ليه المقارنه

صباح الخير 

انا حبيت افضفض بس لان احس محد يدري ان هالكلام يآلمني يجيب لي الصيحه

طبعا انا سبق وكتبت موضوع عن مشاكلي مع زوجي مشاكل لاتعد ولاتحصى للي مو عارفني

توصل للضرب والزعل وارضى وارجع واحيان بالكلام 

المهم حياتي مشاكل 
طيب انا اخر العنقود وعندي خوات كبار متزوجين وحياتهم مشاء الله احسن مني 

اللهم عندي اخت توفت اكبر مني اردى من حالي كانت مع زوجها مشاكل ضرب مشاكل لين توفت وارتاحت 

يقالكم حياتي افضل منها اللع يرحمهاااااااااااا امين 


انا عارفه ان كل اللي يقول الكلام هذا لي كانو يتمنون لي زوج احسن وحظظظ افضضضل بما اني دلوعتهم عارفه

بس اتضايق صرت ومقدر مثلا ارد لان احتراما لهمانهم اكبر مني 


انا صحيح حياتي مشاكل بس مو راضيين يقتنعون ان بيننا ايام حلوه وان زوجي لو اطلب منه شي ومعه جااااب لي مايقصر عني 

وانه حنون معي دااااايم بغض النظر عن مشاكلنا 

وانه يحبني ويموت في مواطي رجلي وهو اللي متمسك فيني والا كان تطلقت لان معاد اتحمل المشاكل 

ليش امي دايم تقولي او ترمي كلام علي ان حظك شين والله 

ماالوم امي لان امي شايفه مشاكلنا وياما زعلت عندها بالاسابيع والحين بالشهور لاني طلبت شرطي شقه لحالي 

طيب لو انه مايحبني وانا واثقه من حبه لي ماجاب لي الشقه وطلع من بيت اهله علشاني وبناته

ليه مو راضيين يقتنعون طيب 

ليه امي تحطمني والله اني ازعل اذا قالت كذا ودي ماتقارن بينه وبين واحد ثاني 

طيب يمه عارفه انك تتمنين لي الاحسن طييب بالكلام هذا يضيق خلقي حتى اني اعصب عليه وهو مايدري وشفيني متغيره عليه

مثلا في جمعه خواتي وكذا نسولف ونحكي ونضحك 

فجاه يجي طاري لوحده من الجماعه زوجها قايل بها هه هه مشاء الله الله لايضرهم طيب 

ويصدف ان البنت هذي مثل عمري 

بعدين امي تقول ياحظي مو مثل ذا اللي جالسه الحين 

طبعا بترجم لكم 

تقصد مو مثل زوجك لازين ولايعرف السناعه وينها معه ولامدلعك ولاشيء 

طيب وش اسوي انا 

لا وحاجه ثانيه اذا حكينا عن واحد من الجماعه وبرضو قايل بزوجته هه هه ووسيم 

ترجع علي انا تقولي مو مثل رجلك لازين ولا شيء 



طيب عارفه ان رجلي شين بس تراكم تجرحوني 

احيانا ادافع عنه مثل اليوم 

اقولها طيب ماقدرنا نشيل العفش لان حاليا مامعه شيء 

تقولي رجلك اللي مو متحمس مافيه زود محبه 

يمااااااااااااااااه انتو وش يدريكم عني وعنه

وقسم انه من ناحيه المحبه مو مقصر علي بشي كلام حلو ويداري خاطري لاازعل بس 

ليش امي تقولي كذا يابنات 

حتى يوم دافعت عنه مصره على كلامها 

انا ظروف زوجي مو مره ممتازه 

ننتظر ذا الراتب علشان نشيل وهو يبيني ارجع اليوم قبل بكره بس انا مابي ارجع لبيت هله ابي بيت لحالي 

ماادري كيف اشرح 

زي اليوم بعد بنت اختي تحكي لنا عن وحده كبري اوكي ماتزوجت وتقول ماني متزوجه اي واحد انا 

قالت امي ايه اللي يطيح يطيح متواسي مو مثل حظ هذي( تقصدني) رجلها مخيس ميت مع الميتين كنها تقول مدري وشلون متحملته


لو تلاحظون ماتقول لخواتي شيء لان رجاجيلهم مشاء الله مو مقصرين عن خواتي شيء 

طيب ظروف رجلي مو مثلهم وش اسوي 

اوكي مو ناقصني شيء انا طيب هذا نصيبي ومو قابله فيه واحاول ارضى فيه ليه تحطموني

مايتكلم الا امي والله كلامها يجرحني 

امي على عيني وراسي تقول اللي تقوله بس خفي علي شوي 

هو صحيح فيه عيوب ومو ذاك الجمال ويقصر احيانا بس اذا صار مامعه 

اذا معه اطلبي واتمني 

ومو راضيه امي تقتنع 

اوكي مايجيب لي هدايا يقولي ظروفي ماتسمحلي والا تستاهلين 

تقول امي لو ورده عاد بتضر!! 



لاني انا يوم طلعت من نفاسي الاول ماجاب لي شيء وانصدمت ماتوقعت مايجيب شيء 

ظروفه طيب 

احيانا تقارن زوجي بواحد من اقاربنا من كل النواحي من الشكل المعامله مقدرته الماليه وتقولي يآآالله على حظك 


تعبت 

لي حق ازعل والا ماعندي سالفه