لن أنكسر @ln_anksr

عضوة

ليه الرجال يطمعون في المطلقه ويحسبونها رخيصه والحريم يتطاولون عليها؟

السلام عليكم ........بنات أنا توني جديده في المنتدى بس بصراحه أنا كنت من زمان متابعه مواضيع هالمنتدى وحبيت اليوم أفضفض شويه .....بنات أنا مطلقه وعندي ولد(أقصد كان عندي )لأنو طليقي خذاه مني من أول ماولدته تقريبا وصار عمره سنه وشوي (حسبي الله ونعم الوكيل فيه)وأنا من ذاك اليوم ما شفته نفسي أشوفه بس ما في أحد مساعدني ولا واقف جنبي ........... لا وفوق ذا كله الناس زايده همي وناس قريبه والله يجلسون بناتهم يحسروني اللي تتكلم عن زوجها واللي عن عيالها واللي تكلمني عن أي شب كان متقدملي من قبل ويجلسون يقولون تزوج وعاش مع زوجته أحسن حياة .....لا ويوم يتقدملي أحد أبغى أتمم طليقي يخرب الموضوع :44:هوا وأهله وصديقاتي المتزوجات خلاص قاطعوني (لأن مجتمعاتنا متخلفه دايما يخافون من المطلقه لا تاخذ أزواجهم)وحده من أعز صديقاتي بعد ما تطلقت بفتره حسيتها متغيره بعد فتره دريت من أخوي ان زوجها طلبني وأنا والله ما قد شفته عمري ولا أعرف وجهه لا كن يوم سمع انه تطلقت ما أدري وش صار فيه الرجال إنهبل وصار يبغى يتزوج ومن ذاك اليوم خلاص قاطعتني وربي يعلم معزتها في قلبي لليوم .....وأهلي أحسهم خلاص ملو من وضعي يبغوني أتزوج بأي شكل أحس نفسي مثل الهم على قلوبهم...بس أبغى أسأل يا بنات أنا وحدي المطلقه اللي أعاني من ان مجتمعنا تلاقي الرجال يطمعون في المطلقه ويحسبونها رخيصه والحريم يتطاولون عليها ويستضعفونها ؟؟؟؟؟؟؟؟؟؟؟

يلزم عليك تسجيل الدخول أولًا لكتابة تعليق.

تسجيل دخول

ليش الجحود • 14 سنة

الله يفرج همك والله يرزقك بالزوج الصالح تزوجي ولاتقعدين كذاااااا

@جمرةغضا@ • 14 سنة

اهلين فيكي..اختى الغاليه..
انا لي سنتين مطلقه..فعندي كم كلمه اقولها لكي..مجتمعنا غبي ومراح يتعدل...فالحل راح ايكون بيديكي انتى..يعنى اي مكان يزعجكي لاتورحين له اي ناس متخلفه ينظرون لكي نظره او حريم غبيات ايخافون ع رجالهم ع بالهم المطلقه تبي تقبل باي شي مجرد انها مطلقه..الوحده لما تاخذ طلاقها حتى اتشوف لها فرص افضل مو عشان تسرق الرجال من حريمهم..انتى سوي لكي الجو الخاص فيكي..اتعرفي ع بنات مثل تفكيركي..روحي لهم ..وعيشي حياتكي..اي كلمه ماتعجبكي تسمعيها لاتتضايقي منها بالعكس قولي هذي فرصه عشان ادعي لنفسي..طوري من نفسك ..والله راح اتعيشين احلا حياه..:26:

بنت السراء • 14 سنة

الله يفرج همك والله يرزقك بالزوج الصالح تزوجي ولاتقعدين كذاااااا

* سماء نجد * • 14 سنة

الله يكون بعونك اختي ويفرج لك ويرد لك ولدك رداً جميلا ويسعدك يارب دنيا واخره
ثانيا وسعي صدرك وتعلمي فن التطنيش هذا اللي ينفع مع مجتمعنا والمطلقة لو بيدها ماتطلقت بس هذا نصيبها ورزقها وش تسوي بعدين هذا شرع الله يعني ماسوت شيء حرام علشان المجتمع ينفر منها
دعواتي لك ولكل بنات المسلمين والمسلمات بان الله يرزقك بالزوج الصالح التقي النقي الهني الغني حسن الخلق والخلقة اللي يخاف الله فيك ويشيلك من على الارض شيل عاجلا غير اجل اللهم امين

لن أنكسر • 14 سنة

شكرا على ردودكم والله يجزاكم خير ويعطيكم ما تتمنون على دعواتكم اللي تطمن القلب أنا الي كاسر قلبي وخاطري ولدي ماني قادره أنساه ...