ليه المجتمع يصفّق للي يعرف “يلعبها صح” ويتجاهل اللي يتعب على أخلاقه

المجتمع يمدح الي يعرف يلعبها صح لانهم ينتظرون منه فائدة او مصلحة ، ويمدحون المتسلط لانهم يخافون شره وضره

اما اصاحب الاخلاق الحسنة فصدقيني يا سحلب كل المجتمع يعرف بقوتهم وقيمتهم حتى وان كانو بيوم يسبونهم ويوصفونهم بالضعف ، ونقدر نقول عليهم هم الي عرفو يلعبونها صح دنيا واخره ، ما جلبو اصحاب المصلحة ولا عملو السيئات . كلهم محاطين باصحاب صالحة وبحياة صالحة ترضي الله وترضيهم

مهو دايم لذه يصير كذى.
فيه ناس واضحين ولا يتملقون
ولا يجاملون وعندهم مباديء وماينغرون بالمظاهر.
ويقدرون أصحاب المبادي والأخلاقيات.

وفي المقابل إيه..فيه ناس
تافهه إمعات ينضحك عليهم
ومايفرقون بين الغث والسمين

ياذا المجتمع اللي نلصق كل شي بظهره
ودي يجي يوم مانقول الكلمة ذي
خذوها قاعده اللي يبي الاصلاح والتقويم يبدا بنفسه ثم اهل بيته

الشي الثاني الناس نوعين حسب موضوعك النوع الاول انسان مركز ع نفسه ملتزم صادق بس مركز ع نفسه مادور التقييم من الناس لانه مركز ع طموحه ونجاحه بعيد عن الاضواء محد هضم حقه هو يبي كذا

النوع الثاني هو اصلا يستمد سعادته من تصفيق الناس له فلذلك تلقينه يجامل يبادر يسعى لرضا الناس ويتلذذ به هو يبي كذا

وانا شخصيا بصفتي وحدة من المجتمع احب النوع الاول واصفق للنوع الثاني
تلقيني اتابع شخصيات رزينة وتلقيني اتابع مشاهير يضحكوني
زي ماتلقيني اسمع خالد الجبير بتلقيني اتفرج طاش