طيب ي عيني لاتنشغلين بناس
اشتغلي ع نفسك حفزي نفسك
ادخلي دوره تحبينها حاسب او انجليزي او مكياج او مهارات اي شي
او دار لتحفيظ القران بتشوفين نفسك كيف تتغيرين
كل احد ربي خلق فيه جمال اذا عرف يبرزه
اهتمي بنفسك شوفي وش يناسب
بتوفيق ي قلبي ربي يسر امورك عاجلا غير اجل

والله يا حبيبتي اعرف وحده عاديه جدا جدا بس قلبها زي العسل وانتي مثلها ان شاء الله...مالك بالطويله المهم عندها 4 اخوات اصغر منها اتزوجو قبلها وخلفو وهي صبرت واحتسبت ورجعت للكليه وتخرجت وقبل كم شهر تزوجت واحد ما قد تزوج رغم ان عمرها قريب الاربعين وماشاء الله يحبها ولا قد تزوج ...لسه ماجاك النصيب والحياة ماتوقف على رجل انتي كوني نفسك بنفسك وسعادتك انتي اصنعيها لا تنتظرينها تجي عندك

كنت مثلك و شفت هالرابط وتغيرت الحمد لله
عيشي الرضا وتعلميه
https://www.hawaaworld.com/showthread.php?t=460326...

ومن قال انو ماعندك شي صدقيني كل تأخير فيه خير ولاتقولي مافيك شي حلو كل امرأة فيها جاذبية حتى لو مافيها جمال رغم أني برأيي مافي امرأة مو جميلة حاولي تهتمي بنفسك وابرزي جمالك انفضي عنه الغبار راح تلاقيه ازرعي التفكير الإيجابي فقلبك تقربي من الله وراح تحسي بالسعادة تعرفي السعادة تخلي الوجه يشع نضارة وجاذبية وتخلي روحك مرحة محبة للحياة كوني واثقة ابني نفسك بنفسك لا تستني زواج أو وظيفة عشان تسعدي مافي شي راح يسعدك إلا إذا غيرتي نفسك من الداخل إلى الخارج وإن شاءالله موفقة

اول شيء ، مافيه انسان ماعنده شيء مميز فيه او ماعنده صفه حلوه .. يمكن انتي ماتشوفينها بنفسك بس غيرك يحبها فيك يحب ضحكتك او طريقة كلامك او اسلوبك او طريقتك لتسريح شعرك انتي ماتدرين يعني


ثانياً ، لا عمرك تشوفين حياة غيرك ابد لأن دايم اللي تناظر للناس تحس بنقص فلانه عندها وانا ماعندي وفلانه معها وانا مامعي .. هذا اسمه حسد لاتفكرين بحياة احد عيشي حياتك


ثالثاً ، اذا على شهادتك .. ياقلبي انتي كل انسان عنده ظروف هالجامعيات كم وحده تسحب ترم وترجع كل انسان عنده ظروف وانتي ارجعي حاولي مره ثانيه لعل وعسى الله يسهل لك المره هذي ان شاء الله


رابعاً واخيرا ، شكلك .. عشانك تناظرين لغيرك تحسين انك مو حلوه .. سوي خلطات وحطي لاتخلين خلطه على وجه الارض لاتسوينها وسوي سنفرات مستحيل مايتغير لون بشرتك وسوي بديكير ل اظافرك حسي بأنوثتك وبجمالك غيري ستايل ملابسك تعلمي للمكياج اشغلي نفسك بجسمك وجمالك .. اذا عندك عيب ب اسنانك سويه اشغلي اهلك لين يسوونه لك ، اذا على شعرك سويه بروتين ب ٥٠٠ ريال يقعد لك ٦ شهور وبس اذا فيه اي سؤال او استفسار او حبيتي اساعدك بشغله تفضلي دايركت 💛💛.