ليه الناس نفوسهم تغيرت

السلام عليكم
بنات من فيكم ملاحظ الشي هذا
الناس صايره نفوسهم ضيقه ضيقه لابعد حد
والله العظيم امي من النوع القديم يعني تحب الجمعات تحب الاقارب تحب يوميا تعزم اهل ابوي واهلها
فتعودنا على كذا وكانو دايم عندنا واحنا عندهم قبل تقريبا 4 سنوات لاحظت كلهم خوالي واعمامي بدو ينسحبون
على شوي شوي وكل واحد يجيب حجه لامي اللي يقول احنا مرتبطين واللي يقول مانقدر واللي يقول مامدانا متشاوفين قبل اسبوع واللي تقول البنات مايبغون يطلعون
دايم يابنات دايم امي الله يهديها مشقيه نفسها بالناس هي اللي تجمعهم وهي اللي تكلمهم وتسال عنهم
وهم ولا على بالهم ولا يعترفون بشي اسمه قرابه صارو بالموت اذا اجتمعو كل عائله تجي منهم الام والبنت الكبيره
وباقي البنات بالبيت واذا سالو قالو والله مالهم نفس يطلعون والله مالهم خلق واذا فتحنا الانستقرام او السناب نحصلها ببيتهم لحالها زي الجنيه عند
المسلسلات او النت او طالعه مع السواق لمطعم او شي وترفض الطلعات مع اهلها
اللي بستفسر منكم احنا لما يصير فيه جمعه اصلا مو بكيفنا غصب علينا نروح لان امي تقول شي عيب ماتحضرون
ثاني شي بالعكس احنا نتحمس وودنا نجتمع مع بنات اقاربي ونسولف ونفلها ونستانس لاكن صارو حتى اذا حضرو كانهم مغصوبات
وبس ع الجوال عايشات جو ثاني اقسم بالله اتذكر ايام زمان قبل 10 سنوات ونفسي ابكي احن لذيك الايام كنا كبار بالعشرينات ونتجمع
مع كل بنات اقاربي بالطلعات وقلوبنا نظيفه وسهر وهبال وكل وحده تتحمس للطلعه ولاقاربها اكثر من الثانيه
اما الحين العكس وربي اخر مره قبل يومين لما اجتمعنا كاننا بعزا شفتو اللي كل وحده عيونها بالجوال ولا تدري عن الدنيا
والامهات كل وحده تناظر ساعتها تنتظر بس متى يحطون العشاء عشان تتصل على عيالهم وتهرب هي وبناتها صار الشي هذا كانه واجب يخلصونه ويهربون
ووصلنا كلام بامي انها للاسف نشبه وبس منشغله بالناس عشانها تعزمهم امي الله يهديها تعبنا واحنا نقولها لاعمرك تدورين احد ولا عمرك تعزمين احد الناس قلوبهم تغيرت
تعصب علينا تقول على اخر عمري بتبوني اقطع باهلنا واقاربنا عجزت افهمها ان الاهل والاقارب مايبون قربنا ولا قرب غيرنا يبون يعيشون لحالهم