ليه الوزارات ما تسوي برامج تعليمية لمجالاتها وتدفع للمختص الي يقدمها؟

السلام عليكم
١-هذا الاقتراح بيساهم في تقليل البطالة ٢-وبيساهم في زيادة الدخل ٣-وبيساهم في توعية الناس ٤-وبيساهم في انشاء محتويات هادفة
ليه ماتتعاون الوزارات مع الاشخاص المختصين الي مالقوا وظايف او الموظفين ويبون زيادة دخل في مجالات تابعة لوزارتهم او مجالتهم بحيث يسوون برامج ويدفعون لهم فلوس
مثلا:
١-الي تخصصه عظام يتكلم عن الفيتامينات وعن امراض هشاشة العظام واسبابها ومراحلها وتطورها وعن المعادن واهميتها لصحة العضلات والعظام واين توجد بكثرة في اي اكلة وفوائد البقوليات والنشويات واضرارها على الصحة…. ويسوي برنامج في السوشل ميديا والصحة تعطيه فلوس على برنامجه
والي تخصصه كلى ومسالك بولية يتكلم عن حصوات الكلى وقصور الكلى ومراحلها والفشل الكلوي والاكل والشرب الممنوع له والمسموح وانواع غسيل الكلى ومتى يصار اليه ومضاعفاته ومتى يلجأ الى الزراعة…. وكذا باقي التخصصات مثل القلب والاوعية الدموية والجلطات والغدد والانف والاذن والحنجرة والصدرية والرئة والحويصلات الهوائية وامراضها والضغط والسكر وآثارها واسبابها
٢-الي تخصصه جغرافيا يتكلم عن الدول ومعادنها وثرواتها والانهار الي تحتويها وهل هي صالحة او ملوثة وسبب التلوث وعن التربة وهل هي خصبة وعلى العوامل الي تخليها خصبة وعن التصدير والايراد والزراعة… ويسوي برنامج في السوشل ميديا ووزارة التعليم تعطيه مقابل مادي عليه
٣-الي تخصصه دين يتكلم عن الفقهاء وبداياتهم وبداية طلبهم وكيف صارت المذاهب والاختلاف، وكيفية تدوين القران والسنة واشهر الي كتب وجمع ويتكلم عن التفسير ومراحله وتطوره من عهد النبي صلى الله عليه وسلم الى عهد المصنفين فيه واشهر المفسرين وايش الي يميز كل واحد والسيرة النبوية وزارة الشؤون الاسلامية تعطيه مقابل مادي على برنامجه
٤-المهندس يتكلم عن البترول ومشتقاته وايش فايدته واستخداماته وفايدة معادن الارض في صناعة الجوالات والسيارات والطيارات وايش مكونات صناعة الجوال والطائرة
كذا راح تقل نسبة البطالة باذن الله وراح نحصل على محتويات هادفة وراقية ومفيدة