ليه البنات مايجيبون سيرتي لاخوانهم عشاني يخطبوني

سلام خواتي وحبيبات قلبي
انا واختي مطلقات بس الفرق انا عمري 42 ومعي 3 اطفال واخذه حضانتهم والحمدلله موظفه ومقتنعه من طلاقي يعني باب الزواج سكرته نهائي من حياتي
بس اختي مطلقه عمرها 30 تطلقت من سوء معاملته هو عكس طليقي غير مدمن لكن مريض نفسي واكتشفت انه كان يتعالج يمستشفيات نفسيه وتطلقت وهي مقتنعه بالعكس سجدت شكر
اللحين هي تفكر بالرجال كثيييير يعني فيه من جماعتنا كثير مطلقين دايما تقول ليه مايتقدمون لي انا انسب وحده لهم انا مامعي اطفال وش ينقصني بس اتعبها التفكير
قلت لها المطلق اصلا مايفكر بفلانه وعلانه او يسال عن فلانه هي تناسبني او لا !
اذ بيخطب يقول شوفوا لي وحده تناسبني حتى من الكبر مايذكر اسمها
تقول ليه كل اللي جوني بعد الطلاق من برا قبيلتي مرره متضايقه ان ماحد يذكرها قدام اخوانها
هي متشتته وتخرفن مع الاطفال تقول امنيتي اكون بيت والله مارجع اتطلق
عاد قلت لها ترى كل الناس كذا يمكن لان اخواني كذا احس كلن مثلنا
انتم بمجتمعكم اخوانكم المطلقين عادي تهرجون بالبنات قدامهم و يعرفون فلانه وعلانه ووش وضعها يعني من ربعكم ولا ماتتكلمون فيهم قدام اخوانكم وتحسونه عيب ؟!