أسباب تخلي المراهق يخاف يصارحك؟ و ازاي تكون أمان لابنك بدل ما يكون غريب عنك؟
شوفوا خلينا نفهم ان المراهق مش بيحب أو بيخاف يقولك إيه المشاعر اللي جواه علشان هو شايفك مش بتحبه أو هو اللي مش بيحبك، ولا علشان زي ما كتير بيعتقد أنه عنيد...
كل الحكاية انه مجرد، بيخاف ويقلق من رد فعلك أكثر بكتير من قلقه وتوتره من المشكلة نفسها!
🔹 لاحظوا كده انكم إحتمال وصلتوا له قبل كده:
المعاني دي حتى لو بشكل غير مباشر "أنا ربيتك أحسن تربية، ازاي تعمل كده؟"
او مثلاً "انت مش ابني اللي أنا ربيته!"
هنا هتلاقيه بدأ يخبّي...
وده مش لأن ماعندوش حاجة يقولها، لكن علشان هو فقد الأمان اللي كان ممكن يخليه يحكي و يتكلم.
🔹 وممكن جدا يكون متعلق بيكي بيشوفك بتعيطي كتير، أو متوترة و قلقانة ومضغوطة،
فيقرر هنا يحبي و يحتفظ بهمّه جواه وده علشان بيحبك و ما يزيدش عليكي.
🟢 سؤال هنا مهم كأم أو أب.. أكون أمان له إزاي؟
1. ✅ تعلموا ابنكم أو بنتكم بلطف وحب إن الاعتراف والفضفضة بالنسبة لهم شجاعة مش ضعف💪🏻
و أنهم لما يحاولوا يتكلموا ويقولوا "أنا غلطت"، اوعوا تبدأوها باللوم... ابدأوا دائمًا بالاحتواء وحاولوا تكظموا مشاعر الغضب أو الخوف أمامهم وهساعدكم على كده انكم تفتكروا انتم في اللحظة دي بتكسبوا ولادكم.
2. ✅حاولوا تسمعوهم للآخر بلا مقاطعة أو حكم
كأنكم بتسموا صاحبكم بالظبط، متخلوهمش يحسوا انهم متهمين في محكمة.
3. ✅ من وقت للتاني حاول/ي سأله أسئلة تساعده يكون واعي و يفهم نفسه
مثلا تقولوا: "إيه اللي خلاك تعمل كده وكلمة حب بعدها على طول؟ كنت محتاج إيه وقتها حد يسمعك ولا كنت محتاج ايه احكيلي؟"
4. ✅ دائمًا حاول/ي تطمن قلبه إنك موجود علشان تكون معاه مش عليه
فضفض معاه: "أنا هنا جنبك أساعدك، مش ألومك و اثبت انك غلطان أعاتبك وخلاص."
نصيحة أخيرة:
مش المطلوب منكم ابدا تكونوا مثاليين...
لكن تكونوا حضن دافي وأمان وقت العاصفة.
كل مرة بيحكي لك فيها بدل ما يخبي، اعرفي انك بتكسبي ابنك مش بتخسريه هتقدروا توجهوهم صح و يتقبلوا منكم بكل حب.
✍️ #أمنيةمحمد_استشاريةارشاداسري_وزواجي
#جرعة_راحة_أمنية_محمد
#دعم_نفسي_أمنيةمحمد
#مشاكل_المراهقين
#علاقة_الأبناء_بالأهل
#المراهق_مايتكلمش_ليه
#إزاي_أفهم_ابني