ليه الحريم يسوون حركات للي ماتزوجو

السلام عليكم ورحمته وبركاته

ليييه الحريم يسوون حركات في اللي ماتزوجت

مثلا نكون في عزومه كبيره وفي ناس كثير وتقول فلانه مع العلم انها تكون بعيده عني في المجلس

وبيني وبينها حريم كثير

واجي انا اقول سمي ووجهي كله ابتسامه والكل يطالع لأنها تناديني بصوت عالي وينظرو وش تقولي

وفجأه الا تقول




أخوي نبي نخطب له

بس صراحه على كثر البنات مااعجبنا الا ساره بنت عمتي

وتناظر وهي وجهها كله خبث يعني تبي تفشلني قدام الحريم

تبي الكل يشوفني


آه يالقهر



طيب ليش تقولي انا الكلام ليييش ماعمت الكلام للجميع



طبعا والحريم يناظرونها


يعني انتي مااعجبتينا انا ماهمني بس ليش تقوله قدام الناس فشلتني:44:



وفي موقف ثاني ووقت ثاني تقول الي نيتهم زينه سبحان الله يتزوجو والي نيتهم شينه ربي يعاقبهم

وطبعا نظراتها فيها استهزاء بحركات العين واليد والفم


هذا من غير الي يذم فيك عند الحريم الي عندهم عيال عشان يبونهم ياخذون عيالهم


وسبحان الله انا عارفه ان ربي عارف كل شيء


بس سبحانه الله متوفقين في حياتهم وكل يوم يتمادون



طبعا فيه حركات كثيره من غير الي يعايرك في شيء فيك ويقولون مانبيها

وفيه ناس كان بيخطبوني وراحو سوو مشاكل ووقالو ماتناسبلكم وووو

بعد شهر الا مااخذينه لبنتهم والحين بنتهم ترغد في نعيم وسعه وبنات وعيال 4

وزوج حليو عندها .وانا مكانك سر

وش اسوي:44: