطيب ولا يرضى علي اسكت وبخاطري شي وانا والله مراعيته لاني اخاف ربي ترا بس يبعد تجيه الحاله ذي وخاصه مع ربعه اللي اصحاب علاقات وكلام فاضي اللي بمصر واللي مع بنات خلق الله داير شككوه فيني حسبي الله عليهم وترا قبل كذا مد يده علي لاتهاوشنا يقولي انتي ماتسكتين الا اذا ضربتك ماكان كذا والله ماكان كذا دلوني وشلون اتصرف معه تعبت نفسيا خلاص وحاسه اني على حافه الانهيار ليتني ماتزوجتك ليتني مت ولا حبيتك لاتقولوا روحي لاهلك اهلي يالله نفسي نفسي وانا اكبر اخواني والباقي صغار كلهم ومستحيل اروح لاهله مو ناقصه يلعبون فيني وفيه رغم انهم ناس طيبين دلوني وش الحل والله بجن بموت كلامي ملخبط لكن عمري كله تلخبط حسبي الله على من كان السبب منه عمري 23 وزوجي نفس الشي والسبب اللي يخلينا نبتعد عن بعض انه ظروفه من جد تعبانه بس مشاريع الاسهم وشغله اجبره واهله مو راضين نسكن عندهم ابد ولا هو راضي يستاجر اقل شي غرفه تلمنا مؤقت يقول يا افرش بيت يا تصبرين وغير كذا مافي ماسال ربي الا الثبات بعقلي بس
21
5K
يلزم عليك تسجيل الدخول أولًا لكتابة تعليق.
اهون عليك يسلمك ربي ويحفظك من كل شر استغفر ربي واملي بالله قوي
kweenيعطيك العافيه والله يجعل من دعوتك لي نصيب والله يستر على عقلي
نهايه حلم ؟؟؟؟؟؟؟؟؟؟؟ جد لاتعليق
kweenيعطيك العافيه والله يجعل من دعوتك لي نصيب والله يستر على عقلي
نهايه حلم ؟؟؟؟؟؟؟؟؟؟؟ جد لاتعليق
كلامه كبير جدا الله يهديه
لكن رسالته غريبه ،، بس واضح انه قالك كذا عشان يتميلح قدام ربعه للاسف ،، يظن انها قوه قدامهم مايدري انهم يضحكون عليه
ما ادري وش اقولك ،،، غير
الله يصبرك ويكون بعونك
لكن رسالته غريبه ،، بس واضح انه قالك كذا عشان يتميلح قدام ربعه للاسف ،، يظن انها قوه قدامهم مايدري انهم يضحكون عليه
ما ادري وش اقولك ،،، غير
الله يصبرك ويكون بعونك
الصفحة الأخيرة
استغفري استغفري اتسغفري <<ترى الاستغفار سلااااااااااااااااااااااح